Last Updated:
ಆನ್ಲೈನ್ ಅರ್ಜಿ ಪ್ರಕ್ರಿಯೆ ಫೆಬ್ರವರಿ 13, 2026ರಿಂದ ಆರಂಭಗೊಂಡಿದ್ದು, ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಏಪ್ರಿಲ್ 1, 2026 ಆಗಿದೆ. ಅರ್ಜಿ ಶುಲ್ಕ ಪಾವತಿಸಲು ಕೂಡ ಇದೇ ದಿನ ಅಂತಿಮ ಗಡುವು. ಫಾರ್ಮ್ ಭರ್ತಿಯ ನಂತರ ಅಗತ್ಯವಿರುವ ತಿದ್ದುಪಡಿ ದಿನಾಂಕಗಳನ್ನು ಬಳಿಕ ಪ್ರಕಟಿಸಲಾಗುತ್ತದೆ. ಆದ್ದರಿಂದ ಅಭ್ಯರ್ಥಿಗಳು ಸಮಯ ವ್ಯರ್ಥ ಮಾಡದೇ ಅರ್ಜಿ ಸಲ್ಲಿಸುವುದು ಒಳಿತು. ಹುದ್ದೆ, ಅರ್ಜಿ, ಅರ್ಹತೆ ಸೇರಿ ಕಂಪ್ಲೀಟ್ ಡಿಟೇಲ್ಸ್ ಇಲ್ಲಿದೆ.
ಭಾರತೀಯ ಸೇನೆ (Indian Army) 2026ನೇ ಸಾಲಿನ ಅಗ್ನಿವೀರ್ ನೇಮಕಾತಿಗಾಗಿ (Agniveer Requirements) ಭರ್ಜರಿ ಅಧಿಸೂಚನೆ ಪ್ರಕಟಿಸಿದೆ. ದೇಶಾದ್ಯಂತ ಒಟ್ಟು 25,000 ಕ್ಕೂ ಹೆಚ್ಚು ಹುದ್ದೆಗಳನ್ನು ಭರ್ತಿ ಮಾಡುವ ಈ ಪ್ರಕ್ರಿಯೆ ಯುವಜನತೆಗೆ ದೇಶಸೇವೆಯ ಕನಸು ಸಾಕಾರಗೊಳಿಸಲು ದೊಡ್ಡ ವೇದಿಕೆಯಾಗಿದೆ. ಭಾರತೀಯ ಸೇನೆಯ ಈ ನೇಮಕಾತಿ ಅಗ್ನಿವೀರ್ ಜನರಲ್ ಡ್ಯೂಟಿ (General Duty), ಅಗ್ನಿವೀರ್ ಟೆಕ್ನಿಕಲ್ (Technical), ಅಗ್ನಿವೀರ್ ಕ್ಲರ್ಕ್/ಸ್ಟೋರ್ ಕೀಪರ್ ಟೆಕ್ನಿಕಲ್ ಹಾಗೂ ಅಗ್ನಿವೀರ್ ಟ್ರೇಡ್ಸ್ಮನ್ ಹುದ್ದೆಗಳಿಗೆ ನಡೆಯಲಿದೆ. ವಿಶೇಷವೆಂದರೆ 8ನೇ ತರಗತಿ ಉತ್ತೀರ್ಣರಾದ ಅಭ್ಯರ್ಥಿಗಳಿಗೂ ಅರ್ಜಿ ಸಲ್ಲಿಸುವ ಅವಕಾಶ ನೀಡಲಾಗಿದೆ. ಈ ಕುರಿತು ಸಂಪೂರ್ಣ ಮಾಹಿತಿ ಇಲ್ಲಿದೆ.
ಆನ್ಲೈನ್ ಅರ್ಜಿ ಪ್ರಕ್ರಿಯೆ ಫೆಬ್ರವರಿ 13, 2026ರಿಂದ ಆರಂಭಗೊಂಡಿದ್ದು, ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಏಪ್ರಿಲ್ 1, 2026 ಆಗಿದೆ. ಅರ್ಜಿ ಶುಲ್ಕ ಪಾವತಿಸಲು ಕೂಡ ಇದೇ ದಿನ ಅಂತಿಮ ಗಡುವು. ಫಾರ್ಮ್ ಭರ್ತಿಯ ನಂತರ ಅಗತ್ಯವಿರುವ ತಿದ್ದುಪಡಿ ದಿನಾಂಕಗಳನ್ನು ಬಳಿಕ ಪ್ರಕಟಿಸಲಾಗುತ್ತದೆ. ಆದ್ದರಿಂದ ಅಭ್ಯರ್ಥಿಗಳು ಸಮಯ ವ್ಯರ್ಥ ಮಾಡದೇ ಅರ್ಜಿ ಸಲ್ಲಿಸುವುದು ಒಳಿತು.
