Last Updated:
ಮೈಸೂರಿನ ಸರ್ಕಾರಿ ಐಟಿಐ ಕಾಲೇಜಿನಲ್ಲಿ ಏಪ್ರಿಲ್ 7ರಂದು ಅಪ್ರೆಂಟಿಸ್ಶಿಪ್ ಮೇಳ ನಡೆಯಲಿದೆ. SSLC, PUC, ITI, ಡಿಪ್ಲೋಮಾ ಅಥವಾ ಪದವೀಧರರಿಗೆ ಉದ್ಯೋಗ ಹಾಗೂ ಕೈಗಾರಿಕಾ ತರಬೇತಿ ಅವಕಾಶ ಇದೆ.
ಮೈಸೂರು: ನೀವು ಕೆಲಸ (Job) ಹುಡುಕುತ್ತಿದ್ದೀರಾ? ಪದವಿ (Degree) ಮುಗಿಸಿ ಮುಂದೇನು ಎಂಬ ಗೊಂದಲದಲ್ಲಿದ್ದೀರಾ? ಹಾಗಿದ್ದರೆ ಇಲ್ಲಿದೆ ನೋಡಿ ನಿಮಗಾಗಿ ಒಂದು ಅದ್ಭುತ ಸುದ್ದಿ. ಸಾಂಸ್ಕೃತಿಕ ನಗರಿ ಮೈಸೂರಿನಲ್ಲಿ (Mysuru) ಯುವಕರ ಉದ್ಯೋಗದ ಕನಸಿಗೆ ರೆಕ್ಕೆ ನೀಡಲು ‘ಅಪ್ರೆಂಟಿಸ್ಶಿಪ್ ಮೇಳ’ (Apprenticeship Fair) ಸಜ್ಜಾಗಿದೆ. ಕೇವಲ ಓದಿನ ಸರ್ಟಿಫಿಕೇಟ್ ಹಿಡಿದು ಅಲೆಯುವ ಬದಲು, ಕೈಗಾರಿಕಾ ಲೋಕದ ನೇರ ಅನುಭವ ಪಡೆಯಲು ಇದಕ್ಕಿಂತ ದೊಡ್ಡ ವೇದಿಕೆ ಮತ್ತೊಂದಿಲ್ಲ.
ಈ ಮೇಳದ ವಿಶೇಷತೆ ಏನೆಂದರೆ ಇಲ್ಲಿ ಕೇವಲ ಇಂಜಿನಿಯರ್ಗಳಿಗೆ ಮಾತ್ರ ಅವಕಾಶವಿಲ್ಲ. ನೀವು SSLC, PUC, ITI, ಡಿಪ್ಲೋಮಾ ಅಥವಾ ಯಾವುದೇ ಪದವಿ ಪಡೆದಿದ್ದರೂ ಸಾಕು, ನಿಮ್ಮ ವಿದ್ಯಾರ್ಹತೆಗೆ ತಕ್ಕಂತೆ ಪ್ರತಿಷ್ಠಿತ ಕಂಪನಿಗಳು ನಿಮ್ಮನ್ನು ಕೈಬೀಸಿ ಕರೆಯುತ್ತಿವೆ. ಸರ್ಕಾರಿ ಕೈಗಾರಿಕಾ ತರಬೇತಿ ಸಂಸ್ಥೆ (ITI) ಮತ್ತು ಉದ್ಯೋಗ ಇಲಾಖೆ ಜಂಟಿಯಾಗಿ ಈ ಬೃಹತ್ ಮೇಳವನ್ನು ಆಯೋಜಿಸಿವೆ.
ನಾಳೆ ಅಂದ್ರೆ ಏಪ್ರಿಲ್ 07 ರಂದು, ಮೈಸೂರಿನ ಎನ್.ಆರ್. ಮೊಹಲ್ಲಾದಲ್ಲಿರುವ ಸರ್ಕಾರಿ ಐಟಿಐ ಕಾಲೇಜಿನಲ್ಲಿ ಈ ಮೇಳ ನಡೆಯಲಿದೆ. ಇಲ್ಲಿ ಕೇವಲ ಉದ್ಯೋಗ ಅಷ್ಟೇ ಅಲ್ಲ, ಭವಿಷ್ಯದಲ್ಲಿ ದೊಡ್ಡ ಕಂಪನಿಗಳಲ್ಲಿ ಕೆಲಸ ಗಿಟ್ಟಿಸಲು ಬೇಕಾದ ಪ್ರಾಯೋಗಿಕ ತರಬೇತಿಯೂ ಸಿಗಲಿದೆ.
ಮೇಳಕ್ಕೆ ಬರುವಾಗ ನಿಮ್ಮ ಅಂಕಪಟ್ಟಿಗಳು, ಆಧಾರ್ ಕಾರ್ಡ್, ಲೇಟೆಸ್ಟ್ ಬಯೋಡೇಟಾ ಮತ್ತು ಫೋಟೋಗಳನ್ನು ಮರೆಯದೇ ತನ್ನಿ. ಒಂದು ಸಣ್ಣ ನಿರ್ಧಾರ ನಿಮ್ಮ ಬದುಕನ್ನೇ ಬದಲಿಸಬಹುದು.
ಹೆಚ್ಚಿನ ವಿವರಗಳಿಗಾಗಿ ನೀವು ಕೂಡಲೇ ಉಪಪ್ರಾಚಾರ್ಯರಾದ ಬೋಪಯ್ಯ (9945711787) ಅಥವಾ ತರಬೇತಿ ಅಧಿಕಾರಿ ನಾಗೇಶ್ (9945616088) ಅವರನ್ನು ಸಂಪರ್ಕಿಸಬಹುದು. ಅವಕಾಶಗಳು ಪದೇ ಪದೇ ಬಾಗಿಲು ತಟ್ಟುವುದಿಲ್ಲ, ಮೈಸೂರಿನ ಈ ಮೇಳವನ್ನು ಸದುಪಯೋಗ ಪಡಿಸಿಕೊಳ್ಳಿ.
Mysore,Karnataka
Apr 06, 2026 10:39 AM IST
