Last Updated:
India vs Japan Education System: 10 ವರ್ಷದವರೆಗೆ ಇಲ್ಲ ಎಕ್ಸಾಂ ಫಿಯರ್; ಮಾರ್ಕ್ಸ್ಗಿಂತ ಒಳ್ಳೆಯ ನಡತೆ ಮುಖ್ಯ ಎನ್ನುವ ಈ ದೇಶದಲ್ಲಿ ಕೋಟ್ಯಾಧಿಪತಿಗಳ ಮಕ್ಕಳೂ ಕೂಡ ಕಸ ಗುಡಿಸುತ್ತಾರೆ! ಯಾವ ದೇಶ ಗೊತ್ತಾ?
India vs Japan: ಮಕ್ಕಳ (Children’s) ಬೆನ್ನ ಮೇಲೆ ಭಾರವಾದ ಪುಸ್ತಕದ ಚೀಲಗಳಿಲ್ಲ, ತಲೆಯ ಮೇಲೆ ಪರೀಕ್ಷೆಯ ಒತ್ತಡವಿಲ್ಲ, ರಿಸಲ್ಟ್ ವೇಳೆ ಮಕ್ಕಳ ಮಾರ್ಕ್ಸ್ಗಿಂತಲೂ ಮಗುವಿನ ನಡವಳಿಕೆ ಮತ್ತು ಸಂಸ್ಕಾರಕ್ಕೆ ಹೆಚ್ಚಿನ ಆದ್ಯತೆ ನೀಡುವ ಶಾಲೆಗಳನ್ನು (School) ನೀವು ಎಂದಾದರೂ ಕಲ್ಪಿಸಿಕೊಂಡಿದ್ದೀರಾ? ಇದು ಭಾರತದಂತಹ (India) ದೇಶಗಳಲ್ಲಿ ಕನಸಿನಂತೆ ಕಂಡರೂ ಜಪಾನ್ (Japan) ದೇಶದಲ್ಲಿ ಇದು ವಾಸ್ತವವಾಗಿದೆ.
ಹೌದು, ಜಪಾನ್ ಶಿಕ್ಷಣ ಪದ್ಧತಿಯಲ್ಲಿ (Japanese education system) ನಾಲ್ಕನೇ ತರಗತಿಯವರೆಗೆ ಅಂದರೆ ಸುಮಾರು 10 ವರ್ಷ ವಯಸ್ಸಿನವರೆಗೆ ಮಕ್ಕಳಿಗೆ ಯಾವುದೇ ಪರೀಕ್ಷೆಗಳನ್ನು ನಡೆಸಲಾಗುವುದಿಲ್ಲ. ಯಾಕೆಂದರೆ, ಇಲ್ಲಿ ಶಾಲೆಯ ಆರಂಭಿಕ ವರ್ಷಗಳು ಮಕ್ಕಳ ಮೆದುಳಿಗೆ ಕೇವಲ ಮಾಹಿತಿ ತುಂಬಲು ಸೀಮಿತವಾಗಿಲ್ಲ, ಬದಲಾಗಿ ಅವರ ವ್ಯಕ್ತಿತ್ವ ರೂಪಿಸಲು ಮೀಸಲಾಗಿವೆ.
ಜಪಾನ್ನಲ್ಲಿ ಸುಮಾರು 10 ವರ್ಷದ ವಯಸ್ಸು ತಲುಪುವವರೆಗೆ ಮಕ್ಕಳಿಗೆ ಯಾವುದೇ ದೊಡ್ಡ ಪರೀಕ್ಷೆಗಳನ್ನು ನಡೆಸುವುದಿಲ್ಲ. ಮೊದಲ 3 ರಿಂದ 4 ವರ್ಷಗಳ ಕಾಲ ಶಾಲೆಯಲ್ಲಿ ಮಕ್ಕಳಿಗೆ ಅಂಕಗಳು ಅಥವಾ ಸ್ಪರ್ಧೆಯ ಒತ್ತಡ ನೀಡುವುದಿಲ್ಲ. ಈ ಅವಧಿಯಲ್ಲಿ ಶಿಕ್ಷಕರು ಮಕ್ಕಳಲ್ಲಿ ಉತ್ತಮ ಗುಣಗಳನ್ನು ಬೆಳೆಸುವ ಮೇಲೆ ಹೆಚ್ಚು ಗಮನ ಹರಿಸುತ್ತಾರೆ. ಯಾಕೆಂದರೆ, ಮಕ್ಕಳನ್ನು ಒಳ್ಳೆಯ ವ್ಯಕ್ತಿಗಳಾಗಿ ರೂಪಿಸುವುದು ಶಿಕ್ಷಣದ ಮುಖ್ಯ ಗುರಿ ಎಂದು ಅಲ್ಲಿ ನಂಬಲಾಗುತ್ತದೆ.
