Last Updated:
ರುಡ್ಸೆಟ್ ಸಂಸ್ಥೆ ವಿದ್ಯುತ್ ಮೋಟಾರ್ ರೀವೈಂಡಿಂಗ್ 30 ದಿನಗಳ ಉಚಿತ ತರಬೇತಿ ಘೋಷಣೆ, ಉಚಿತ ಊಟ ವಸತಿ, ಕೇಂದ್ರ ಸರ್ಕಾರ ಮಾನ್ಯ ಪ್ರಮಾಣಪತ್ರ, 18 ರಿಂದ 50 ವರ್ಷದ ಗ್ರಾಮೀಣ ಯುವಕರಿಗೆ ಅವಕಾಶ
ಚಿಕ್ಕಮಗಳೂರು: ಪದವಿ ಪಡೆದರೂ ಉದ್ಯೋಗ (Job) ಸಿಗುತ್ತಿಲ್ಲವೇ? ಕೈಯಲ್ಲಿ ಕೌಶಲ್ಯವಿಲ್ಲದೆ ಮನೆಯಲ್ಲಿ ಕೂರುವ ಅನಿವಾರ್ಯತೆ ಇದೆಯೇ? ಚಿಂತಿಸಬೇಡಿ ನಿಮಗಾಗಿ ಇಲ್ಲಿದೆ ಒಂದು ಅದ್ಭುತ ಅವಕಾಶ (Opportunity). ನಿಮ್ಮ ಬದುಕನ್ನು ಹಸನಾಗಿಸಲು ಮತ್ತು ಸ್ವಾವಲಂಬಿಗಳನ್ನಾಗಿ (Self-sufficient) ಮಾಡಲು ರುಡ್ಸೆಟ್ (RUDSET) ಸಂಸ್ಥೆ ಮುಂದಾಗಿದೆ. ಈ ಅವಕಾಶನ್ನು ಮಿಸ್ ಮಾಡ್ಕೋಬೇಡಿ.
ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಶಿಕ್ಷಣ ಟ್ರಸ್ಟ್ ಮತ್ತು ಕೆನರಾ ಬ್ಯಾಂಕ್ ಸಹಯೋಗದಲ್ಲಿ, ವಿದ್ಯುತ್ ಮೋಟಾರ್ ರೀವೈಂಡಿಂಗ್ ವಿಷಯದಲ್ಲಿ 30 ದಿನಗಳ ಉಚಿತ ತರಬೇತಿಯನ್ನು ಹಮ್ಮಿಕೊಳ್ಳಲಾಗಿದೆ. ಜೂನ್ 2ರಿಂದ ಆರಂಭವಾಗಲಿರುವ ಈ ತರಬೇತಿಯು ಯುವಕರಿಗೆ ಹೊಸ ದಾರಿಯನ್ನು ತೆರೆದುಕೊಡಲಿದೆ.
-18 ರಿಂದ 50 ವರ್ಷದೊಳಗಿನ ಗ್ರಾಮೀಣ ಭಾಗದ ಯುವಕರು ಅರ್ಜಿ ಸಲ್ಲಿಸಬಹುದು.
-ಕನ್ನಡ ಓದಲು ಮತ್ತು ಬರೆಯಲು ಬರಬೇಕು.
-ಗ್ರಾಮೀಣ ಪ್ರದೇಶದ ಆಧಾರ್ ಕಾರ್ಡ್ ಹಾಗೂ ಬಿಪಿಎಲ್ ಕಾರ್ಡ್ ಹೊಂದಿರುವವರಿಗೆ ಹೆಚ್ಚಿನ ಆದ್ಯತೆ ನೀಡಲಾಗುತ್ತದೆ.
ಈ ಸುವರ್ಣ ಅವಕಾಶವನ್ನು ಬಳಸಿಕೊಳ್ಳಲು ಆಸಕ್ತರು ತಕ್ಷಣವೇ ರುಡ್ಸೆಟ್ ಸಂಸ್ಥೆ, ಅರಿಶಿನಕುಂಟೆ, ನೆಲಮಂಗಲ ತಾಲೂಕು, ಬೆಂಗಳೂರು ಗ್ರಾಮಾಂತರ ಜಿಲ್ಲೆ ಇವರನ್ನು ಸಂಪರ್ಕಿಸಬಹುದು. ಹೆಚ್ಚಿನ ಮಾಹಿತಿಗಾಗಿ 9380162042, 9380220884, 9481778047 ಅಥವಾ 9113880324 ಸಂಖ್ಯೆಗೆ ಕರೆ ಮಾಡಬಹುದು ಎಂದು ಸಂಸ್ಥೆಯ ನಿರ್ದೇಶಕ ರವಿಕುಮಾರ ಅವರು ತಿಳಿಸಿದ್ದಾರೆ.
Chikmagalur,Chikmagalur,Karnataka
