ರಾಜಸ್ಥಾನ 12ನೇ ತರಗತಿ ಬೋರ್ಡ್ ಎಕ್ಸಾಂ ಪರೀಕ್ಷೆ ಫಲಿತಾಂಶ ಬಂದಿದೆ. ಫಲಿತಾಂಶದಲ್ಲಿ ಟಾಪರ್ ಆಗಿದ್ದ ನಿಕಿತಾ ತನ್ನ ಫಲಿತಾಂಶಗಳನ್ನು ನೋಡಲು ಸಾಧ್ಯವಾಗಲಿಲ್ಲ. ಫಲಿತಾಂಶ ಬರೋ 10 ದಿನಗಳ ಹಿಂದೆ ಆ ವಿದ್ಯಾರ್ಥಿನಿ ನಿಧನರಾದರು.
ರಾಜಸ್ಥಾನ 12ನೇ ತರಗತಿಯ ಪರೀಕ್ಷಾ ಫಲಿತಾಂಶಗಳನ್ನು ಬಿಡುಗಡೆ ಮಾಡಿದೆ. ಶ್ರೀಗಂಗಾನಗರದ ನಿವಾಸಿ ನಿಕಿತಾ 12ನೇ ತರಗತಿಯ ಪರೀಕ್ಷೆಯಲ್ಲಿ 93.88% ಅಂಕಗಳನ್ನು ಗಳಿಸಿದ್ದಾರೆ. ಈ ಯಶಸ್ಸಿನ ಹೊರತಾಗಿಯೂ, ನಿಕಿತಾ ಅವರ ಮನೆಯಲ್ಲಿ ನೋವು, ಕಣ್ಣೀರು ಬಿಟ್ಟು ಇನ್ನೇನೂ ಇಲ್ಲ.
RBSE 12 ನೇ ತರಗತಿಯ ಫಲಿತಾಂಶಗಳನ್ನು ಪ್ರಕಟಿಸಿದೆ. ಫಲಿತಾಂಶಗಳ ಬಿಡುಗಡೆಯು ಅನೇಕ ಮನೆಗಳಿಗೆ ಸಂತೋಷವನ್ನು ತಂದಿದೆ. ಎಲ್ಲರ ಮನೆಯಲ್ಲೂ ಸಂಭ್ರಮ, ಸೆಲೆಬ್ರೇಷನ್ ಇತ್ತು. ಆದರೆ ತನ್ನ ಮಗಳು 93.88% ಅಂಕಗಳನ್ನು ಪಡೆದಿದ್ದರೂ ಅದನ್ನು ಸಂಭ್ರಮಿಸಲಾಗದೆ, ಖುಷಿ ಪಡಲಾಗದೆ ಕಣ್ಣೀರಲ್ಲಿ ಕೈತೊಳೆಯುತ್ತಿರುವ ಒಂದು ಮನೆ ಇದೆ.
ಶ್ರೀ ಗಂಗಾನಗರದ 7 ಕೆಎನ್ ರಾವ್ಲಾದಲ್ಲಿ 12 ನೇ ತರಗತಿಯ ವಿದ್ಯಾರ್ಥಿನಿ ನಿಕಿತಾ ಇತ್ತೀಚೆಗೆ ಮಾರ್ಚ್ 20 ರಂದು, ಪರೀಕ್ಷಾ ಫಲಿತಾಂಶಗಳು ಪ್ರಕಟವಾಗುವ ಕೇವಲ 10 ದಿನಗಳ ಮೊದಲು ನಿಧನರಾದರು. ನಿಕಿತಾ 93.88% ಅಂಕಗಳೊಂದಿಗೆ ಪರೀಕ್ಷೆಯಲ್ಲಿ ಉತ್ತೀರ್ಣರಾದರು.