ಜಪಾನ್ನ ಶಾಲೆಗಳಲ್ಲಿ ಗಣಿತ ಅಥವಾ ವಿಜ್ಞಾನಕ್ಕೂ ಮುನ್ನ ಮಕ್ಕಳಿಗೆ ನೈತಿಕ ಮೌಲ್ಯಗಳು ಮತ್ತು ಶಿಷ್ಟಾಚಾರಗಳನ್ನು ಕಲಿಸಲಾಗುತ್ತದೆ. ಇತರರನ್ನು ಗೌರವಿಸುವುದು, ವಿಶೇಷವಾಗಿ ಹಿರಿಯರನ್ನು ಗೌರವಿಸುವುದು, ಪ್ರಕೃತಿ ಮತ್ತು ಪ್ರಾಣಿಗಳ ಮೇಲೆ ಪ್ರೀತಿ ಹೊಂದುವುದು, ಸತ್ಯನಿಷ್ಠೆ, ಸ್ವಯಂ ನಿಯಂತ್ರಣ ಮತ್ತು ಸತ್ಯವನ್ನೇ ಹೇಳುವಂತಹ ಗುಣಗಳನ್ನು ಮಕ್ಕಳು ಅಲ್ಲಿ ಮೊದಲಿಗೆ ಕಲಿಯುತ್ತಾರೆ. ಈ ರೀತಿಯ ಶಿಕ್ಷಣದಿಂದ ಜಪಾನ್ ಮಕ್ಕಳು ಶಿಸ್ತು, ಸಹನೆ ಮತ್ತು ಹೊಣೆಗಾರಿಕೆಯಲ್ಲಿ ವಿಶ್ವದಲ್ಲೇ ಉತ್ತಮ ಎಂದು ಪರಿಗಣಿಸಲಾಗಿದೆ.
ಜಪಾನ್ ಶಾಲೆಗಳ ಮತ್ತೊಂದು ವಿಶಿಷ್ಟ ಅಂಶವೆಂದರೆ ಅಲ್ಲಿ ಸ್ವಚ್ಛತೆಗಾಗಿ ಪ್ರತ್ಯೇಕ ಕೆಲಸಗಾರರು ಇರುವುದಿಲ್ಲ. ಹಾಗಾಗಿ, ವಿದ್ಯಾರ್ಥಿಗಳು ತಮ್ಮ ತರಗತಿ ಕೊಠಡಿಗಳು, ದಾರಿಗಳು ಮತ್ತು ಕೆಲವೊಮ್ಮೆ ಶೌಚಾಲಯಗಳನ್ನೂ ತಾವೇ ಸ್ವಚ್ಛಗೊಳಿಸುತ್ತಾರೆ. ಈ ವಿಧಾನವನ್ನು ಓ ಸೋಜಿ ಎಂದು ಕರೆಯುತ್ತಾರೆ. ಇದರ ಮೂಲಕ ಯಾವುದೇ ಕೆಲಸ ಚಿಕ್ಕದು ಅಲ್ಲ ಎಂಬ ಅರಿವು ಮಕ್ಕಳಲ್ಲಿ ಮೂಡುತ್ತದೆ. ತಮ್ಮ ಸುತ್ತಮುತ್ತಲಿನ ಪರಿಸರವನ್ನು ಸ್ವಚ್ಛವಾಗಿಡುವುದು ಪ್ರತಿಯೊಬ್ಬರ ಜವಾಬ್ದಾರಿ ಎಂಬ ಪಾಠವನ್ನು ಅವರು ಅಲ್ಲಿ ಕಲಿಯುತ್ತಾರೆ.
