Last Updated:
ಸರ್ವೇಶ್ ಮೆಹ್ತಾನಿ 2017ರಲ್ಲಿ ಜೆಇಇ ಅಡ್ವಾನ್ಸ್ಡ್ ಪರೀಕ್ಷೆಯಲ್ಲಿ 339 ಅಂಕಗಳನ್ನು ಗಳಿಸಿ ಮೊದಲ ಸ್ಥಾನ ಪಡೆದಿದ್ದರು. 2021ರಲ್ಲಿ ಐಐಟಿ ಬಾಂಬೆಯಿಂದ ಕಂಪ್ಯೂಟರ್ ಸೈನ್ಸ್ ಮತ್ತು ಎಂಜಿನಿಯರಿಂಗ್ ಪದವಿ ಪಡೆದಿದ್ದಾರೆ.
‘ಮನಸ್ಸಿದ್ದರೆ ಮಾರ್ಗ’ ಅಂತ ಹೇಳುವ ಗಾದೆ ಮಾತನ್ನು ನಾವೆಲ್ಲಾ ಕೇಳಿಯೇ ಇರುತ್ತೇವೆ, ಆದರೆ ತುಂಬಾನೇ ಕಡಿಮೆ ಜನರು ತಮ್ಮ ಜೀವನದಲ್ಲಿ ತಮ್ಮ ಗುರಿಯನ್ನು ತುಂಬಾನೇ ಮನಸ್ಸಿನಿಂದ ಹಿಂಬಾಲಿಸಿ, ಅದನ್ನು ತಲುಪುವವರೆಗೂ ಎಲ್ಲಿಯೂ ನಿಲ್ಲದೆ ಮುನ್ನುಗ್ಗಿ ಸಾಧನೆ (Success) ಮಾಡಿರುವವರು ಅಂತ ಹೇಳಬಹುದು. ಅದರಲ್ಲೂ ಇಂತಹದೇ ಒಂದು ಸ್ಪರ್ಧಾತ್ಮಕ ಪರೀಕ್ಷೆಯನ್ನು (Computation Exam) ಬರೆದು, ಅದರಲ್ಲಿ ಒಳ್ಳೆಯ ಅಂಕಗಳನ್ನು ಗಳಿಸುವುದರೊಂದಿಗೆ ರ್ಯಾಂಕ್ (Rank) ಪಡೆದುಕೊಂಡು ತಾವು ಬಯಸಿದ ಕಾಲೇಜಿನಲ್ಲಿ ಪ್ರವೇಶ ಪಡೆಯುವುದು ಅಥವಾ ಒಳ್ಳೆಯ ಕಂಪನಿಯಲ್ಲಿ ಕೆಲಸ (Job) ಗಿಟ್ಟಿಸುವುದು ಅನೇಕರ ಕನಸಾಗಿರುತ್ತದೆ. ಆದರೆ ತುಂಬಾನೇ ಕೆಲವು ಜನರು ಮಾತ್ರವೇ ತಮ್ಮ ಕನಸುಗಳನ್ನು ನನಸು ಮಾಡಿಕೊಳ್ಳುತ್ತಾರೆ.
ಐಐಟಿ ಜೆಇಇ (IIT-JEE) ಪ್ರವೇಶ ಪರೀಕ್ಷೆಯು ಭಾರತದಲ್ಲಿ ಮಾತ್ರವಲ್ಲದೆ ಜಾಗತಿಕವಾಗಿಯೂ ಅತ್ಯಂತ ಸವಾಲಿನ ಮತ್ತು ಸ್ಪರ್ಧಾತ್ಮಕತೆಯಿಂದ ಕೂಡಿದ ಪರೀಕ್ಷೆಗಳಲ್ಲಿ ಒಂದಾಗಿದೆ. ಪ್ರತಿ ವರ್ಷ ಭಾರತದಾದ್ಯಂತ ಲಕ್ಷಾಂತರ ವಿದ್ಯಾರ್ಥಿಗಳು ಐಐಟಿ ಜೆಇಇ ಪರೀಕ್ಷೆಗೆ ಹಾಜರಾಗುತ್ತಾರೆ ಮತ್ತು ತಮ್ಮ ನೆಚ್ಚಿನ ಐಐಟಿ ಕಾಲೇಜಿನಲ್ಲಿ ಸೀಟು ಪಡೆಯುವ ಆಶಯವನ್ನು ಹೊಂದಿರುತ್ತಾರೆ.
