Last Updated:
ಈ ಬಾರಿ ಮಸ್ಕ್ ಹಳೆಯ ನೇಮಕಾತಿ ವಿಧಾನಗಳನ್ನು ಬದಿಗೊತ್ತಿ ‘ಎಲಿಟ್ ಯೂನಿಟ್’ ನಿರ್ಮಿಸಲು ತೀರ್ಮಾನಿಸಿದ್ದಾರೆ. ಇದನ್ನು ‘ಟ್ಯಾಲೆಂಟ್ ಎಂಜಿನಿಯರ್ಸ್’ ಎಂದು ಕರೆಯಲಾಗುತ್ತಿದೆ. ಈ ಹುದ್ದೆಗಳಿಗೆ ಆಯ್ಕೆಯಾಗುವವರಿಗೆ ವರ್ಷಕ್ಕೆ ಕೋಟಿ ಕೋಟಿ ರೂಪಾಯಿ ಸಂಪಾದಿಸಬಹುದಾಗಿದೆ.
ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿ (Richest Man in The World) ಮತ್ತು ಟೆಸ್ಲಾ–ಸ್ಪೇಸ್ಎಕ್ಸ್ ಸಿಇಒ ಎಲಾನ್ ಮಸ್ಕ್ (Elon Musk) ಅವರ ಹೊಸ ಕೃತಕ ಬುದ್ಧಿಮತ್ತೆ (AI) ಕಂಪನಿ xAIಗೆ ವಿಶ್ವದ ಅತ್ಯುತ್ತಮ ಪ್ರತಿಭೆಗಳ ಹುಡುಕಾಟ ನಡೆಸುತ್ತಿದೆ. ಈ ಬಾರಿ ಮಸ್ಕ್ ಹಳೆಯ ನೇಮಕಾತಿ ವಿಧಾನಗಳನ್ನು ಬದಿಗೊತ್ತಿ ‘ಎಲಿಟ್ ಯೂನಿಟ್‘ ನಿರ್ಮಿಸಲು ತೀರ್ಮಾನಿಸಿದ್ದಾರೆ. ಇದನ್ನು ‘ಟ್ಯಾಲೆಂಟ್ ಎಂಜಿನಿಯರ್ಸ್‘ (Talented Enineers) ಎಂದು ಕರೆಯಲಾಗುತ್ತಿದೆ. ಈ ಹುದ್ದೆಗಳಿಗೆ ಆಯ್ಕೆಯಾಗುವವರಿಗೆ ವರ್ಷಕ್ಕೆ ಕೋಟಿ ಕೋಟಿ ರೂಪಾಯಿ ಸಂಪಾದಿಸಬಹುದಾಗಿದೆ.
ಈ ನೇಮಕಾತಿ ಪ್ರಕ್ರಿಯೆ ಸಾಮಾನ್ಯ ಹೆಚ್ಆರ್ ಪ್ರಕ್ರಿಯೆ ರೀತಿ ಇಲ್ಲ. ಇದರಲ್ಲಿ ತಾಂತ್ರಿಕವಾಗಿ ಶಕ್ತಿಯುಳ್ಳ ಎಂಜಿನಿಯರ್ಸ್ಗೆ ಅವಕಾಶ ನೀಡಲಾಗುತ್ತಿದ್ದು, ವಿಶ್ವದ ಉತ್ತಮ ಎಂಜಿನಿಯರ್ಸ್ಗಳನ್ನು ಹುಡುಕುತ್ತಿದ್ದಾರೆ, ಈ ಕಂಪನಿಗೆ ಸೇರುವ ಮುನ್ನ ಆಕಾಂಕ್ಷಿಗಳು ಓಪನ್-ಸೋರ್ಸ್ ಪ್ರಾಜೆಕ್ಟ್ಗಳಲ್ಲಿ ಕೆಲಸ ಮಾಡಿರಬೇಕು ಎಂದು ತಿಳಿಸಲಾಗಿದೆ.
