Last Updated:
ಬೆಂಗಳೂರು, ಎನ್ಎಸ್ಡಿಸಿ, ಲಿಂಕ್ಡ್ಇನ್ ವರದಿಗಳ ಪ್ರಕಾರ 2025ರ ಭಾರತದಲ್ಲಿ ಪದವಿಗಿಂತ ಕೌಶಲ್ಯ ಮತ್ತು ಸಾಮರ್ಥ್ಯ ಉದ್ಯೋಗಕ್ಕೆ ಮುಖ್ಯವಾಗುತ್ತಿದೆ. ಈ ಕುರಿತು ಕೌಶಲ ಎಷ್ಟು ಮುಖ್ಯವಾಗಿದೆ ಹೇಗೆ ಬಳಸಿಕೊಳ್ಳಬೇಕು ಎನ್ನುವ ಸಂಪುರ್ಣ ವರದಿ ಇಲ್ಲಿದೆ.
ಬೆಂಗಳೂರು: ಈಗಿನ ಯುಥ್ಸ್ ಕಾಲೇಜು (College) ಸೇರಬೇಕೆಂಬ ಒತ್ತಡ ಎಲ್ಲಿಂದಲೂ ಬರುತ್ತಿದೆ. ಮನೆಯೊಳಗೆ, ಶಾಲೆಯಲ್ಲಿ(School), ಸಂಬಂಧಿಕರ ಮಾತುಗಳಲ್ಲಿ ಪದವಿ (Degree) ಇಲ್ಲದ್ರೆ ಭವಿಷ್ಯ ಇಲ್ಲ’ ಅನ್ನೋ ವಾಕ್ಯ ಅವನ ಕಿವಿಯಲ್ಲಿ ನಿರಂತರವಾಗಿ ಮರುಳುತ್ತಿತ್ತು. ಆದರೆ 2025ರ ಭಾರತದಲ್ಲಿ, ಆ ಮಾತು ಮೊದಲಿನಂತೆ ಖಚಿತವಾಗಿರಲಿಲ್ಲ. ಹನ್ನೆರಡನೇ ತರಗತಿಯ ವಿದ್ಯಾರ್ಥಿಯೊಬ್ಬ ಅವನ ಹಿರಿಯ ಅಣ್ಣ ಮೂರು ವರ್ಷಗಳ ಪದವಿ ಪಡೆದು ಇನ್ನೂ ಕೆಲಸ ಹುಡುಕುತ್ತಿದ್ದ ಸಮಯದಲ್ಲಿ, ಆ ಹುಡುಗ ತನ್ನ ಲ್ಯಾಪ್ಟಾಪ್ನಲ್ಲಿ ರಾತ್ರಿ ಹೊತ್ತು ವೆಬ್ಸೈಟ್ಗಳನ್ನು ಡಿಸೈನ್ ಮಾಡುತ್ತಿದ್ದ. ಒಂದು ಆನ್ಲೈನ್ ಬೂಟ್ಕ್ಯಾಂಪ್ ಮೂಲಕ ಕಲಿತ UX ವಿನ್ಯಾಸ ಕೌಶಲ್ಯದಿಂದ ಅವನು ಈಗಾಗಲೇ ಫ್ರೀಲಾನ್ಸ್ (Freelance) ಕೆಲಸ ಪಡೆಯಲು ಆರಂಭಿಸಿದ್ದ. ತಿಂಗಳಿಗೆ ಸ್ವಲ್ಪ ಆದಾಯವೂ ಬರುತ್ತಿತ್ತು. ಇದು ಕಲಿಕೆಯನ್ನು ತಿರಸ್ಕರಿಸಿದ ಕಥೆಯಲ್ಲ. ಇದು ಕಲಿಕೆಯನ್ನು ಬೇರೆ ದಾರಿಯಲ್ಲಿ ಆಯ್ಕೆ ಮಾಡಿಕೊಂಡ ಕಥೆ. ಇಲ್ಲಿ ಪದವಿಗಿಂತ ಕೌಶಲ್ಯ ಎಷ್ಟು ಮುಖ್ಯ ಎನ್ನುವುದನ್ನು ನೋಡೋಣ ಬನ್ನಿ.
