Last Updated:
ನರಗುಂದ ಜಿಟಿಟಿಸಿ ಕೇಂದ್ರದಲ್ಲಿ ಜೂನ್ 1 ರಿಂದ ಉದ್ಯೋಗಾಧಾರಿತ ತಾಂತ್ರಿಕ ತರಬೇತಿ, SSLC PUC ಉತ್ತೀರ್ಣ ಅನುತ್ತೀರ್ಣರಿಗೆ ಅವಕಾಶ, ಮೇ 26 ರೊಳಗೆ ನೋಂದಣಿ ಅಗತ್ಯ
ಧಾರವಾಡ: ಓದು ಮುಗಿದ ಮೇಲೆ ಏನು? ಯಾವ ಉದ್ಯೋಗ ಆರಿಸಿಕೊಳ್ಳಬೇಕು? ಎಂಬ ಗೊಂದಲದಲ್ಲಿರುವ ವಿದ್ಯಾರ್ಥಿಗಳಿಗೆ ಇಲ್ಲಿದೆ ಒಂದು ಭರವಸೆಯ ಕಿರಣ. ನರಗುಂದದ ಅಳಗವಾಡಿ ರಸ್ತೆಯಲ್ಲಿರುವ ಪ್ರತಿಷ್ಠಿತ ಜಿಟಿಟಿಸಿ (GTTC) ಕೇಂದ್ರವು, ಯುವಕ-ಯುವತಿಯರಿಗೆ ಉದ್ಯೋಗಾಧಾರಿತ ತಾಂತ್ರಿಕ ತರಬೇತಿಯನ್ನು ನೀಡಲು ಮುಂದಾಗಿದೆ. ಎಸ್.ಎಸ್.ಎಲ್.ಸಿ (SSLC) ಅಥವಾ ಪಿಯುಸಿ (PUC) ಪರೀಕ್ಷೆಯಲ್ಲಿ ಉತ್ತೀರ್ಣರಾದವರು ಮಾತ್ರವಲ್ಲ, ಅನುತ್ತೀರ್ಣರಾದವರಿಗೂ ಇಲ್ಲಿ ಅವಕಾಶವಿದ್ದು, ತಾಂತ್ರಿಕ ಕೌಶಲ್ಯಗಳನ್ನು (Technical Skill) ಕಲಿತು ಸ್ವಾವಲಂಬಿಗಳಾಗಲು ಇದು ಸುವರ್ಣಾವಕಾಶ.
ಈ ಕೇಂದ್ರದಲ್ಲಿ ಪ್ರಮುಖವಾಗಿ ಮೂರು ವೃತ್ತಿಪರ ತರಬೇತಿಗಳನ್ನು ನೀಡಲಾಗುತ್ತಿದೆ.
ವೆಹಿಕಲ್ ಅಸೆಂಬ್ಲಿ ಫಿಟ್ಟರ್ ಹಾಗೂ ಅಟೊಮೊಬೈಲ್ ವೆಲ್ಡರ್: ಈ ಕೋರ್ಸ್ಗಳಲ್ಲಿ ಫಿಟ್ಟಿಂಗ್, ಕಾರಿನ ಬಿಡಿಭಾಗಗಳ ಜೋಡಣೆ ಮತ್ತು ವೆಲ್ಡಿಂಗ್ನಂತಹ ಬೇಡಿಕೆಯಿರುವ ಕೆಲಸಗಳನ್ನು ಪ್ರಾಯೋಗಿಕವಾಗಿ ಕಲಿಸಲಾಗುತ್ತದೆ.
ತರಬೇತಿಯು ಜೂನ್ 01, 2026 ರಿಂದ ಆರಂಭವಾಗಲಿದೆ. ಆಸಕ್ತ ವಿದ್ಯಾರ್ಥಿಗಳು ತಡಮಾಡದೆ, ಮೇ 26, 2026 ರೊಳಗಾಗಿ ನರಗುಂದದ ಜಿಟಿಟಿಸಿ ಕೇಂದ್ರಕ್ಕೆ ಸ್ವತಃ ಭೇಟಿ ನೀಡಿ ನೋಂದಣಿ ಮಾಡಿಕೊಳ್ಳಬೇಕು. ಹೆಚ್ಚಿನ ಮಾಹಿತಿ ಅಥವಾ ಸಂದೇಹಗಳಿಗಾಗಿ ನೀವು 8088536896 ದೂರವಾಣಿ ಸಂಖ್ಯೆಗೆ ಕರೆ ಮಾಡಿ ಮಾಹಿತಿ ಪಡೆಯಬಹುದು.
Hubli-Dharwad (Hubli),Dharwad,Karnataka