ಈ ಪರೀಕ್ಷೆಯಲ್ಲಿ ಪಾಸಾಗಲು, ಐಐಟಿ ಕಾಲೇಜಿಗೆ ಪ್ರವೇಶ ಪಡೆಯಲು ಅರ್ಹತೆ ಪಡೆಯುವ ಜೆಇಇ ಮುಖ್ಯ ಮತ್ತು ಅಡ್ವಾನ್ಸ್ಡ್ ಪರೀಕ್ಷೆಗಳಲ್ಲಿ ಮೊದಲು ವಿದ್ಯಾರ್ಥಿಗಳು ಉತ್ತೀರ್ಣರಾಗಬೇಕು. ಈ ಪರೀಕ್ಷೆಗೆ ತಯಾರಿ ನಡೆಸಲು ಹೆಚ್ಚಿನ ಪ್ರಯತ್ನ, ತಾಳ್ಮೆ ಮತ್ತು ಬದ್ಧತೆ ಬೇಕಾಗುತ್ತದೆ. ಆದರೆ ಅತ್ಯಂತ ಬುದ್ಧಿವಂತರಲ್ಲಿ ಕೆಲವೇ ಸಾವಿರ ಜನರು ಮಾತ್ರ ಈ ಕಠಿಣ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಬಹುದು. ಒಟ್ಟಿನಲ್ಲಿ ಹೇಳುವುದಾದರೆ ಈ ಜೆಇಇ ಅಡ್ವಾನ್ಸ್ಡ್ ಪರೀಕ್ಷೆ ಯುಪಿಎಸ್ಸಿ ಪರೀಕ್ಷೆಯಷ್ಟೆ ಸವಾಲಿನಿಂದ ಕೂಡಿರುತ್ತದೆ ಅಂತ ಹೇಳಬಹುದು. ಇಂದು ನಾವು ಈ ಕಠಿಣ ಪರೀಕ್ಷೆಯಲ್ಲಿ ತುಂಬಾನೇ ತಾಳ್ಮೆ, ಪರಿಶ್ರಮದಿಂದ ಓದಿ, ಒಟ್ಟು 366 ಅಂಕಗಳ ಪೈಕಿ 339 ಅಂಕಗಳನ್ನು ಗಳಿಸಿ 2017ರ ಜೆಇಇ ಅಡ್ವಾನ್ಸ್ಡ್ ಪರೀಕ್ಷೆಯನ್ನು ಪಾಸ್ ಮಾಡಿದ್ದಾರೆ.
ಮೂಲತಃ ಚಂಡೀಘಡ್ ಮೂಲದವರಾಗಿರುವ ಸರ್ವೇಶ್ ಮೆಹ್ತಾನಿ ಅವರು ಜೆಇಇ ಅಡ್ವಾನ್ಸ್ಡ್ ಪರೀಕ್ಷೆಯಲ್ಲಿ ಅತಿ ಹೆಚ್ಚು ಅಂಕಗಳನ್ನು ಗಳಿಸುವುದರೊಂದಿಗೆ ಆ ಪರೀಕ್ಷೆಯಲ್ಲಿ ಮೊದಲ ಸ್ಥಾನವನ್ನು ಗಿಟ್ಟಿಸಿಕೊಂಡಿದ್ದರು. ಇದರ ನಂತರ ಇವರು 2021ರಲ್ಲಿ ಐಐಟಿ ಬಾಂಬೆಯಿಂದ ಕಂಪ್ಯೂಟರ್ ಸೈನ್ಸ್ ಮತ್ತು ಎಂಜಿನಿಯರಿಂಗ್ ಪದವಿಯನ್ನು ಪಡೆದಿದ್ದಾರೆ. ಸರ್ವೇಶ್ ಮೆಹ್ತಾನಿ ಅವರು ಪ್ರಸ್ತುತ ಪರಿಮಾಣಾತ್ಮಕ ವ್ಯಾಪಾರಿಯಾಗಿ ಕೆಲಸ ಮಾಡುತ್ತಿದ್ದಾರೆ.
