Last Updated:
ಚಿಕ್ಕಮಗಳೂರು ಜಿಲ್ಲೆಯ ಬೇಲೇನಹಳ್ಳಿ, ಕಾಮನದುರ್ಗ, ಬಾವಿಕೆರೆ, ಕೋರನಹಳ್ಳಿ ವೃತ್ತಗಳಲ್ಲಿ ಗ್ರಾಮ ಸಹಾಯಕ ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಲಾಗಿದೆ. 25 ವರ್ಷ ವಯಸ್ಸು ದಾಟಿದ, ಓದು ಬರಹ ಬಲ್ಲ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು.
ಚಿಕ್ಕಮಗಳೂರು: ಕಾಫಿನಾಡಿನ ಜನರಿಗೆ ಇದು ಸಿಹಿ ಸುದ್ದಿ (Good News), ನಿಮ್ಮ ಸ್ವಂತ ಊರಲ್ಲೇ ಕೆಲಸ (Job) ಮಾಡಲು ಇದು ಸುವರ್ಣ ಅವಕಾಶ. ನಿಮ್ಮ ಊರಿನ ಪಂಚಾಯಿತಿಗಳಲ್ಲಿ ಗ್ರಾಮ ಸಹಾಯಕ ಹುದ್ದೆಗಳಿಗೆ ಅರ್ಜಿ (Application) ಆಹ್ವಾನ ಮಾಡಲಾಗಿದೆ. ಹಾಗಿದ್ರೆ ಎಲ್ಲೆಲ್ಲಿ ಅಂತೀರಾ ಈ ಸ್ಟೋರಿ ನೋಡಿ.
ತರೀಕೆರೆ ತಾಲೂಕು ಕಸಬಾ ಹೋಬಳಿಯ ಬೇಲೇನಹಳ್ಳಿ ವೃತ್ತ, ಲಿಂಗದಹಳ್ಳಿ ಹೋಬಳಿಯ ಕಾಮನದುರ್ಗ ವೃತ್ತ, ಲಕ್ಕವಳ್ಳಿ ಹೋಬಳಿಯ ಬಾವಿಕೆರೆ ವೃತ್ತ, ಅಮೃತಾಪುರ ಹೋಬಳಿಯ ಕೋರನಹಳ್ಳಿ ವೃತ್ತದಲ್ಲಿ ಗ್ರಾಮ ಸಹಾಯಕರ ಹುದ್ದೆಗಳು ಖಾಲಿ ಇದ್ದು, ಅರ್ಹರಿಂದ ಅರ್ಜಿ ಆಹ್ವಾನಿಸಲಾಗಿದೆ.
ಆಯಾ ವೃತ್ತಗಳ ವ್ಯಾಪ್ತಿಯ ವಿದ್ಯಾವಂತ, ಓದಲು, ಬರೆಯಲು ಚೆನ್ನಾಗಿ ಬಲ್ಲ, 25 ವರ್ಷ ವಯೋಮಿತಿ ದಾಟಿರುವ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದಾಗಿದ್ದು, ಈಗಾಗಲೇ ಉಪವಿಭಾಗಾಧಿಕಾರಿಗಳು ಮಾಡಿರುವ ಆಯ್ಕೆಯನ್ನು ರದ್ದುಪಡಿಸಲಾಗಿದೆ.
ಅರ್ಜಿಯ ಜೊತೆಗೆ ಜನ್ಮ ದಿನಾಂಕ ದೃಢೀಕರಣ, ಚುನಾವಣೆ ಗುರುತಿನ ಚೀಟಿ, ಆಧಾರ್ ಕಾರ್ಡ್, ಪಡಿತರ ಚೀಟಿ, ವ್ಯಾಸಂಗ ಪೂರೈಸಿದ ಬಗ್ಗೆ ದಾಖಲೆ, ತಹಸೀಲ್ದಾರರಿಂದ ಪಡೆದ ಜಾತಿ ಮತ್ತು ಆದಾಯ ಪ್ರಮಾಣ ಪತ್ರ, ಸ್ವಯಂ ಘೋಷಣಾ ಪತ್ರ, ಉಪತಹಸೀಲ್ದಾರ್ರವರಿಂದ ಪಡೆದ ವಂಶವೃಕ್ಷ, ಒಪ್ಪಿಗೆ ಪ್ರಮಾಣ ಪತ್ರ, ಪೆÇಲೀಸ್ ರಿಪೆÇೀರ್ಟ್ಗಳನ್ನು ಸಲ್ಲಿಸಬೇಕು. ಹೆಚ್ಚಿನ ಮಾಹಿತಿಗೆ ತರೀಕೆರೆ ತಾಲೂಕು ತಹಸೀಲ್ದಾರರ ಕಚೇರಿಯನ್ನು ಸಂಪರ್ಕಿಸಬಹುದು.
Chikmagalur,Karnataka