ದಶಕಗಳ ಕಾಲ, ಭಾರತದಲ್ಲಿ ವೃತ್ತಿಜೀವನದ ಏಣಿಯ ಮೊದಲ ಮೆಟ್ಟಿಲು ಒಂದೇ ಆಗಿತ್ತು ಅದೇ ಯಾವುದೇ ಪದವಿ ಪಡೆಯುವುದು. ಯಾವ ವಿಷಯ ಎಂಬುದೂ ಮುಖ್ಯವಿರಲಿಲ್ಲ. ಪದವಿ ಇದ್ದರೆ ದಾರಿ ತೆರೆದುಕೊಳ್ಳುತ್ತದೆ ಎಂಬ ನಂಬಿಕೆ ಗಟ್ಟಿಯಾಗಿತ್ತು. ಆದರೆ 2024 ಮತ್ತು 2025ರ ಹೊತ್ತಿಗೆ, ಆ ನಂಬಿಕೆಯಲ್ಲಿ ಬಿರುಕುಗಳು ಕಾಣತೊಡಗಿವೆ.‘ ರಾಷ್ಟ್ರೀಯ ಕೌಶಲ್ಯ ಅಭಿವೃದ್ಧಿ ನಿಗಮ (NSDC), ಲಿಂಕ್ಡ್ಇನ್ ಮತ್ತು ಟೀಮ್ಲೀಸ್ ವರದಿಗಳು ಸೂಚಿಸುವ ವಿಷಯವಳೆಂದರೆ, ಉದ್ಯೋಗದಾತರು ಈಗ ಪ್ರಮಾಣಪತ್ರಕ್ಕಿಂತ ಸಾಮರ್ಥ್ಯವನ್ನು ನೋಡುತ್ತಿದ್ದಾರೆ. ನೀನು ಏನು ಮಾಡಬಲ್ಲೆ? ಅನ್ನೋ ಪ್ರಶ್ನೆ, ನೀನು ಏನು ಓದಿದ್ದೀಯ? ಅನ್ನೋದಕ್ಕಿಂತ ದೊಡ್ಡದಾಗಿದೆ.
ಅಖಿಲ ಭಾರತ ಉನ್ನತ ಶಿಕ್ಷಣ ಸಮೀಕ್ಷೆ (AISHE) ದಾಖಲಾತಿಗಳು ಹೆಚ್ಚಿರುವುದನ್ನು ತೋರಿಸುತ್ತವೆ. ಆದರೆ ಪದವಿ ಪಡೆದವರ ನಿಯೋಜನೆ ಪ್ರಮಾಣ, ವಿಶೇಷವಾಗಿ ಸಾಮಾನ್ಯ ಕಲೆ, ವಿಜ್ಞಾನ ಮತ್ತು ವಾಣಿಜ್ಯ ವಿಭಾಗಗಳಲ್ಲಿ, ಅಷ್ಟೇ ಗಟ್ಟಿಯಾಗಿಲ್ಲ. ನಮಗೆ ಪದವೀಧರರ ಕೊರತೆಯಿಲ್ಲ, ಕೆಲಸಕ್ಕೆ ಸಿದ್ಧ ಕೌಶಲ್ಯಗಳ ಕೊರತೆ ಇದೆ ಎಂದು ಉದ್ಯೋಗದಾತರು ಮತ್ತೊಮ್ಮೆ ಹೇಳುತ್ತಿದ್ದಾರೆ. ಇದಕ್ಕೆ ಮತ್ತೊಂದು ಕಾರಣ ವೇಗ. ತಂತ್ರಜ್ಞಾನ ವಿಶ್ವವಿದ್ಯಾಲಯಗಳ ಪಠ್ಯಕ್ರಮಗಳಿಗಿಂತ ವೇಗವಾಗಿ ಓಡುತ್ತಿದೆ. AI, ಡೇಟಾ, ಕ್ಲೌಡ್, ಸೈಬರ್ ಭದ್ರತೆ, ಡಿಜಿಟಲ್ ಮಾರ್ಕೆಟಿಂಗ್ – ಇವುಗಳಲ್ಲಿ ಕೌಶಲ್ಯಗಳು ಪ್ರತೀ ವರ್ಷ ಬದಲಾಗುತ್ತಿವೆ. ಮೂರು ವರ್ಷಗಳ ಪದವಿಯೊಳಗೆ ಪಠ್ಯವೇ ಹಳೆಯದಾಗುವ ಸಂದರ್ಭವೂ ಇದೆ.
