ಇನ್ನೂ ಕೆಲವರಿಗೆ ಬೇಗನೆ ಒಳ್ಳೆಯ ಕೆಲಸ ಸಿಕ್ಕಿರುತ್ತದೆ. ಇದೀಗ ಕೆಲಸ ಹುಡುಕುವುದು ಒಂದು ಸವಾಲಿನ ಸಂಗತಿಯಾಗಿದೆ. ಅಷ್ಟೇ ಅಲ್ಲದೆ ಕೆಲಸ ಮಾಡುವ ಕಂಪನಿಯವರು ಯಾವಾಗ ಕೆಲಸದಿಂದ ತೆಗೆದು ಹಾಕುತ್ತಾರೆ ಎಂಬುದನ್ನು ಈಗ ಊಹಿಸುವುದಕ್ಕೂ ಸಹ ಸಾಧ್ಯವಾಗುವುದಿಲ್ಲ.
ಇಲ್ಲಿಯೂ ಸಹ ಇಂತಹದೇ ಒಂದು ಘಟನೆ ನಡೆದಿದೆ ನೋಡಿ.. ಒಂದೊಳ್ಳೆಯ ಕೆಲಸವನ್ನು ಹುಡುಕುತ್ತಾ ತಮ್ಮ ಊರು ಬಿಟ್ಟು ಗುರಗಾಂವ್ಗೆ ಸ್ಥಳಾಂತರಗೊಂಡ ಯುವಕನೊಬ್ಬ ಇಂಟರ್ನ್ ಆಗಿ ಕೆಲಸ ಮಾಡುತ್ತಿದ್ದ. ಇತ್ತೀಚೆಗೆ ಆನ್ಲೈನ್ನಲ್ಲಿ ಆತ ತನ್ನ ನೋವಿನ ಅನುಭವವನ್ನು ಹಂಚಿಕೊಂಡಿದ್ದಾನೆ.
ಯುವಕನೊಬ್ಬ ಹೆಚ್ಚಿನ ಭರವಸೆಯೊಂದಿಗೆ ಒಂದು ಕಂಪನಿಗೆ ಕೆಲಸಕ್ಕೆ ಅಂತ ಸೇರಿದ್ದರು, ಆ ಕಂಪನಿಯ ಸಂಸ್ಥಾಪಕರ ನೇರ ಮೇಲ್ವಿಚಾರಣೆಯಲ್ಲಿ ಕಲಿಯಲು ಮತ್ತು ಬೆಳೆಯಲು, ಪ್ರತಿ ದಿನ 10 ರಿಂದ 12 ಗಂಟೆಗಳವರೆಗೆ ಬಿಟ್ಟು ಬಿಡದೆ ಕೆಲಸ ಮಾಡ್ತಿದ್ರಂತೆ.
ಅಷ್ಟೇ ಅಲ್ಲದೆ, ವಾರಾಂತ್ಯದಲ್ಲಿ ಅಗತ್ಯ ಅಂತ ಅನಿಸಿದಾಗಲೂ ಕಂಪನಿಯ ಇನ್ನಿತರೆ ಕೆಲಸ ಮಾಡ್ತಿದ್ದನಂತೆ ಈತ. ಅಷ್ಟು ಕೆಲಸ ಮಾಡಿದ್ರೂ ಆ ಕಂಪನಿ ಅವರನ್ನ ಹಠಾತ್ತನೆ ಮತ್ತು ಯಾವುದೇ ಮುನ್ಸೂಚನೆ ಇಲ್ಲದೆಯೇ ಕೆಲಸದಿಂದ ತೆಗೆದು ಹಾಕಿದೆ.
ಆ ಕಂಪನಿಯು ಕೇವಲ 23 ದಿನಗಳ ನಂತರ ಅನಿರೀಕ್ಷಿತವಾಗಿ ಇಂಟರ್ನ್ನ ಹುದ್ದೆಯನ್ನು ವಜಾಗೊಳಿಸಿತು. ಕಂಪನಿಯ ಆದಾಯಕ್ಕೆ ಹೆಚ್ಚಿನ ಕೊಡುಗೆ ನೀಡಿದ ವ್ಯವಹಾರವು ಗಮನಾರ್ಹವಾದ ಕ್ಲೈಂಟ್ ಸಂಬಂಧಗಳನ್ನು ಕಡಿದುಕೊಳ್ಳಲು ನಿರ್ಧರಿಸಿದ್ದರಿಂದ ಸಂಸ್ಥೆಗೆ ಹಠಾತ್ ಆರ್ಥಿಕ ಹಿಂಜರಿತ ಉಂಟಾಯಿತು ಎಂಬ ಕಾರಣವನ್ನು ಕಂಪನಿಯವರು ನೀಡಿದರು.
ಇಂಟರ್ನ್ನ ಪ್ರಯತ್ನಗಳಿಗೆ ಯಾವುದೇ ಸೂಚನೆ ಅಥವಾ ಪರಿಗಣನೆಯಿಲ್ಲದೆ, ಆಡಳಿತ ಮಂಡಳಿಯು ಅವರನ್ನು ಕೆಲಸದಿಂದ ತೆಗೆದು ಹಾಕಲು ನಿರ್ಧರಿಸಿತು.
