ವಿಶ್ವವಿದ್ಯಾಲಯ ಬಿಡುಗಡೆ ಮಾಡಿದ ಅಧಿಕೃತ ಅಂಕಿಅಂಶಗಳ ಪ್ರಕಾರ, 2025ರ ಶರತ್ಕಾಲದಲ್ಲಿ ಹಾರ್ವರ್ಡ್ನಲ್ಲಿ ಒಟ್ಟು 6,749 ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳು ದಾಖಲಾಗಿದ್ದು, ಇದು ಒಟ್ಟು ದಾಖಲಾತಿಯ ಶೇ.28ರಷ್ಟಾಗಿದೆ.
2002ರ ನಂತರ ಇದೇ ಮೊದಲ ಬಾರಿಗೆ ಇಷ್ಟು ಹೆಚ್ಚಿನ ಪಾಲಿನಲ್ಲಿ ವಿದೇಶಿ ವಿದ್ಯಾರ್ಥಿಗಳು ಹಾರ್ವರ್ಡ್ನಲ್ಲಿ ದಾಖಲಾಗಿದ್ದಾರೆ ಎಂದು ಡೇಟಾ ಸ್ಪಷ್ಟಪಡಿಸಿದೆ.
ಆದರೆ ಈ ಏರಿಕೆಯ ನಡುವೆಯೇ ಭಾರತೀಯ ವಿದ್ಯಾರ್ಥಿಗಳ ಸಂಖ್ಯೆಯಲ್ಲಿ ದೊಡ್ಡ ಮಟ್ಟದ ಕುಸಿತ ಕಂಡುಬಂದಿದೆ. ಹಿಂದಿನ ಶೈಕ್ಷಣಿಕ ವರ್ಷದೊಂದಿಗೆ ಹೋಲಿಸಿದರೆ, 2025ರ ಶರತ್ಕಾಲದಲ್ಲಿ ಭಾರತೀಯ ವಿದ್ಯಾರ್ಥಿಗಳ ಸಂಖ್ಯೆ ಶೇ.31ರಷ್ಟು ಇಳಿಕೆಯಾಗಿದೆ.
2024–25 ಶೈಕ್ಷಣಿಕ ವರ್ಷದಲ್ಲಿ ಹಾರ್ವರ್ಡ್ನಲ್ಲಿ ಭಾರತದಿಂದ 788 ವಿದ್ಯಾರ್ಥಿಗಳು ಮತ್ತು ವಿದ್ವಾಂಸರು ಇದ್ದರೆ, 2025ರ ಶರತ್ಕಾಲದಲ್ಲಿ ಈ ಸಂಖ್ಯೆ 545ಕ್ಕೆ ಕುಸಿದಿದೆ. ಇದು ಕಳೆದ ಕೆಲವು ವರ್ಷಗಳಲ್ಲಿನ ಅತಿದೊಡ್ಡ ಇಳಿಕೆ ಎನ್ನಬಹುದು.
ಭಾರತೀಯ ವಿದ್ಯಾರ್ಥಿಗಳ ವಿಭಾಗವಾರು ಅಂಕಿಅಂಶಗಳನ್ನು ಹೀಗಿವೆ ನೋಡಿ.
