ವೇತನ ಎಷ್ಟು!
ಈ ಹುದ್ದೆಗಳಿಗೆ ಆಯ್ಕೆಯಾದ ಅಭ್ಯರ್ಥಿಗಳಿಗೆ ಪೇ ಲೆವೆಲ್–6 ಅಡಿಯಲ್ಲಿ ತಿಂಗಳಿಗೆ ₹35,400 ರಿಂದ ₹1,12,400 ವರೆಗೆ ಸಂಬಳ’ ಲಭ್ಯವಾಗಲಿದೆ. ಇದಕ್ಕೆ ಮೊದಲು ಈ ಹುದ್ದೆಗಳು ಪೇ ಬ್ಯಾಂಡ್–II (₹9,300–34,800) ಮತ್ತು ಗ್ರೇಡ್ ಪೇ ₹4,200 ಒಳಗೊಂಡಿದ್ದವು.
26 ಕ್ರೀಡೆಗಳಲ್ಲಿ ನೇಮಕಾತಿ!
ಅಸಿಸ್ಟೆಂಟ್ ಕೋಚ್ ನೇಮಕಾತಿ ನಡೆಯಲಿರುವ ಕ್ರೀಡಾ ವಿಧೆಗಳ ಪಟ್ಟಿ ಬಹಳ ವಿಶಾಲವಾಗಿದೆ. ಅಥ್ಲೆಟಿಕ್ಸ್ (28), ಶೂಟಿಂಗ್ (28), ಈಜು (26), ಕುಸ್ತಿ (22), ಬಾಕ್ಸಿಂಗ್ (19), ಬ್ಯಾಡ್ಮಿಂಟನ್ (16), ಟೇಬಲ್ ಟೆನಿಸ್ (14), ಹಾಕಿ (13), ಫುಟ್ಬಾಲ್ (12), ಜಿಮ್ನಾಸ್ಟಿಕ್ಸ್ (12), ಸೈಕ್ಲಿಂಗ್ (12), ಬಾಸ್ಕೆಟ್ಬಾಲ್ (12), ತೀರಂದಾಜಿ (12), ಫೆನ್ಸಿಂಗ್ (11), ರೋಯಿಂಗ್ (11), ತೈಕ್ವಾಂಡೋ (11), ಟೆನಿಸ್ (8), ವಾಲಿಬಾಲ್ (10), ವೇಟ್ಲಿಫ್ಟಿಂಗ್ (10), ಜೂಡೋ (6), ಕಬಡ್ಡಿ (6), ಹ್ಯಾಂಡ್ಬಾಲ್ (6), ವುಶು (6), ಕ್ಯಾನೋಯಿಂಗ್ (7), ಸೆಪಕ್ ಟಕ್ರಾ (3) ಮತ್ತು ಖೋ–ಖೋ (2) ಕ್ರೀಡೆಗಳಲ್ಲಿ ಹುದ್ದೆಗಳು ಲಭ್ಯವಿವೆ.
ಅರ್ಹತೆ ಮತ್ತು ಮೀಸಲಾತಿ!
ನೇಮಕಾತಿ ಭಾರತ ಸರ್ಕಾರದ ಮಾನದಂಡ ಮೀಸಲಾತಿ ನೀತಿಯಂತೆ ನಡೆಯಲಿದ್ದು, ಪ್ರತಿಯೊಂದು ಕ್ರೀಡಾ ವಿಧೆಯಲ್ಲೂ ಮಹಿಳಾ ಅಭ್ಯರ್ಥಿಗಳಿಗೆ 33% ಅಡ್ಡ ಮೀಸಲಾತಿ ಅನ್ವಯವಾಗುತ್ತದೆ. ಅರ್ಜಿ ಸಲ್ಲಿಸಲು ಗರಿಷ್ಠ ವಯೋಮಿತಿ 30 ವರ್ಷ’ ನಿಗದಿಪಡಿಸಲಾಗಿದೆ. ಅರ್ಹತೆಯಾಗಿ, ಸಾಯಿ ಎನ್ಎಸ್ಎನ್ಐಎಸ್ (ಪಟಿಯಾಲಾ) ಅಥವಾ ಮಾನ್ಯತೆ ಪಡೆದ ಭಾರತೀಯ/ವಿದೇಶಿ ವಿಶ್ವವಿದ್ಯಾಲಯದಿಂದ ಕೋಚಿಂಗ್ ಡಿಪ್ಲೋಮಾ ಅಥವಾ ಸಮಾನ ಪ್ರಮಾಣಪತ್ರ ಅಗತ್ಯವಿದೆ. ಜೊತೆಗೆ, ಒಲಿಂಪಿಕ್ಸ್, ಪ್ಯಾರಾಲಿಂಪಿಕ್ಸ್, ಏಷ್ಯನ್ ಗೇಮ್ಸ್ ಅಥವಾ ವಿಶ್ವ ಚಾಂಪಿಯನ್ಶಿಪ್ನಲ್ಲಿ ಭಾಗವಹಿಸಿರುವವರಿಗೆ ಕೋಚಿಂಗ್ ಪ್ರಮಾಣಪತ್ರ ಇದ್ದರೆ, ಅಥವಾ ಸಂಬಂಧಿತ ಕ್ರೀಡೆಯಲ್ಲಿ ದ್ರೋಣಾಚಾರ್ಯ ಪ್ರಶಸ್ತಿ ಪಡೆದ ಅಭ್ಯರ್ಥಿಗಳು ಸಹ ಅರ್ಹರಾಗಿದ್ದಾರೆ.