ಸರ್ವೇಶ್ ಅವರ ತಂದೆ ಪರ್ವೇಶ್ ಮೆಹ್ತಾನಿ ಆದಾಯ ತೆರಿಗೆ ಇಲಾಖೆಯಲ್ಲಿ ಅಧಿಕಾರಿಯಾಗಿದ್ದಾರಂತೆ, ಸರ್ವೇಶ್ ಅವರು ಅತ್ಯಂತ ಸ್ಪರ್ಧಾತ್ಮಕತೆಯಿಂದ ಕೂಡಿದ ಜೆಇಇ ಜೆಇಇ ಮುಖ್ಯ ಮತ್ತು ಅಡ್ವಾನ್ಸ್ಡ್ ಪರೀಕ್ಷೆಗಳಲ್ಲಿ ಮೊದಲ 10 ಸ್ಥಾನಗಳಲ್ಲಿ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಳ್ಳುವ ಗುರಿಯನ್ನು ಹೊಂದಿದ್ದರು ಅಂತ ಹಿಂದೊಮ್ಮೆ ಒಂದು ಸಂದರ್ಶನದಲ್ಲಿ ಹೇಳಿಕೊಂಡಿದ್ದರು.
ಬ್ಯಾಡ್ಮಿಂಟನ್ ಆಡುವುದು, ಟಿವಿ ಕಾರ್ಟೂನ್ ನೋಡುವುದು ಮತ್ತು ಸಂಗೀತ ಕೇಳುವುದು ಅವರ ನೆಚ್ಚಿನ ವಿಶ್ರಾಂತಿ ವಿಧಾನಗಳಾಗಿದ್ದವಂತೆ. ಅತ್ಯಂತ ಕಷ್ಟಕರವಾದ ಪರೀಕ್ಷೆಯಲ್ಲಿ ಟಾಪ್ 10ರಲ್ಲಿ ಸ್ಥಾನ ಪಡೆಯುವ ಗುರಿಯನ್ನು ಅವರು ಯಾವಾಗಲೂ ಹೊಂದಿದ್ದರು ಎಂದು ಮೆಹ್ತಾನಿ ಹೇಳಿದರು.
ಹರಿಯಾಣ ಸರ್ಕಾರದ ಕೈಗಾರಿಕಾ ತರಬೇತಿ ವಿಭಾಗದಲ್ಲಿ ಕೆಲಸ ಮಾಡುವ ಅವರ ತಾಯಿ ರಾಜ್ ಬಾಲಾ, ತಮ್ಮ ಮಗ ತನ್ನ ಅಧ್ಯಯನವನ್ನು ಹೊರೆಯಾಗಿ ಎಂದಿಗೂ ಪರಿಗಣಿಸಲಿಲ್ಲ ಮತ್ತು ಪ್ರತಿ ರಾತ್ರಿ ಮಲಗುವ ಮುನ್ನ ಪ್ರತಿದಿನ ತರಗತಿಯಲ್ಲಿ ಹೇಳಿರುವ ತಮ್ಮ ಪಠ್ಯಕ್ರಮವನ್ನು ಒಮ್ಮೆ ವಿವರವಾಗಿ ಪರಿಷ್ಕರಿಸುವುದನ್ನು ಖಚಿತಪಡಿಸಿಕೊಳ್ಳುತ್ತಿದ್ದರು. ಬಹುಶಃ ಈ ವಿಧಾನವೇ ಅವರಿಗೆ ಇಂದು ಇಂತಹ ಒಂದು ಯಶಸ್ಸನ್ನು ತಂದುಕೊಟ್ಟಿದೆ ಅಂತ ಹೇಳಿದರು.
June 03, 2025 4:35 PM IST