ಆರಂಭದಲ್ಲಿ ಇಂಟರ್ನ್ಗೆ ತಮ್ಮ ಕಠಿಣ ಪರಿಶ್ರಮಕ್ಕೆ ತಕ್ಕ ಪ್ರತಿಫಲ ದೊರೆಯುತ್ತದೆ ಎಂದು ಭರವಸೆ ನೀಡಲಾಗಿತ್ತು, ಮೂರು ತಿಂಗಳ ನಂತರ ಅವರ ಕೆಲಸವನ್ನು ಪರ್ಮನೆಂಟ್ ಮಾಡುವುದಾಗಿ ಮತ್ತು ಅದಕ್ಕೆ 40,000 ರೂಪಾಯಿಯ ಆರಂಭಿಕ ವೇತನದ ಭರವಸೆ ನೀಡಲಾಗಿತ್ತಂತೆ.
ಆದರೆ ಈ ಕಂಪನಿ ತಾವು ನೀಡಿದ ಭರವಸೆಯನ್ನು ಉಳಿಸಿಕೊಳ್ಳುವುದಿರಲಿ, ಕೆಲಸದಿಂದಲೇ ಆ ಇಂಟರ್ನ್ ಅನ್ನು ತೆಗೆದು ಹಾಕಿದರು. ಇಂಟರ್ನ್ಗೆ ಈಗ ತನಗೆ ದ್ರೋಹ ಆಗಿದೆ ಎಂಬ ಭಾವನೆ, ತೀವ್ರ ನಿರಾಶೆ ಮತ್ತು ಸಂಸ್ಥಾಪಕರ ಮಾತುಗಳಲ್ಲಿ ನಂಬಿಕೆ ಇಟ್ಟಿದ್ದಕ್ಕೆ ತುಂಬಾನೇ ಬೇಸರವಾಗುತ್ತಿದೆಯಂತೆ.
ಗುರಗಾಂವ್ನಂತಹ ದುಬಾರಿ ನಗರದಲ್ಲಿ, ವಿಶೇಷವಾಗಿ ಈಗಾಗಲೇ ಸವಾಲಿನ ಉದ್ಯೋಗ ಮಾರುಕಟ್ಟೆಯ ನಡುವೆ ಹಠಾತ್ತನೆ ಕೆಲಸವನ್ನು ಕಳೆದುಕೊಂಡು ನಿರುದ್ಯೋಗ ಸಮಸ್ಯೆ ಎದುರಿಸುವುದು ಎಷ್ಟು ನಿರಾಶಾದಾಯಕವಾಗಿರುತ್ತದೆ ಅಂತ ಅವರು ವಿಡಿಯೋ ಮೂಲಕ ತಿಳಿಸಿದ್ದಾರೆ..
ಅವರು ತಮ್ಮ ಉಳಿತಾಯದ 30 ಸಾವಿರ ರೂಪಾಯಿಗಳನ್ನು ಈಗಾಗಲೇ ಈ ಕೆಲಸ ಹೀಗೆ ಮುಂದುವರೆಯುತ್ತದೆ ಅಂತ ನಂಬಿಕೊಂಡು ಎಲ್ಲವನ್ನೂ ಖರ್ಚು ಮಾಡಿರುವುದಾಗಿಯೂ ಸಹ ಬಹಿರಂಗಪಡಿಸಿದರು.
ಇದೀಗ ತಮ್ಮ ಈ ಲೇ-ಆಫ್ ಕಥೆಯನ್ನು ಇಂಟರ್ನ್ ಜನಪ್ರಿಯ ಆನ್ಲೈನ್ ವೇದಿಕೆಯಾದ ಇಂಡಿಯನ್ ವರ್ಕ್ಪ್ಲೇಸ್ನಲ್ಲಿ ತಮ್ಮ ಕಥೆಯನ್ನು ಪೋಸ್ಟ್ ಮಾಡಿದ್ದಾರೆ.
ಅಲ್ಲಿ ಹಲವಾರು ಜನರು ಅವರ ಪರಿಸ್ಥಿತಿಯ ಬಗ್ಗೆ ಸಹಾನುಭೂತಿ ತೋರಿಸಿದರು. ಕೆಲವರು ನಕಾರಾತ್ಮಕತೆಯಿಂದ ಹತಾಶೆಗೊಳ್ಳಬೇಡಿ ಅಂತ ಸಹ ಇವರಿಗೆ ಸಲಹೆ ನೀಡಿದರು.
July 29, 2025 3:37 PM IST
Job: ದಿನಕ್ಕೆ 10 ಗಂಟೆ ಕೆಲಸ ಮಾಡ್ತಿದ್ದ ಈ ಯುವಕ; ಸೂಚನೆಯೇ ನೀಡದೆ ಜಾಬ್ನಿಂದ ಕಿಕ್ ಔಟ್, ಕಂಪನಿ ಕೊಟ್ಟ ಕಾರಣ ಏನು?