ನಿಮಗೆ ತಾಂತ್ರಿಕ ಜ್ಞಾನ ಮತ್ತು ಜನರನ್ನು ಗುರುತಿಸುವ ಸಾಮರ್ಥ್ಯ ಇದ್ದರೆ, ಮಸ್ಕ್ ಅವರ ಎಲಿಟ್ ತಂಡಕ್ಕೆ ನೇರವಾಗಿ ವರದಿ ಮಾಡುವ ಅವಕಾಶ ಕೂಡ ಸಿಗಬಹುದು. xAI ಕಂಪನಿಯಲ್ಲಿ ‘ಟ್ಯಾಲೆಂಟ್ ಎಂಜಿನಿಯರ್’ ಎಂಬ ಹೊಸ ಹುದ್ದೆ ಸೃಷ್ಟಿಸಲಾಗಿದೆ. ಇದು ಪಾರಂಪರಿಕ ನೇಮಕಾತಿ ಕೆಲಸವಲ್ಲ. ಈ ಎಂಜಿನಿಯರ್ಸ್ ಕೆಲಸವೆಂದರೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಉತ್ತಮ ಕೋಡರ್ ಮತ್ತು AI ತಜ್ಞರನ್ನು ಹುಡುಕುವ ವ್ಯವಸ್ಥೆ ಮತ್ತು ನೆಟ್ವರ್ಕ್ ನಿರ್ಮಿಸುವುದು.
ಮಸ್ಕ್ ಅವರ ಅಭಿಪ್ರಾಯ ಪ್ರಕಾರ, ಉತ್ತಮ ಪ್ರತಿಭೆ ಹುಡುಕಲು ಜಾಬ್ ಫ್ಲಾಟ್ಫಾರ್ಮ್ಗಳು ಸಾಕಾಗುವುದಿಲ್ಲ. ಇದಕ್ಕಾಗಿ ಹ್ಯಾಕಥಾನ್, ಕೋಡಿಂಗ್ ಸ್ಪರ್ಧೆಗಳು ಮತ್ತು ತಾಂತ್ರಿಕ ನೆಟ್ವರ್ಕಿಂಗ್ ಅಗತ್ಯ. xAI ಜಾಬ್ ಲಿಸ್ಟಿಂಗ್ ಪ್ರಕಾರ, ಟ್ಯಾಲೆಂಟ್ ಎಂಜಿನಿಯರ್ ಹುದ್ದೆಗೆ ವರ್ಷಕ್ಕೆ $120,000 ರಿಂದ $240,000 ವರೆಗೆ ಸಂಬಳ ಸಿಗಬಹುದು. ಭಾರತೀಯ ಕರೆನ್ಸಿಯಲ್ಲಿ ಇದು ಸುಮಾರು 1.09 ಕೋಟಿ ರಿಂದ 2.18 ಕೋಟಿ ರೂಪಾಯಿಗೆ ಸಮಾನ.
ಸಂಬಳದ ಜೊತೆಗೆ ಕಂಪನಿ ಇಕ್ವಿಟಿ (ಸ್ಟಾಕ್ ಆಪ್ಷನ್), ಹೆಲ್ತ್ ಇನ್ಶುರನ್ಸ್, ಡೆಂಟಲ್ ಮತ್ತು ವೀಜನ್ ಕವರೆಜ್ ಮತ್ತು 401(k) ರಿಟೈರ್ಮೆಂಟ್ ಪ್ಲಾನ್ ಹೀಗೆ ಪ್ರೀಮಿಯಂ ಸೌಲಭ್ಯಗಳೂ ನೀಡಲಾಗುತ್ತಿವೆ. ಆಯ್ಕೆಯಾದವರಿಗೆ ಕ್ಯಾಲಿಫೋರ್ನಿಯಾದ ಪಾಲೊ ಆಲ್ಟೋದಲ್ಲಿರುವ ಮಸ್ಕ್ ಅವರ ಹೆಡ್ಕ್ವಾರ್ಟರ್ನಲ್ಲಿ ಕೆಲಸ ಮಾಡುವ ಅವಕಾಶ ಸಿಗುತ್ತದೆ.
