Last Updated:
SSC ಪರೀಕ್ಷೆಗಳಿಗೆ ಸಿದ್ಧತೆ ನಡೆಸುತ್ತಿರುವ ಯುವಕರು ಈಗ ತಮ್ಮ ಓದು ಯೋಜನೆಯನ್ನು ದಿನಾಂಕಗಳಿಗೆ ಹೊಂದಿಸಿ ರೂಪಿಸಬಹುದು. ವಿಶೇಷವಾಗಿ GD ಕಾನ್ಸ್ಟೇಬಲ್, CHSL, CGL, ಸ್ಟೆನೋಗ್ರಾಫರ್, ದೆಹಲಿ ಪೊಲೀಸ್ SI, MTS, ಜಂಟಿ ಹಿಂದಿ ಅನುವಾದಕ ಸೇರಿದಂತೆ ಹಲವು ಜನಪ್ರಿಯ ಪರೀಕ್ಷೆಗಳ ವಿವರಗಳು ಪ್ರಕಟವಾಗಿವೆ.
2026-27ನೇ ಶೈಕ್ಷಣಿಕ ಅವಧಿಗೆ ಸಂಬಂಧಿಸಿದ ಮಹತ್ವದ ಪರೀಕ್ಷಾ ಕ್ಯಾಲೆಂಡರ್ (Exam Calender) ಅನ್ನು ಬಿಡುಗಡೆ ಮಾಡಿದ್ದು, ಸರ್ಕಾರಿ ಉದ್ಯೋಗದ (Government Job) ಕನಸು ಕಾಣುತ್ತಿರುವ ಲಕ್ಷಾಂತರ ಅಭ್ಯರ್ಥಿಗಳಿಗೆ ಸ್ಪಷ್ಟ ಮಾರ್ಗಸೂಚಿ ನೀಡಿದೆ. ಮಾರ್ಚ್ 2026ರಿಂದ ಮಾರ್ಚ್ 2027ರವರೆಗೆ ನಡೆಯಲಿರುವ 12 ಪ್ರಮುಖ ನೇಮಕಾತಿ ಪರೀಕ್ಷೆಗಳ ಜಾಹೀರಾತು ದಿನಾಂಕ, ಅರ್ಜಿ ಸಲ್ಲಿಕೆ ಗಡುವು ಹಾಗೂ ತಾತ್ಕಾಲಿಕ ಪರೀಕ್ಷಾ ವೇಳಾಪಟ್ಟಿಯನ್ನು ಈ ಕ್ಯಾಲೆಂಡರ್ ಒಳಗೊಂಡಿದೆ.
SSC ಪರೀಕ್ಷೆಗಳಿಗೆ ಸಿದ್ಧತೆ ನಡೆಸುತ್ತಿರುವ ಯುವಕರು ಈಗ ತಮ್ಮ ಓದು ಯೋಜನೆಯನ್ನು ದಿನಾಂಕಗಳಿಗೆ ಹೊಂದಿಸಿ ರೂಪಿಸಬಹುದು. ವಿಶೇಷವಾಗಿ GD ಕಾನ್ಸ್ಟೇಬಲ್, CHSL, CGL, ಸ್ಟೆನೋಗ್ರಾಫರ್, ದೆಹಲಿ ಪೊಲೀಸ್ SI, MTS, ಜಂಟಿ ಹಿಂದಿ ಅನುವಾದಕ ಸೇರಿದಂತೆ ಹಲವು ಜನಪ್ರಿಯ ಪರೀಕ್ಷೆಗಳ ವಿವರಗಳು ಪ್ರಕಟವಾಗಿವೆ.