ಕಾಲೇಜಿನಲ್ಲಿ 31 ಮಂದಿ,
ಕಲಾ ಮತ್ತು ವಿಜ್ಞಾನ ಪದವಿ ಶಾಲೆಯಲ್ಲಿ – 107
ವ್ಯಾಪಾರ ಶಾಲೆಯಲ್ಲಿ – 115
ಡೆಂಟಲ್ ಶಾಲೆಯಲ್ಲಿ – 6
ವಿನ್ಯಾಸ ಶಾಲೆಯಲ್ಲಿ – 41
ಡಿವೈನಿಟಿ ಶಾಲೆಯಲ್ಲಿ – 7
ಗ್ರಾಜುಯೇಟ್ ಸ್ಕೂಲ್ ಆಫ್ ಎಜುಕೇಶನ್ನಲ್ಲಿ – 36
ಕೆನಡಿ ಸ್ಕೂಲ್ ಆಫ್ ಗವರ್ನಮೆಂಟ್ನಲ್ಲಿ – 71
ಕಾನೂನು ಶಾಲೆಯಲ್ಲಿ – 22
ವೈದ್ಯಕೀಯ ಶಾಲೆಯಲ್ಲಿ -17
ಟಿ.ಎಚ್. ಚಾನ್ ಸ್ಕೂಲ್ ಆಫ್ ಪಬ್ಲಿಕ್ ಹೆಲ್ತ್ನಲ್ಲಿ – 25
ಎಕ್ಸ್ಟೆಂಶನ್ ಸ್ಕೂಲ್ನಲ್ಲಿ 67 ಮಂದಿ ದಾಖಲಾಗಿದ್ದಾರೆ.
ಭಾರತೀಯ ಸಂಖ್ಯೆಗಳು ಇಳಿಮುಖವಾಗಿರುವಾಗ, ಚೀನೀ ವಿದ್ಯಾರ್ಥಿಗಳ ದಾಖಲಾತಿಯಲ್ಲಿ ಗಮನಾರ್ಹ ಏರಿಕೆ ಕಂಡುಬಂದಿದೆ. 2025ರ ಶರತ್ಕಾಲದಲ್ಲಿ ಹಾರ್ವರ್ಡ್ ಚೀನಾದಿಂದ 1,452 ವಿದ್ಯಾರ್ಥಿಗಳನ್ನು ದಾಖಲಿಸಿಕೊಂಡಿದ್ದು, ಹಿಂದಿನ ಶೈಕ್ಷಣಿಕ ವರ್ಷದಲ್ಲಿ ಈ ಸಂಖ್ಯೆ 1,203 ಆಗಿತ್ತು. ಅಂದರೆ ಸುಮಾರು 4.5 ಶೇಕಡಾ ಏರಿಕೆಯಾಗಿದೆ.
ಕಾಲೇಜು – 49
ಕಲಾ ಮತ್ತು ವಿಜ್ಞಾನ ಪದವಿ ಶಾಲೆ – 591
ವ್ಯಾಪಾರ ಶಾಲೆ – 47
ಡೆಂಟಲ್ ಶಾಲೆ – 11
ವಿನ್ಯಾಸ ಶಾಲೆ – 218
ಡಿವೈನಿಟಿ ಶಾಲೆ – 10
ಗ್ರಾಜುಯೇಟ್ ಶಿಕ್ಷಣ ಶಾಲೆ – 110
ಕೆನಡಿ ಸರ್ಕಾರಿ ಶಾಲೆ – 70
ಕಾನೂನು ಶಾಲೆ – 32
ವೈದ್ಯಕೀಯ ಶಾಲೆ – 75
ಟಿ.ಎಚ್. ಚಾನ್ ಸಾರ್ವಜನಿಕ ಆರೋಗ್ಯ ಶಾಲೆ – 176
ಎಕ್ಸ್ಟೆಂಶನ್ ಸ್ಕೂಲ್ – 63
ಈ ಮೂಲಕ ಚೀನೀ ವಿದ್ಯಾರ್ಥಿಗಳು ಹಾರ್ವರ್ಡ್ನಲ್ಲೇ ಅತಿದೊಡ್ಡ ಅಂತಾರಾಷ್ಟ್ರೀಯ ವಿದ್ಯಾರ್ಥಿ ಸಮುದಾಯವಾಗಿ ಮುಂದುವರೆದಿದ್ದಾರೆ. ದಕ್ಷಿಣ ಕೊರಿಯಾದ ದಾಖಲಾತಿಯೂ ಶೇ.8.7ರಷ್ಟು ಏರಿಕೆಯಾಗಿದೆ. ಆದರೆ ಭಾರತ, ಯುಕೆ ಮತ್ತು ಕೆನಡಾದ ವಿದ್ಯಾರ್ಥಿಗಳ ಸಂಖ್ಯೆಗಳು ಇಳಿಮುಖವಾಗಿವೆ.