ಈ ನೇಮಕಾತಿಯಲ್ಲಿನ ಹುದ್ದೆಗಳನ್ನು ನಾಲ್ಕು ಪ್ರಮುಖ ವಿಭಾಗಗಳಾಗಿ ವಿಂಗಡಿಸಲಾಗಿದೆ. ಅಗ್ನಿವೀರ್ ಜನರಲ್ ಡ್ಯೂಟಿ ಹುದ್ದೆಗೆ 10ನೇ ತರಗತಿ ಉತ್ತೀರ್ಣರಾಗಿರಬೇಕು. ಪ್ರತಿ ವಿಷಯದಲ್ಲಿ ಕನಿಷ್ಠ 45% ಹಾಗೂ ಒಟ್ಟು 33% ಅಂಕಗಳನ್ನು ಹೊಂದಿರಬೇಕು. ಅಗ್ನಿವೀರ್ ಟೆಕ್ನಿಕಲ್ ಹುದ್ದೆಗೆ ವಿಜ್ಞಾನ ವಿಭಾಗದಲ್ಲಿ 12ನೇ ತರಗತಿ ಉತ್ತೀರ್ಣರಾಗಿದ್ದು, ಒಟ್ಟು 50% ಹಾಗೂ ಪ್ರತಿ ವಿಷಯದಲ್ಲಿ 40% ಅಂಕಗಳು ಅಗತ್ಯ. ಅಥವಾ 10ನೇ ತರಗತಿಯೊಂದಿಗೆ 2 ವರ್ಷಗಳ ಐಟಿಐ ಪಠ್ಯಕ್ರಮ ಪೂರ್ಣಗೊಳಿಸಿದವರೂ ಅರ್ಹರು.
ಅಗ್ನಿವೀರ್ ಕ್ಲರ್ಕ್/ಸ್ಟೋರ್ ಕೀಪರ್ ಟೆಕ್ನಿಕಲ್ ಹುದ್ದೆಗೆ ಯಾವುದೇ ವಿಭಾಗದಲ್ಲಿ 12ನೇ ತರಗತಿ ಉತ್ತೀರ್ಣರಾಗಿದ್ದು, ಒಟ್ಟು 60% ಮತ್ತು ಪ್ರತಿ ವಿಷಯದಲ್ಲಿ 50% ಅಂಕಗಳು ಅಗತ್ಯ. ಇಂಗ್ಲಿಷ್ ಹಾಗೂ ಗಣಿತ/ಲೆಕ್ಕಪತ್ರ ನಿರ್ವಹಣೆ ಕಡ್ಡಾಯ ವಿಷಯಗಳು. ಅಗ್ನಿವೀರ್ ಟ್ರೇಡ್ಸ್ಮನ್ ಹುದ್ದೆಗೆ 8ನೇ ಅಥವಾ 10ನೇ ತರಗತಿ ಉತ್ತೀರ್ಣರಾಗಿದ್ದು, ಪ್ರತಿ ವಿಷಯದಲ್ಲಿ ಕನಿಷ್ಠ 33% ಅಂಕಗಳು ಇರಬೇಕು.
ಆಯ್ಕೆ ಪ್ರಕ್ರಿಯೆ ಎರಡು ಹಂತಗಳಲ್ಲಿ ನಡೆಯಲಿದೆ. ಮೊದಲ ಹಂತದಲ್ಲಿ ಕಂಪ್ಯೂಟರ್ ಆಧಾರಿತ ಆನ್ಲೈನ್ ಪರೀಕ್ಷೆ (CEE) ನಡೆಯುತ್ತದೆ. ಎಲ್ಲಾ ಪ್ರಶ್ನೆಗಳು ಬಹು ಆಯ್ಕೆ (MCQ) ಮಾದರಿಯದ್ದಾಗಿರುತ್ತವೆ. ಸರಿಯಾದ ಉತ್ತರಗಳಿಗೆ ಪೂರ್ಣ ಅಂಕ ನೀಡಲಾಗುತ್ತದೆ ಮತ್ತು ತಪ್ಪು ಉತ್ತರಗಳಿಗೆ ಯಾವುದೇ ಋಣಾತ್ಮಕ ಅಂಕಗಳಿಲ್ಲ. ಎರಡನೇ ಹಂತದಲ್ಲಿ ನೇಮಕಾತಿ ರ್ಯಾಲಿ ನಡೆಯುತ್ತದೆ. ಆನ್ಲೈನ್ ಪರೀಕ್ಷೆಯ ಮೆರಿಟ್ ಆಧಾರದ ಮೇಲೆ ಅಭ್ಯರ್ಥಿಗಳನ್ನು ರ್ಯಾಲಿಗೆ ಕರೆಯಲಾಗುತ್ತದೆ. ಕ್ಲರ್ಕ್/ಸ್ಟೋರ್ ಕೀಪರ್ ಹುದ್ದೆಗೆ ಇಂಗ್ಲಿಷ್ನಲ್ಲಿ ನಿಮಿಷಕ್ಕೆ 30 ಪದಗಳ ಟೈಪಿಂಗ್ ಪರೀಕ್ಷೆ ಕಡ್ಡಾಯವಾಗಿದೆ.