ಕೌಶಲಯುತ ವಿದ್ಯಾರ್ಥಿಗಳಿಗೆ, ಆರು ತಿಂಗಳ ತೀವ್ರ ಕೌಶಲ್ಯ ಕಾರ್ಯಕ್ರಮ, ನೈಜ ಪ್ರಾಜೆಕ್ಟ್ ಕೆಲಸ ಮತ್ತು ಪೋರ್ಟ್ಫೋಲಿಯೊ ಇವು ಹೆಚ್ಚು ನಂಬಿಕೆಗೆ ಪಾತ್ರವಾಗಿವೆ. ಅವರು ಕಾಲೇಜಿಗೆ ಹೋಗುವುದಿಲ್ಲ ಎಂದಲ್ಲ, ಆದರೆ ಕಾಲೇಜು ಇನ್ನು ಮುಂದೆ ಡೀಫಾಲ್ಟ್ ಆಯ್ಕೆಯಲ್ಲ. ಇದಕ್ಕಿಂತಲೂ ಆಶ್ಚರ್ಯದ ಸಂಗತಿ ಎಂದರೆ, ಈ ಬದಲಾವಣೆ ಕಾಲೇಜಿಗಿಂತ ಮುಂಚೆಯೇ ಆರಂಭವಾಗಿದೆ. ಶಾಲಾ ವಿದ್ಯಾರ್ಥಿಗಳೇ ಈಗ ಹಣ ಗಳಿಸುತ್ತಿದ್ದಾರೆ. ಹದಿಹರೆಯದವರು AI ಪರಿಕರಗಳನ್ನು ನಿರ್ಮಿಸುತ್ತಿದ್ದಾರೆ, ವೀಡಿಯೊಗಳನ್ನು ಎಡಿಟ್ ಮಾಡುತ್ತಿದ್ದಾರೆ, ವೆಬ್ಸೈಟ್ಗಳನ್ನು ಮಾಡುತ್ತಿದ್ದಾರೆ, ಡಿಜಿಟಲ್ ಉತ್ಪನ್ನಗಳನ್ನು ಮಾರುತ್ತಿದ್ದಾರೆ. ಅವರು AIಯನ್ನು ಭಯಪಡುವುದಿಲ್ಲ. ಅದನ್ನು ಉಪಯೋಗಿಸುತ್ತಿದ್ದಾರೆ. ಪೋಷಕರಿಗೆ ಇದು ಆತಂಕದ ವಿಷಯವಾಗಬಹುದು.
ಈ ಮೇಲ್ಕಾಣಿಸಿದ ವಿಷಯ ನಿರುದ್ಯೋಗದ ಕಥೆಯಲ್ಲ. ಇದು ಕೆಲಸದ ಸ್ವರೂಪ ಬದಲಾಗುತ್ತಿರುವ ಕಥೆ. ಪದವಿ ಅಂತ್ಯವಲ್ಲ, ಆರಂಭವೂ ಅಲ್ಲ. ಅದು ಈಗ ಒಂದು ಆಯ್ಕೆ ಮಾತ್ರ. ಕೌಶಲ್ಯಕ್ಕೆ ಒತ್ತು ನೀಡುವ ವಿದ್ಯಾರ್ಥಿಗಳು ಇನ್ನೂ ಕಲಿಯುತ್ತಿದ್ದಾರೆ. ಬಹುಶಃ ಕಾಲೇಜಿಗೂ ಹೋಗಬಹುದು. ಆದರೆ ಅವನಿಗೆ ಈಗ ಒಂದು ಸ್ಪಷ್ಟತೆ ಇದೆ. ಬದುಕು ಒಂದೇ ದಾರಿಯಲ್ಲಿ ನಡೆಯುವುದಿಲ್ಲ. 2025ರ ಭಾರತದಲ್ಲಿ, ವೃತ್ತಿಜೀವನದ ಏಣಿ ಹೊಸ ಮೆಟ್ಟಿಲುಗಳನ್ನು ಕಟ್ಟಿಕೊಳ್ಳುತ್ತಿದೆ.
Bangalore [Bangalore],Bangalore,Karnataka
Jan 11, 2026 11:03 AM IST
