Last Updated:
ಈ ನೇಮಕಾತಿಯಲ್ಲಿ ಮುಖ್ಯವಾಗಿ ಜೂನಿಯರ್ ಟೆಕ್ನಿಷಿಯನ್ (ಕಾಂಟ್ರಾಕ್ಟ್) ಹುದ್ದೆಗಳು ಸೇರಿವೆ. ಆಪರೇಟರ್ ಮೆಟೀರಿಯಲ್ ಹ್ಯಾಂಡ್ಲಿಂಗ್ ಸಲಕರಣೆ ವಿಭಾಗದಲ್ಲಿ 55 ಹುದ್ದೆಗಳು, ರಿಗ್ಗರ್ ವಿಭಾಗದಲ್ಲಿ 10, ಹೀಟ್ ಟ್ರೀಟ್ಮೆಂಟ್ ಆಪರೇಟರ್ 8, ಫಿಟ್ಟರ್ ಆಟೋ ಎಲೆಕ್ಟ್ರಿಕ್ 4, ಸ್ಯಾಂಡ್ ಮತ್ತು ಶಾಟ್ ಬ್ಲಾಸ್ಟರ್ 6 ಹುದ್ದೆಗಳು ಸೇರಿದಂತೆ ವಿವಿಧ ತಾಂತ್ರಿಕ ವಿಭಾಗಗಳಲ್ಲಿ ಅವಕಾಶ ನೀಡಲಾಗಿದೆ. ಈ ಕುರಿತು ಸಂಪೂರ್ಣ ವಿವರ ಇಲ್ಲಿದೆ.
ಸರ್ಕಾರಿ ಉದ್ಯೋಗದ (Government Job) ನಿರೀಕ್ಷೆಯಲ್ಲಿ ಇರುವ ಅಭ್ಯರ್ಥಿಗಳಿಗೆ ಸಶಸ್ತ್ರ ವಾಹನ ನಿಗಮ್ ಲಿಮಿಟೆಡ್ (AVNL) ಅಡಿಯಲ್ಲಿ ಕಾರ್ಯನಿರ್ವಹಿಸುವ ಹೆವಿ ವೆಹಿಕಲ್ಸ್ ಫ್ಯಾಕ್ಟರಿ (HVF) ಭರ್ಜರಿ ಅವಕಾಶ ನೀಡಿದೆ. ರಕ್ಷಣಾ ಸಚಿವಾಲಯದಡಿ ಕಾರ್ಯನಿರ್ವಹಿಸುವ ಈ ಸಂಸ್ಥೆ ವಿವಿಧ ವಿಭಾಗಗಳಲ್ಲಿ ಜೂನಿಯರ್ ಟೆಕ್ನಿಷಿಯನ್ (Junior Tecnicians) ಹುದ್ದೆಗಳ ನೇಮಕಾತಿಯನ್ನು ಪ್ರಕಟಿಸಿದೆ. ಒಟ್ಟು 122 ಹುದ್ದೆಗಳನ್ನು ಭರ್ತಿ ಮಾಡಲು ನೇಮಕಾತಿ ಪ್ರಕ್ರಿಯೆ ಆರಂಭವಾಗಿದೆ. ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಜನವರಿ 25, 2026 ರಿಂದ ಆರಂಭವಾಗಿದೆ. ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಫೆಬ್ರವರಿ 14, 2026 ಆಗಿದೆ. ಈ ದಿನಾಂಕದ ನಂತರ ಬಂದ ಯಾವುದೇ ಅರ್ಜಿ ಪರಿಗಣಿಸಲಾಗುವುದಿಲ್ಲ. ಈ ಕುರಿತು ಸಂಪೂರ್ಣ ವಿವರ ಇಲ್ಲಿದೆ.
ಈ ನೇಮಕಾತಿಯಲ್ಲಿ ಮುಖ್ಯವಾಗಿ ಜೂನಿಯರ್ ಟೆಕ್ನಿಷಿಯನ್ (ಕಾಂಟ್ರಾಕ್ಟ್) ಹುದ್ದೆಗಳು ಸೇರಿವೆ. ಆಪರೇಟರ್ ಮೆಟೀರಿಯಲ್ ಹ್ಯಾಂಡ್ಲಿಂಗ್ ಸಲಕರಣೆ ವಿಭಾಗದಲ್ಲಿ 55 ಹುದ್ದೆಗಳು, ರಿಗ್ಗರ್ ವಿಭಾಗದಲ್ಲಿ 10, ಹೀಟ್ ಟ್ರೀಟ್ಮೆಂಟ್ ಆಪರೇಟರ್ 8, ಫಿಟ್ಟರ್ ಆಟೋ ಎಲೆಕ್ಟ್ರಿಕ್ 4, ಸ್ಯಾಂಡ್ ಮತ್ತು ಶಾಟ್ ಬ್ಲಾಸ್ಟರ್ 6 ಹುದ್ದೆಗಳು ಸೇರಿದಂತೆ ವಿವಿಧ ತಾಂತ್ರಿಕ ವಿಭಾಗಗಳಲ್ಲಿ ಅವಕಾಶ ನೀಡಲಾಗಿದೆ.