ನಿಕಿತಾ ರಾಲಾದ ಸರ್ಕಾರಿ ಹಿರಿಯ ಮಾಧ್ಯಮಿಕ ಶಾಲೆಯಲ್ಲಿ ವಿದ್ಯಾರ್ಥಿನಿಯಾಗಿದ್ದರು. ಅನಾರೋಗ್ಯದಿಂದ ಬಳಲುತ್ತಿದ್ದರು. ಅವಳು ಹೆಪಟೈಟಿಸ್ ಮತ್ತು ಮಧುಮೇಹದಿಂದ ಬಳಲುತ್ತಿದ್ದರು ಎನ್ನಲಾಗಿದೆ. ಇದರಿಂದಾಗಿ ಅವರು ಸಾವನ್ನಪ್ಪಿದರು. ದಿನಗೂಲಿ ಕಾರ್ಮಿಕರಾಗಿದ್ದ ಆಕೆಯ ಪೋಷಕರು ತಮ್ಮ ಮಗಳು ಇಂದು ಜೀವಂತವಾಗಿದ್ದರೆ ಅವಳ ಯಶಸ್ಸಿನಿಂದ ಅದೆಷ್ಟು ಸಂತೋಷಪಡುತ್ತಿದ್ದರೋ..
ಆ ಮನೆಯ ವಾತಾವರಣವೇ ವಿಭಿನ್ನವಾಗಿರುತ್ತಿತ್ತು. ಆದರೆ ವಿಧಿ ಬೇರೆಯೇ ಇತ್ತು. ಫಲಿತಾಂಶಗಳು ಪ್ರಕಟವಾಗುವ ಕೇವಲ 10 ದಿನಗಳ ಮೊದಲು ನಿಕಿತಾ ನಿಧನರಾದರು. ಈ ಘಟನೆಯಿಂದ ಅವರ ಪೋಷಕರ ಕನಸುಗಳೇ ಕಮರಿ ಹೋದವು.
ಈ ವರ್ಷ ರಾಜಸ್ಥಾನದಲ್ಲಿ ಸುಮಾರು 8.5 ಲಕ್ಷ ವಿದ್ಯಾರ್ಥಿಗಳು 12 ನೇ ತರಗತಿಯ ಬೋರ್ಡ್ ಪರೀಕ್ಷೆಗಳಿಗೆ ನೋಂದಾಯಿಸಿಕೊಂಡರು. ಅದರಲ್ಲಿ ಸುಮಾರು 8.2 ಲಕ್ಷ ವಿದ್ಯಾರ್ಥಿಗಳು ಹಾಜರಾಗಿದ್ದರು. ಹೆಚ್ಚಿನ ಸಂಖ್ಯೆಯ ವಿದ್ಯಾರ್ಥಿಗಳು – ಸರಿಸುಮಾರು 6 ಲಕ್ಷ – ಆರ್ಟ್ಸ್ ಸೆಕ್ಷನ್ನಿಂದ ಬಂದವರು. ಸುಮಾರು 2.3 ಲಕ್ಷ ವಿದ್ಯಾರ್ಥಿಗಳು ಸೈನ್ಸ್ ವಿಭಾಗದಲ್ಲಿ ಕಾಣಿಸಿಕೊಂಡರೆ, 30,000 ಕ್ಕೂ ಹೆಚ್ಚು ಅಭ್ಯರ್ಥಿಗಳು ಕಾಮರ್ಸ್ ವಿಭಾಗದಲ್ಲಿ ಕಾಣಿಸಿಕೊಂಡರು.
ವಿಜ್ಞಾನ ವಿಭಾಗದಲ್ಲಿ, ಶೇ. 96.42 ರಷ್ಟು ಹುಡುಗಿಯರು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದರೆ, ಶೇ. 92.64 ರಷ್ಟು ಹುಡುಗರು ಉತ್ತೀರ್ಣರಾಗಿದ್ದಾರೆ. ವಾಣಿಜ್ಯ ವಿಭಾಗದಲ್ಲಿ, ಹುಡುಗಿಯರ ಉತ್ತೀರ್ಣ ಪ್ರಮಾಣ ಶೇ. 99.51 ರಷ್ಟಿದ್ದು, ಹುಡುಗರ ಉತ್ತೀರ್ಣ ಪ್ರಮಾಣ ಶೇ. 98.66 ಕ್ಕಿಂತ ಹೆಚ್ಚಾಗಿದೆ. ಕಲಾ ವಿಭಾಗದಲ್ಲಿ, ಶೇ. 98.95 ರಷ್ಟು ಹುಡುಗಿಯರು ಉತ್ತೀರ್ಣರಾಗಿದ್ದರೆ. ಶೇ. 95.80 ರಷ್ಟು ಹುಡುಗರು ಉತ್ತೀರ್ಣರಾಗಿದ್ದಾರೆ.