ಎಲ್ಲಾ ವರ್ಗದ ಅಭ್ಯರ್ಥಿಗಳಿಗೆ ಅರ್ಜಿ ಶುಲ್ಕ ₹250 ಆಗಿದ್ದು, ಇದನ್ನು ಎಸ್ಬಿಐ ಪೋರ್ಟಲ್ ಮೂಲಕ ಆನ್ಲೈನ್ನಲ್ಲಿ ಪಾವತಿಸಬೇಕು. ನೆಟ್ ಬ್ಯಾಂಕಿಂಗ್, ಡೆಬಿಟ್ ಕಾರ್ಡ್ ಅಥವಾ ಕ್ರೆಡಿಟ್ ಕಾರ್ಡ್ ಮೂಲಕ ಪಾವತಿ ಸಾಧ್ಯ. ಒಮ್ಮೆ ಪಾವತಿಸಿದ ಶುಲ್ಕ ಮರುಪಾವತಿಸಲಾಗುವುದಿಲ್ಲ. ಅರ್ಜಿ ಸಲ್ಲಿಸಲು ಅಭ್ಯರ್ಥಿಗಳು joinindianarmy.nic.in ವೆಬ್ಸೈಟ್ಗೆ ಭೇಟಿ ನೀಡಿ ಅಗ್ನಿಪಥ್ ಟ್ಯಾಬ್ನಲ್ಲಿ ನೋಂದಣಿ ಮಾಡಬೇಕು. ಆಧಾರ್ ಕಾರ್ಡ್ ಅಥವಾ 10ನೇ ತರಗತಿ ಪ್ರಮಾಣಪತ್ರದ ವಿವರಗಳನ್ನು ನೀಡಿ ಪ್ರೊಫೈಲ್ ಪೂರ್ಣಗೊಳಿಸಿ, ಅಗತ್ಯ ದಾಖಲೆಗಳನ್ನು ಅಪ್ಲೋಡ್ ಮಾಡಿ ಶುಲ್ಕ ಪಾವತಿಸಿ ಫಾರ್ಮ್ ಸಲ್ಲಿಸಬೇಕು.
ವೇತನದ ದೃಷ್ಟಿಯಿಂದ ಮೊದಲ ವರ್ಷ ತಿಂಗಳಿಗೆ ₹30,000 ಸಂಬಳ ದೊರೆಯುತ್ತದೆ. ಪ್ರತಿ ವರ್ಷ ₹5,000ರಷ್ಟು ಹೆಚ್ಚಳವಾಗುತ್ತಾ ನಾಲ್ಕನೇ ವರ್ಷದಲ್ಲಿ ₹40,000 ತಲುಪುತ್ತದೆ. ವೇತನದ 30% ಅಗ್ನಿವೀರ್ ನಿಧಿಗೆ ಠೇವಣಿ ಇಡಲಾಗುತ್ತದೆ. ಹೀಗಾಗಿ ಮೊದಲ ವರ್ಷದಲ್ಲಿ ನಿವ್ವಳ ವೇತನ ಸುಮಾರು ₹21,000 ಹಾಗೂ ನಾಲ್ಕನೇ ವರ್ಷದಲ್ಲಿ ₹28,000 ಆಗಿರುತ್ತದೆ. ದೇಶ ಸೇವೆ ಮಾಡಲು ಬಯಸುವ ಯುವಕರಿಗೆ ಇದು ಅಪರೂಪದ ಅವಕಾಶ. ಏಪ್ರಿಲ್ 1, 2026ರೊಳಗೆ ಅರ್ಜಿ ಸಲ್ಲಿಸಿ ಈ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಿ.
Bangalore [Bangalore],Bangalore,Karnataka
Indian Army: ಅಗ್ನಿವೀರ್ 2026ಕ್ಕೆ ಅರ್ಜಿ ಪ್ರಾರಂಭ; 25 ಸಾವಿರಕ್ಕೂ ಹೆಚ್ಚು ಹುದ್ದೆಗಳ ಭರ್ಜರಿ ನೇಮಕಾತಿ, ಇಂದೇ ಅರ್ಜಿ ಸಲ್ಲಿಸಿ!