ಮಾರ್ಚ್ 16, 2026ರಂದು JSA/LDC, SSA/UDC ಹಾಗೂ ASO ಗ್ರೇಡ್ಗಳಿಗೆ ಸೀಮಿತ ವಿಭಾಗೀಯ ಸ್ಪರ್ಧಾತ್ಮಕ ಪರೀಕ್ಷೆಗಳ ಜಾಹೀರಾತು ಹೊರಬೀಳಲಿದೆ. ಈ ಪರೀಕ್ಷೆಗಳಿಗೆ ಏಪ್ರಿಲ್ 7, 2026 ಅರ್ಜಿ ಸಲ್ಲಿಕೆಯ ಕೊನೆಯ ದಿನಾಂಕವಾಗಿದ್ದು, ಮೇ 2026ರಲ್ಲಿ ಪರೀಕ್ಷೆಗಳು ನಡೆಯಲಿವೆ. ಅಭ್ಯರ್ಥಿಗಳಲ್ಲಿ ಅತ್ಯಂತ ಜನಪ್ರಿಯವಾಗಿರುವ ಸಂಯೋಜಿತ ಪದವಿ ಹಂತದ ಪರೀಕ್ಷೆ (CGL) 2026ರ ಜಾಹೀರಾತು ಮಾರ್ಚ್ನಲ್ಲಿ ಪ್ರಕಟವಾಗಲಿದ್ದು, ಏಪ್ರಿಲ್ನಲ್ಲಿ ಅರ್ಜಿ ಪ್ರಕ್ರಿಯೆ ಮುಕ್ತಾಯಗೊಳ್ಳಲಿದೆ. ಪರೀಕ್ಷೆ ಮೇ-ಜೂನ್ 2026ರಲ್ಲಿ ನಡೆಯಲಿದೆ. ಅದೇ ಅವಧಿಯಲ್ಲಿ ಜೂನಿಯರ್ ಎಂಜಿನಿಯರ್ (ಸಿವಿಲ್, ಮೆಕ್ಯಾನಿಕಲ್ ಮತ್ತು ಎಲೆಕ್ಟ್ರಿಕಲ್) ಪರೀಕ್ಷೆಯೂ ನಡೆಯಲಿದೆ.
ಆಯ್ಕೆ ನಂತರದ ಹಂತ-XIV ಪರೀಕ್ಷೆಯೂ ಮಾರ್ಚ್-ಏಪ್ರಿಲ್ ವೇಳೆಯಲ್ಲಿ ಜಾಹೀರಾತು ಮತ್ತು ಅರ್ಜಿ ಪ್ರಕ್ರಿಯೆ ನಡೆಸಿ, ಮೇ-ಜುಲೈ 2026ರ ನಡುವೆ ಪರೀಕ್ಷೆ ನಡೆಸಲು ಯೋಜಿಸಲಾಗಿದೆ. 12ನೇ ತರಗತಿ ಅರ್ಹತೆಯ ಅಭ್ಯರ್ಥಿಗಳಿಗಾಗಿ ನಡೆಯುವ ಸಂಯೋಜಿತ ಹೈಯರ್ ಸೆಕೆಂಡರಿ (CHSL) ಪರೀಕ್ಷೆಯ ಜಾಹೀರಾತು ಏಪ್ರಿಲ್ 2026ರಲ್ಲಿ ಹೊರಬೀಳಲಿದೆ. ಮೇ ತಿಂಗಳಲ್ಲಿ ಅರ್ಜಿ ಸಲ್ಲಿಸಲು ಅವಕಾಶವಿದ್ದು, ಜುಲೈದಿಂದ ಸೆಪ್ಟೆಂಬರ್ 2026ರವರೆಗೆ ಪರೀಕ್ಷೆಗಳು ನಡೆಯಲಿವೆ. ಇದೇ ವೇಳೆಯಲ್ಲಿ ಸ್ಟೆನೋಗ್ರಾಫರ್ ಗ್ರೇಡ್ ‘ಸಿ’ ಮತ್ತು ‘ಡಿ’ ಹಾಗೂ ಜಂಟಿ ಹಿಂದಿ ಅನುವಾದಕ (JHT) ಪರೀಕ್ಷೆಗಳೂ ಆಗಸ್ಟ್-ಸೆಪ್ಟೆಂಬರ್ ಅವಧಿಯಲ್ಲಿ ನಡೆಯಲಿವೆ.