ಸಾಯಿ ಕುರಿತು ಒಂದಿಷ್ಟು!
ಭಾರತೀಯ ಕ್ರೀಡಾ ಪ್ರಾಧಿಕಾರ (SAI) ಭಾರತದಲ್ಲಿ ಕ್ರೀಡೆಯನ್ನು ಉತ್ತೇಜಿಸಲು ಮತ್ತು ಕ್ರೀಡಾಪಟುಗಳಿಗೆ ತರಬೇತಿ ನೀಡಲು ಸ್ಥಾಪಿಸಲಾದ ಅತ್ಯುನ್ನತ ಸಂಸ್ಥೆಯಾಗಿದ್ದು, ಇದು ಕ್ರೀಡಾ ಅಕಾಡೆಮಿಗಳು, ಪ್ರಾದೇಶಿಕ ಕೇಂದ್ರಗಳು ಮತ್ತು ರಾಷ್ಟ್ರೀಯ ತರಬೇತಿ ಕೇಂದ್ರಗಳ ಮೂಲಕ ಪ್ರತಿಭಾನ್ವಿತರನ್ನು ಗುರುತಿಸುತ್ತದೆ, ಪೋಷಿಸುತ್ತದೆ ಮತ್ತು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಭಾರತವನ್ನು ಪ್ರತಿನಿಧಿಸಲು ತರಬೇತಿ ನೀಡುತ್ತದೆ.
ಆಯ್ಕೆ ಪ್ರಕ್ರಿಯೆ ಮತ್ತು ಭವಿಷ್ಯದ ಅವಕಾಶ!
ಅಭ್ಯರ್ಥಿಗಳ ಆಯ್ಕೆ ಎರಡು ಹಂತಗಳಲ್ಲಿ ನಡೆಯಲಿದೆ. ಮೊದಲ ಹಂತದಲ್ಲಿ ಕಂಪ್ಯೂಟರ್ ಆಧಾರಿತ ಆನ್ಲೈನ್ ಲಿಖಿತ ಪರೀಕ್ಷೆ, ನಂತರ ಕೋಚಿಂಗ್ ಸಾಮರ್ಥ್ಯ ಪರೀಕ್ಷೆ ನಡೆಯಲಿದೆ. ಆಯ್ಕೆಯಾದ ಕೋಚ್ಗಳು ಮುಂದಿನ ದಿನಗಳಲ್ಲಿ ಗ್ರೂಪ್ ‘ಎ’ ಹುದ್ದೆಗಳಾದ ಕೋಚ್, ಸೀನಿಯರ್ ಕೋಚ್, ಚೀಫ್ ಕೋಚ್ ಮತ್ತು ಹೈ ಪರ್ಫಾರ್ಮೆನ್ಸ್ ಕೋಚ್ ಹುದ್ದೆಗಳವರೆಗೆ ಪದೋನ್ನತಿ ಪಡೆಯುವ ಅರ್ಹತೆಯನ್ನು ಹೊಂದಿರುತ್ತಾರೆ. ಆಯ್ಕೆಯಾದ ಅಭ್ಯರ್ಥಿಗಳ ನಿಯೋಜನೆ ದೇಶದ ಯಾವುದೇ ಭಾಗದಲ್ಲಾಗಬಹುದಾಗಿದ್ದು, ಅವರ ಹಿರಿಯತೆ ಅಖಿಲ ಭಾರತ ಮಟ್ಟದಲ್ಲಿ ನಿರ್ಧರಿಸಲಾಗುತ್ತದೆ. ಈ ನೇಮಕಾತಿ ಕುರಿತು ಹೆಚ್ಚಿನ ಮಾಹಿತಿಯನ್ನು ಭಾರತೀಯ ಕ್ರೀಡಾ ಪ್ರಾಧಿಕಾರದ ಅಧಿಕೃತ ವೆಬ್ಸೈಟ್ ಮತ್ತು ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಪಡೆಯಬಹುದು.
