ಒಟ್ಟು 88 ಖಾಲಿ ಹುದ್ದೆಗಳ ಭರ್ತಿಗೆ ಈ ನೇಮಕಾತಿ ನಡೆಯುತ್ತಿದೆ. ಇವುಗಳಲ್ಲಿ ಇನ್ಸ್ಪೆಕ್ಟರ್ ಹುದ್ದೆಗಳು 38, ಸಬ್-ಇನ್ಸ್ಪೆಕ್ಟರ್ 27, ಅಸಿಸ್ಟೆಂಟ್ ಸಬ್-ಇನ್ಸ್ಪೆಕ್ಟರ್ 11 ಹಾಗೂ ಹೆಡ್ ಕಾನ್ಸ್ಟೇಬಲ್ 12 ಹುದ್ದೆಗಳು ಸೇರಿವೆ. ಅರ್ಜಿ ಸಲ್ಲಿಕೆ ಜನವರಿ 7, 2026ರಿಂದ ಆರಂಭಗೊಂಡಿದ್ದು, ಫೆಬ್ರವರಿ 21, 2026 ಕೊನೆಯ ದಿನಾಂಕವಾಗಿದೆ.
ಸಂಬಳ ವಿವರ
NIAಯಲ್ಲಿ ಆಯ್ಕೆಯಾದ ಅಭ್ಯರ್ಥಿಗಳಿಗೆ ಕೇಂದ್ರ ಸರ್ಕಾರದ ವೇತನ ನಿಯಮಾನುಸಾರ ಸಂಬಳ ನೀಡಲಾಗುತ್ತದೆ.
- ಇನ್ಸ್ಪೆಕ್ಟರ್: ₹44,900 ರಿಂದ ₹1,42,400
- ಸಬ್-ಇನ್ಸ್ಪೆಕ್ಟರ್ (ಲೆವೆಲ್-06): ₹35,400 ರಿಂದ ₹1,12,400
- ಅಸಿಸ್ಟೆಂಟ್ ಸಬ್-ಇನ್ಸ್ಪೆಕ್ಟರ್ (ಲೆವೆಲ್-05): ₹29,200 ರಿಂದ ₹92,300
- ಹೆಡ್ ಕಾನ್ಸ್ಟೇಬಲ್ (ಲೆವೆಲ್-04): ₹25,500 ರಿಂದ ₹81,700
ವೇತನದ ಜೊತೆಗೆ ಕೇಂದ್ರ ಸರ್ಕಾರದ ನಿಯಮಾನುಸಾರ ಇತರೆ ಭತ್ಯೆಗಳೂ ಅನ್ವಯವಾಗುತ್ತವೆ.
ಅರ್ಹತೆಗಳೇನು?
ಈ ನೇಮಕಾತಿ ಡೆಪ್ಯುಟೇಶನ್ ಆಧಾರಿತವಾಗಿರುವುದರಿಂದ ಎಲ್ಲರೂ ಅರ್ಜಿ ಸಲ್ಲಿಸಲು ಸಾಧ್ಯವಿಲ್ಲ. ರಾಜ್ಯ ಅಥವಾ ಕೇಂದ್ರ ಪೊಲೀಸ್ ಸಂಸ್ಥೆಗಳಲ್ಲಿ ಈಗಾಗಲೇ ಸೇವೆ ಸಲ್ಲಿಸುತ್ತಿರುವ ಅಧಿಕಾರಿಗಳು ಮಾತ್ರ ಅರ್ಹರಾಗುತ್ತಾರೆ.
ರಾಜ್ಯ ಅಥವಾ ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಸಮಾನ ಹುದ್ದೆಯಲ್ಲಿ ನಿಯಮಿತ ಸೇವೆ ಸಲ್ಲಿಸುತ್ತಿರುವವರು ಅಥವಾ ಲೆವೆಲ್-06 ಪೇ ಮ್ಯಾಟ್ರಿಕ್ಸ್ನಲ್ಲಿ 5 ವರ್ಷಗಳ ಸೇವೆ ಹೊಂದಿರಬೇಕು. ಪದವಿ ಹೊಂದಿದ್ದು, ಅಪರಾಧ ತನಿಖೆ, ಗುಪ್ತಚರ ಕಾರ್ಯಾಚರಣೆ, ಭಯೋತ್ಪಾದನಾ ನಿಗ್ರಹ ಅಥವಾ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ಕನಿಷ್ಠ 2 ವರ್ಷಗಳ ಅನುಭವ ಅಗತ್ಯ.