ಅರ್ಹತೆ ಬಗ್ಗೆ ಮಾತನಾಡುವುದಾದರೆ, NAC/NTC/STC ಪ್ರಮಾಣಪತ್ರ ಹೊಂದಿರುವ ಅಭ್ಯರ್ಥಿಗಳಿಗೆ ಆದ್ಯತೆ ಇದೆ. ಕೆಲ ಹುದ್ದೆಗಳಿಗೆ 10ನೇ ತರಗತಿ ಉತ್ತೀರ್ಣರಾಗಿರುವುದು ಸಾಕು. ಕ್ರೇನ್ ಕಾರ್ಯಾಚರಣೆ ಹುದ್ದೆಗೆ ಸಂಬಂಧಿಸಿದಂತೆ ಅನುಭವ ಮತ್ತು ಮಾನ್ಯ ಚಾಲನಾ ಪರವಾನಗಿ ಅಗತ್ಯವಿದೆ. ರಿಗ್ಗರ್ ಹುದ್ದೆಗೆ ಕನಿಷ್ಠ ಎರಡು ವರ್ಷಗಳ ಲೋಡಿಂಗ್–ಅನ್ಲೋಡಿಂಗ್ ಅನುಭವ ಬೇಕು. ಸ್ಯಾಂಡ್ & ಶಾಟ್ ಬ್ಲಾಸ್ಟರ್ ಹುದ್ದೆಗೆ ಬ್ಲಾಸ್ಟಿಂಗ್ ಉದ್ಯಮದಲ್ಲಿ ಕನಿಷ್ಠ ಎರಡು ವರ್ಷಗಳ ಅನುಭವ ಇರಬೇಕು.
ವಯೋಮಿತಿ ಗರಿಷ್ಠ 35 ವರ್ಷ. ಮೀಸಲಾತಿ ವರ್ಗಗಳಿಗೆ ಸರ್ಕಾರದ ನಿಯಮಾನುಸಾರ ವಯಸ್ಸಿನ ಸಡಿಲಿಕೆ ನೀಡಲಾಗುತ್ತದೆ. ಆಯ್ಕೆಯಾದ ಅಭ್ಯರ್ಥಿಗಳಿಗೆ ಕನಿಷ್ಠ ₹21,000 ಮೂಲ ವೇತನ ನೀಡಲಾಗುತ್ತದೆ. ಜೊತೆಗೆ ತುಟ್ಟಿ ಭತ್ಯೆ ಮತ್ತು ವಿಶೇಷ ಭತ್ಯೆಗಳು ಸೇರಿ ಮಾಸಿಕ ಸಂಬಳ ಹೆಚ್ಚಾಗಲಿದೆ. ಒಪ್ಪಂದದ ಅವಧಿ 1 ರಿಂದ 3 ವರ್ಷಗಳವರೆಗೆ ಇರುತ್ತದೆ.
ಅರ್ಜಿ ಫಾರ್ಮ್ ಜೊತೆಗೆ 10ನೇ ತರಗತಿ ಅಂಕಪಟ್ಟಿ, NAC/NTC ಪ್ರಮಾಣಪತ್ರ, ಸಮುದಾಯ ಪ್ರಮಾಣಪತ್ರ, ಅನುಭವ ಪ್ರಮಾಣಪತ್ರ, ಆಧಾರ್ ಕಾರ್ಡ್, ಪ್ಯಾನ್ ಕಾರ್ಡ್, ಬ್ಯಾಂಕ್ ಪಾಸ್ಬುಕ್, ಚಾಲನಾ ಪರವಾನಗಿ ಸೇರಿದಂತೆ ಅಗತ್ಯ ದಾಖಲೆಗಳ ನಕಲು ಪ್ರತಿಗಳನ್ನು ಲಗತ್ತಿಸಬೇಕು. ₹300 ಅರ್ಜಿ ಶುಲ್ಕ ಪಾವತಿಸಿದ ರಶೀದಿಯನ್ನು ಸಹ ಸೇರಿಸಬೇಕು. ಎಲ್ಲ ದಾಖಲೆಗಳನ್ನು ಸರಿಯಾಗಿ ಲಗತ್ತಿಸಿ, ಕಂಪನಿಯ ಅಧಿಕೃತ ವಿಳಾಸಕ್ಕೆ ಅರ್ಜಿಯನ್ನು ಕಳುಹಿಸಬೇಕು. ಫೆಬ್ರವರಿ 14, 2026ರೊಳಗೆ ಅರ್ಜಿ ತಲುಪಿಸಬೇಕು.