ಬಹು-ಕಾರ್ಯ (ತಾಂತ್ರಿಕೇತರ) ಸಿಬ್ಬಂದಿ (MTS) ಮತ್ತು ಹವಾಲ್ದಾರ್ (CBIC, CBN) ಪರೀಕ್ಷೆಗೆ ಜೂನ್ 2026ರಲ್ಲಿ ಜಾಹೀರಾತು ಪ್ರಕಟವಾಗಲಿದ್ದು, ಜುಲೈನಲ್ಲಿ ಅರ್ಜಿ ಸಲ್ಲಿಕೆ ಮುಗಿಯಲಿದೆ. ಪರೀಕ್ಷೆ ಸೆಪ್ಟೆಂಬರ್-ನವೆಂಬರ್ 2026ರ ನಡುವೆ ನಡೆಯಲಿದೆ. ದೆಹಲಿ ಪೊಲೀಸ್ ಮತ್ತು CAPF ನಲ್ಲಿ ಸಬ್-ಇನ್ಸ್ಪೆಕ್ಟರ್ (SI) ಹುದ್ದೆಗಳ ಪರೀಕ್ಷೆಗಾಗಿ ಮೇ 2026ರಲ್ಲಿ ಜಾಹೀರಾತು ಹೊರಬೀಳಲಿದೆ. ಜೂನ್ನಲ್ಲಿ ಅರ್ಜಿ ಸಲ್ಲಿಕೆ ಮುಕ್ತಾಯಗೊಂಡು, ಅಕ್ಟೋಬರ್-ನವೆಂಬರ್ 2026ರಲ್ಲಿ ಪರೀಕ್ಷೆ ನಡೆಯಲಿದೆ.
ಇದೇ ವೇಳೆ 2027ರ ಅಸ್ಸಾಂ ರೈಫಲ್ಸ್ ಪರೀಕ್ಷೆಯಲ್ಲಿ CAPF, NIA, SSF ಹಾಗೂ ರೈಫಲ್ಮ್ಯಾನ್ (GD) ಹುದ್ದೆಗಳಿಗಾಗಿ ನಡೆಯುವ ಕಾನ್ಸ್ಟೇಬಲ್ (GD) ಪರೀಕ್ಷೆಯ ಜಾಹೀರಾತು ಸೆಪ್ಟೆಂಬರ್ 2026ರಲ್ಲಿ ಪ್ರಕಟವಾಗಲಿದ್ದು, ಅರ್ಜಿ ಪ್ರಕ್ರಿಯೆ ಅಕ್ಟೋಬರ್ನಲ್ಲಿ ಮುಗಿಯಲಿದೆ. ಪರೀಕ್ಷೆ ಜನವರಿ-ಮಾರ್ಚ್ 2027ರ ನಡುವೆ ನಡೆಯಲಿದೆ. SSC ಕೆಲವು ಪರೀಕ್ಷೆಗಳ ನಿಖರ ದಿನಾಂಕಗಳನ್ನು ಪ್ರಕಟಿಸಿದರೆ, ಕೆಲವು ಪರೀಕ್ಷೆಗಳಿಗಾಗಿ ತಾತ್ಕಾಲಿಕ ತಿಂಗಳುಗಳನ್ನು ಮಾತ್ರ ಸೂಚಿಸಿದೆ. ಆದ್ದರಿಂದ ಅಭ್ಯರ್ಥಿಗಳು ಅಧಿಕೃತ ವೆಬ್ಸೈಟ್ನಿಂದ ನಿಯಮಿತವಾಗಿ ಮಾಹಿತಿಯನ್ನು ಪರಿಶೀಲಿಸುವುದು ಅಗತ್ಯ. ಒಟ್ಟಾರೆ, SSC 2026-27 ಪರೀಕ್ಷಾ ಕ್ಯಾಲೆಂಡರ್ ಪ್ರಕಟವಾಗಿರುವುದು ಅಭ್ಯರ್ಥಿಗಳಿಗೆ ಸ್ಪಷ್ಟತೆ ಹಾಗೂ ಯೋಜಿತ ಸಿದ್ಧತೆಯ ಅವಕಾಶ ಒದಗಿಸಿದೆ. ದಿನಾಂಕಗಳನ್ನು ಮನಸ್ಸಿನಲ್ಲಿಟ್ಟುಕೊಂಡು ಸಮರ್ಪಕ ಅಧ್ಯಯನ ಯೋಜನೆ ರೂಪಿಸಿದರೆ, ಸರ್ಕಾರಿ ಉದ್ಯೋಗದ ಗುರಿ ಸಾಧಿಸುವುದು ಇನ್ನಷ್ಟು ಸುಲಭವಾಗಲಿದೆ.
Bangalore [Bangalore],Bangalore,Karnataka
Feb 14, 2026 11:39 AM IST