ಜಪಾನ್ನಲ್ಲಿ ಮಧ್ಯಾಹ್ನದ ಊಟ ಸಮಯವೂ ಒಂದು ರೀತಿಯ ತರಬೇತಿಯಂತೆಯೇ ಇರುತ್ತದೆ. ವಿದ್ಯಾರ್ಥಿಗಳು ತಮ್ಮ ಊಟವನ್ನು ತಾವೇ ಹಂಚಿಕೊಳ್ಳುತ್ತಾರೆ ಮತ್ತು ಶಿಕ್ಷಕರೊಂದಿಗೆ ಕೂತು ಊಟ ಮಾಡುತ್ತಾರೆ. ಊಟದ ನಂತರ ಬಳಕೆಯಾದ ಪಾತ್ರೆಗಳು ಅಥವಾ ಹಾಲಿನ ಕಾರ್ಟನ್ಗಳನ್ನು ತಾವೇ ಸ್ವಚ್ಛಗೊಳಿಸಿ ಮರುಬಳಕೆಗೆ ಸಿದ್ಧಪಡಿಸುತ್ತಾರೆ. ಈ ಪ್ರಕ್ರಿಯೆ ಮಕ್ಕಳಿಗೆ ತಂಡದಲ್ಲಿ ಕೆಲಸ ಮಾಡುವ ಗುಣ ಮತ್ತು ಸಂಪನ್ಮೂಲಗಳ ಮಹತ್ವವನ್ನು ತಿಳಿಸುತ್ತದೆ.
ಇತ್ತೀಚಿನ ದಿನಗಳಲ್ಲಿ ಭಾರತದಲ್ಲಿ ವಿದ್ಯಾರ್ಥಿಗಳು ಪರೀಕ್ಷೆಯ ಒತ್ತಡದಿಂದ ಮಾನಸಿಕ ಒತ್ತಡ ಮತ್ತು ಆತಂಕಕ್ಕೆ ಒಳಗಾಗುತ್ತಿರುವುದು ಸಾಮಾನ್ಯವಾಗಿದೆ. ಇಂತಹ ಸಂದರ್ಭದಲ್ಲಿ ಜಪಾನ್ ಶಿಕ್ಷಣ ಮಾದರಿ ಉತ್ತಮ ಉದಾಹರಣೆಯಾಗಬಹುದು. ಪ್ರಾಥಮಿಕ ಹಂತದಲ್ಲೇ ಸ್ಪರ್ಧೆಯ ಬದಲು ಸಹಕಾರ, ಮೌಲ್ಯಗಳು ಮತ್ತು ವ್ಯಕ್ತಿತ್ವದ ಬೆಳವಣಿಗೆಗೆ ಒತ್ತು ನೀಡಿದರೆ ಸಮಾಜಕ್ಕೆ ಜವಾಬ್ದಾರಿಯುತ ನಾಗರಿಕರನ್ನು ರೂಪಿಸಬಹುದು. ಇದರಿಂದ ಮಕ್ಕಳ ಮಾನಸಿಕ ಆರೋಗ್ಯ ಉತ್ತಮವಾಗುವುದರ ಜೊತೆಗೆ ಸಹಾನುಭೂತಿ ಮತ್ತು ತಂಡದ ಮನೋಭಾವ ಕೂಡ ಬಲವಾಗುತ್ತದೆ.
New Delhi,Delhi
Viral News: ಇಲ್ಲಿ ಕೋಟ್ಯಾಧಿಪತಿಗಳ ಮಕ್ಕಳೂ ಕಸ ಗುಡಿಸಬೇಕು; 10 ವರ್ಷದವರೆಗೆ ಮಕ್ಕಳಿಗೆ ಪರೀಕ್ಷೆಯೇ ಇಲ್ಲ! ಯಾವ ದೇಶ ಗೊತ್ತಾ?