ಈ ಎಲ್ಲ ಬೆಳವಣಿಗೆಗಳ ನಡುವೆ, ಟ್ರಂಪ್ ಆಡಳಿತದ ಉನ್ನತ ಶಿಕ್ಷಣ ನೀತಿಗಳಿಂದ ಹಾರ್ವರ್ಡ್ ವಿಶ್ವವಿದ್ಯಾಲಯ ಭಾರೀ ಒತ್ತಡಕ್ಕೆ ಒಳಗಾಗಿದೆ ಎನ್ನಲಾಗಿದೆ. ಯೆಹೂದ್ಯ ವಿರೋಧಿತ್ವದ ತನಿಖೆಯಿಂದ ಆರಂಭವಾದ ವಿಚಾರಗಳು, ವೈವಿಧ್ಯತೆ ಕಾರ್ಯಕ್ರಮಗಳು, ಪ್ರವೇಶ ನೀತಿ ಮತ್ತು ನೇಮಕಾತಿ ಕುರಿತ ವಿವಾದಗಳಾಗಿ ವಿಸ್ತರಿಸಿವೆ.
ಕಳೆದ ವರ್ಷ ಟ್ರಂಪ್ ಆಡಳಿತವು ಫೆಡರಲ್ ಸಂಶೋಧನಾ ನಿಧಿಯನ್ನು ಸ್ಥಗಿತಗೊಳಿಸಿದ್ದು, ವಿಶ್ವವಿದ್ಯಾಲಯವು ಫೆಡರಲ್ ಬೇಡಿಕೆಗಳನ್ನು ಅನುಸರಿಸಲು ನಿರಾಕರಿಸಿದ ಹಿನ್ನೆಲೆಯಲ್ಲಿ ಹಾರ್ವರ್ಡ್ ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳನ್ನು ದಾಖಲಿಸುವುದನ್ನು ತಡೆಯಲು ಮುಂದಾಗಿತ್ತು.
ಈ ವಿಚಾರದಲ್ಲಿ ಫೆಡರಲ್ ನ್ಯಾಯಾಲಯಗಳು ಹಾರ್ವರ್ಡ್ ಪರವಾಗಿ ತೀರ್ಪು ನೀಡಿದರೂ, ಆಡಳಿತವು ಆ ತೀರ್ಪುಗಳಿಗೆ ಮೇಲ್ಮನವಿ ಸಲ್ಲಿಸಿದೆ. ವೀಸಾ ನಿರ್ಬಂಧಗಳು, ಹಣಕಾಸಿನ ಕಡಿತ ಮತ್ತು ಕಾನೂನು ಹೋರಾಟಗಳು ಹಾರ್ವರ್ಡ್ ಎದುರಿಸುತ್ತಿರುವ ಪ್ರಮುಖ ಸವಾಲುಗಳಾಗಿವೆ.
ಚೀನೀ ವಿದ್ಯಾರ್ಥಿಗಳ ಏರಿಕೆ, ಭಾರತೀಯ ವಿದ್ಯಾರ್ಥಿಗಳ ಕುಸಿತ, ಟ್ರಂಪ್ ಆಡಳಿತದ ಒತ್ತಡ ಮತ್ತು ವಿದೇಶಿ ದಾಖಲಾತಿಯ ಮೇಲೆ ಹೆಚ್ಚುತ್ತಿರುವ ನಿಯಂತ್ರಣ ಈ ಎಲ್ಲವೂ ಅಮೇರಿಕದ ಉನ್ನತ ಶಿಕ್ಷಣ ಕ್ಷೇತ್ರದಲ್ಲಿನ ದೊಡ್ಡ ಬದಲಾವಣೆಗಳನ್ನು ಸೂಚಿಸುತ್ತಿದೆ.