ನೇಮಕಾತಿಗೆ ಮಸ್ಕ್ ಕೆಲ ವಿಭಿನ್ನ ಅಂಶಗಳನ್ನು ನಿರ್ಧರಿಸಲಾಗಿದೆ ಅವುಗಳು ಏನೆಂದರೆ, ಬಾಲ್ಯದಲ್ಲಿ ‘Cool’ ಉತ್ಪನ್ನಗಳು ಅಥವಾ ವೈಯಕ್ತಿಕ ಪ್ರಾಜೆಕ್ಟ್ಗಳಲ್ಲಿ ಕೆಲಸ ಮಾಡಿರಬೇಕು. ‘Vibe Coding’ ಅರ್ಥಮಾಡಿಕೊಳ್ಳುವ ಸಾಮರ್ಥ್ಯ ಹೊಂದಿರಬೇಕು, ದಿನವೂ ಕೋಡಿಂಗ್ ಮಾಡಬೇಕಾಗಿಲ್ಲ, ಆದರೆ AI ಟೂಲ್ಗಳ ಮೂಲಕ ವೇಗವಾಗಿ ಪ್ರೋಟೋಟೈಪ್ ಮಾಡುವುದು ಮತ್ತು ತಾಂತ್ರಿಕ ಸಂಪ್ರದಾಯಗಳನ್ನು ಅರ್ಥಮಾಡಿಕೊಳ್ಳುವಲ್ಲಿ ಪರಿಣತಿ ಇರಬೇಕು.
ಜೊತೆಗೆ ಅಭ್ಯರ್ಥಿ ‘ನೆರ್ಡ್ ಎಂಜಿನಿಯರ್’ ಆಗಿರಬೇಕು, ಆದರೆ ವರ್ತನೆಯಲ್ಲಿ ಜನರೊಂದಿಗೆ ಬೆರೆಯುವ ವ್ಯಕ್ತಿಯಾಗಿರಬೇಕು. ಹಿಂದಿನ ಅನುಭವದಲ್ಲಿ ಹೆಚ್ಚು ಪ್ರತಿಭೆ ಇರುವ ಸಂಸ್ಥೆಗಳಲ್ಲಿ ಕೆಲಸ ಮಾಡಿರಬೇಕು. xAI ಹೇಳಿದಂತೆ, ನೇಮಕಾತಿ ಪ್ರಕ್ರಿಯೆ ತುಂಬಾ ವೇಗವಾಗಿದೆ. ಅರ್ಜಿ ಸಲ್ಲಿಸಿದ ನಂತರ ಟ್ಯಾಲೆಂಟ್ ಎಂಜಿನಿಯರ್ ಜೊತೆ 30 ನಿಮಿಷದ ಪರಿಚಯ ಕರೆ, ನಂತರ ಪ್ರೆಸೆಂಟೇಶನ್ ಮತ್ತು ಆನ್-ಸೈಟ್ ಇಂಟರ್ವ್ಯೂ ನಡೆಯುತ್ತದೆ.
ಕಂಪನಿಯ ಗುರಿ ಎರಡು ವಾರಗಳಲ್ಲಿ ಪೂರ್ಣಗೊಳಿಸಬೇಕು. ಈ ವೇಗ ಮಸ್ಕ್ ಅವರ ಕೆಲಸದ ಶೈಲಿಯನ್ನು ತೋರಿಸುತ್ತದೆ, ಇಲ್ಲಿ ಸಮಯ ಮತ್ತು ಪ್ರತಿಭೆ ಮುಖ್ಯ. ಎಲನ್ ಮಸ್ಕ್ ಅವರ ನೇಮಕಾತಿ ಮುಂದಿನ ದಿನಗಳಲ್ಲಿ ಕೇವಲ ಪದವಿ ಸಾಕಾಗುವುದಿಲ್ಲ ಎಂಬುದನ್ನು ತೋರಿಸುತ್ತದೆ. ಈಗ ವಿದ್ಯಾರ್ಥಿಗಳು ಪ್ರಾಯೋಗಿಕ ಜ್ಞಾನ, ಓಪನ್-ಸೋರ್ಸ್ ಕೊಡುಗೆ ಮತ್ತು ತಾಂತ್ರಿಕ ಸೃಜನಶೀಲತೆಗೆ ಗಮನ ಕೊಡಬೇಕು. ಶಿಕ್ಷಣವನ್ನು ಪುಸ್ತಕಗಳಿಗೆ ಸೀಮಿತವಾಗಿಸದೆ ನಿಜವಾದ ಜಗತ್ತಿನ ಸಮಸ್ಯೆಗಳಿಗೆ ಪರಿಹಾರ ಹುಡುಕಬೇಕು.