ಲೆವೆಲ್-05 ವೇತನ ಶ್ರೇಣಿಯಲ್ಲಿ 6 ವರ್ಷಗಳ ನಿಯಮಿತ ಸೇವೆ ಹಾಗೂ ಪದವಿ ಹೊಂದಿರಬೇಕು. ಅಪರಾಧ ತನಿಖೆ ಅಥವಾ ಗುಪ್ತಚರ ಕಾರ್ಯದಲ್ಲಿ 2 ವರ್ಷಗಳ ಅನುಭವ ಕಡ್ಡಾಯ.
ಹೆಡ್ ಕಾನ್ಸ್ಟೇಬಲ್ ಲೆವೆಲ್-04 ಹುದ್ದೆಯಲ್ಲಿ 5 ವರ್ಷಗಳ ಸೇವೆ ಹಾಗೂ ಪದವಿ ಮತ್ತು 2 ವರ್ಷಗಳ ಅನುಭವ ಅಗತ್ಯ.
ರಾಜ್ಯ ಅಥವಾ ಕೇಂದ್ರ ಪೊಲೀಸ್ ಸಂಸ್ಥೆಯಲ್ಲಿ ಸೇವೆ ಸಲ್ಲಿಸುತ್ತಿರುವವರು ಅರ್ಜಿ ಸಲ್ಲಿಸಬಹುದು. ಕನಿಷ್ಠ 12ನೇ ತರಗತಿ ಉತ್ತೀರ್ಣರಾಗಿರಬೇಕು. ಅರ್ಜಿ ಸಲ್ಲಿಸುವ ಕೊನೆಯ ದಿನಾಂಕದಂದು ಅಭ್ಯರ್ಥಿಯ ಗರಿಷ್ಠ ವಯಸ್ಸು 56 ವರ್ಷ ಮೀರಬಾರದು.
ಅರ್ಜಿ ಸಲ್ಲಿಸುವ ವಿಧಾನ
ಅರ್ಹ ಅಭ್ಯರ್ಥಿಗಳು ಮೊದಲು NIA ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ ಅಧಿಸೂಚನೆ ಹಾಗೂ ಅರ್ಜಿ ನಮೂನೆಯನ್ನು ಡೌನ್ಲೋಡ್ ಮಾಡಿಕೊಳ್ಳಬೇಕು. ಅರ್ಜಿ ನಮೂನೆಯಲ್ಲಿ ಹುದ್ದೆಯ ಹೆಸರು, ವೈಯಕ್ತಿಕ ವಿವರಗಳು, ಶೈಕ್ಷಣಿಕ ಅರ್ಹತೆ, ಅನುಭವ, ಮೂಲ ವೇತನ ಮತ್ತು ಇತರೆ ಮಾಹಿತಿಯನ್ನು ಸರಿಯಾಗಿ ನಮೂದಿಸಬೇಕು.
ಅರ್ಜಿಯನ್ನು ಸಂಬಂಧಿಸಿದ ಉದ್ಯೋಗದಾತ ಅಥವಾ ಕೇಡರ್ ನಿಯಂತ್ರಣ ಪ್ರಾಧಿಕಾರದ ಮೂಲಕ ದೃಢೀಕರಿಸಿ, ಸ್ಪೀಡ್ ಪೋಸ್ಟ್ ಮೂಲಕ NIAಗೆ ಕಳುಹಿಸಬೇಕು. ಫೆಬ್ರವರಿ 21 ನಂತರ ಸ್ವೀಕರಿಸುವ ಯಾವುದೇ ಅರ್ಜಿಗಳನ್ನು ಪರಿಗಣಿಸಲಾಗುವುದಿಲ್ಲ. ದೇಶದ ಭದ್ರತೆ ಹಾಗೂ ಭಯೋತ್ಪಾದನೆ ವಿರುದ್ಧ ಹೋರಾಟದಲ್ಲಿ ಪ್ರಮುಖ ಪಾತ್ರವಹಿಸುವ ಸಂಸ್ಥೆಯಲ್ಲಿ ಕೆಲಸ ಮಾಡಲು ಇದು ಅಪರೂಪದ ಅವಕಾಶವಾಗಿದೆ. ಅರ್ಹ ಅಭ್ಯರ್ಥಿಗಳು ಸಮಯಕ್ಕೆ ಸರಿಯಾಗಿ ಅರ್ಜಿ ಸಲ್ಲಿಸಿ ಈ ಅವಕಾಶವನ್ನು ಬಳಸಿಕೊಳ್ಳಬಹುದು.
