Last Updated:
ಗ್ರಾಹಕ ಸೇವೆ ಮತ್ತು ಮಾರಾಟ ಕ್ಷೇತ್ರವೂ ದೊಡ್ಡ ಬದಲಾವಣೆಯನ್ನು ಕಾಣುತ್ತಿದೆ. ಬ್ಯಾಂಕ್ ಟೆಲ್ಲರ್ಗಳು ಮತ್ತು ಕ್ಯಾಷಿಯರ್ಗಳ ಸ್ಥಾನವನ್ನು ಡಿಜಿಟಲ್ ಬ್ಯಾಂಕಿಂಗ್ ಮತ್ತು ಸ್ವಯಂ-ಚೆಕ್ಔಟ್ ಯಂತ್ರಗಳು ಪಡೆದುಕೊಳ್ಳುತ್ತಿವೆ. ಟೆಲಿಮಾರ್ಕೆಟಿಂಗ್ ಕ್ಷೇತ್ರದಲ್ಲಿ AI ಧ್ವನಿ ಬಾಟ್ಗಳು ಮಾನವ ಧ್ವನಿಯಂತೆ ಕರೆ ಮಾಡಿ ಸಂಭಾಷಣೆ ನಡೆಸುತ್ತಿವೆ. ಇದರಿಂದ ಆರಂಭಿಕ ಹಂತದ ಉದ್ಯೋಗಿಗಳ ಬೇಡಿಕೆ ಕುಸಿಯುತ್ತಿದೆ. ಈ ನಿಟ್ಟಿನಲ್ಲಿ ಅಂಚಿನಲ್ಲಿರುವ 25 ಉದ್ಯೋಗಗಳು ಯಾವವು ಗೊತ್ತಾ? ಅವುಗಳ ಮಾಹಿತಿ ಇಲ್ಲಿದೆ.
ಕೃತಕ ಬುದ್ಧಿಮತ್ತೆ (Artificial Inteligence) ಇಂದು ಕೇವಲ ತಂತ್ರಜ್ಞಾನ ಪದವಾಗಿಲ್ಲ, ಬದಲಾಗಿ ಅದು ಉದ್ಯೋಗ ಮಾರುಕಟ್ಟೆಯ (Job Market) ದಿಕ್ಕನ್ನು ಬದಲಾಯಿಸುತ್ತಿರುವ ಮಹಾಶಕ್ತಿ. ಕೆಲ ವರ್ಷಗಳ ಹಿಂದೆ ಭವಿಷ್ಯದ ಗ್ಯಾಜೆಟ್ ಎಂದು ಕಾಣುತ್ತಿದ್ದ AI ಈಗ ನೇರವಾಗಿ ನಮ್ಮ ಕೆಲಸದ ಸ್ಥಳಗಳಿಗೆ ಪ್ರವೇಶಿಸಿದೆ. ಅದು ನಮ್ಮ ಸಹಾಯಕ್ಕೆ ಬಂದಿದೆಯೇ ಅಥವಾ ನಮ್ಮ ಸ್ಥಾನವನ್ನು ತೆಗೆದುಕೊಳ್ಳಲು ಬಂದಿದೆಯೇ ಎಂಬ ಪ್ರಶ್ನೆ ಎಲ್ಲೆಡೆ ಕೇಳಿಬರುತ್ತಿದೆ. ಅಲ್ಲದೇ ಈ ಎಐ ನಿಂದ 25 ಉದ್ಯೋಗಗಳು (25 Jobs) ಇಂದು ಅಳುವಿನ ಅಂಚಿನಲ್ಲಿವೆ. ಬನ್ನಿ ಈ ಕುರಿತು ಸಂಪೂರ್ಣವಾಗಿ ತಿಳಿಯೋಣ.
ಮೊದಲಿಗೆ ಕಾರ್ಖಾನೆ ಕಾರ್ಮಿಕರ ಕೆಲಸಗಳೇ ಅಟೋಮೋಷನ್ಗೆ ಒಳಗಾಗಬಹುದು ಎಂದು ಭಾವಿಸಲಾಗಿತ್ತು. ಆದರೆ ಈಗ ಪರಿಸ್ಥಿತಿ ಬದಲಾಗಿದೆ. ವೈಟ್-ಕಾಲರ್ ಉದ್ಯೋಗಗಳಿಗೂ AI ನ ಪ್ರಭಾವ ತಲುಪಿದೆ. ಆಡಳಿತಾತ್ಮಕ ಕೆಲಸಗಳಿಂದ ಹಿಡಿದು ವಿಷಯ ಬರವಣಿಗೆ, ಕಾನೂನು ಸಂಶೋಧನೆ ಮತ್ತು ಡೇಟಾ ವಿಶ್ಲೇಷಣೆವರೆಗೆ ಅನೇಕ ಕ್ಷೇತ್ರಗಳಲ್ಲಿ AI ವೇಗವಾಗಿ ನುಗ್ಗುತ್ತಿದೆ. ಡೇಟಾ ಎಂಟ್ರಿ ಕ್ಲರ್ಕ್ಗಳು, ಟೈಪಿಸ್ಟ್ಗಳು ಮತ್ತು ಸ್ವಾಗತಕಾರರಂತಹ ಉದ್ಯೋಗಗಳು ಈಗ ಅತ್ಯಂತ ಅಪಾಯದಲ್ಲಿವೆ. ಇಮೇಲ್ ನಿರ್ವಹಣೆ, ವೇಳಾಪಟ್ಟಿ ರೂಪಿಸುವುದು ಮತ್ತು ಹಣಕಾಸು ಲೆಕ್ಕಾಚಾರಗಳಂತಹ ಕಾರ್ಯಗಳನ್ನು AI ಸಾಧನಗಳು ವೇಗವಾಗಿ ಮತ್ತು ಕಡಿಮೆ ದೋಷಗಳೊಂದಿಗೆ ನಿರ್ವಹಿಸುತ್ತಿವೆ. ವೇತನದಾರರ ಲೆಕ್ಕಾಚಾರದಿಂದ ಹಿಡಿದು ಬುಕ್ಕೀಪಿಂಗ್ವರೆಗೆ ಅನೇಕ ಕೆಲಸಗಳು ಈಗ ಸ್ವಯಂಚಾಲಿತ ವ್ಯವಸ್ಥೆಗಳ ಕೈಗೆ ಸಿಕ್ಕಿವೆ.
ಗ್ರಾಹಕ ಸೇವೆ ಮತ್ತು ಮಾರಾಟ ಕ್ಷೇತ್ರವೂ ದೊಡ್ಡ ಬದಲಾವಣೆಯನ್ನು ಕಾಣುತ್ತಿದೆ. ಬ್ಯಾಂಕ್ ಟೆಲ್ಲರ್ಗಳು ಮತ್ತು ಕ್ಯಾಷಿಯರ್ಗಳ ಸ್ಥಾನವನ್ನು ಡಿಜಿಟಲ್ ಬ್ಯಾಂಕಿಂಗ್ ಮತ್ತು ಸ್ವಯಂ-ಚೆಕ್ಔಟ್ ಯಂತ್ರಗಳು ಪಡೆದುಕೊಳ್ಳುತ್ತಿವೆ. ಟೆಲಿಮಾರ್ಕೆಟಿಂಗ್ ಕ್ಷೇತ್ರದಲ್ಲಿ AI ಧ್ವನಿ ಬಾಟ್ಗಳು ಮಾನವ ಧ್ವನಿಯಂತೆ ಕರೆ ಮಾಡಿ ಸಂಭಾಷಣೆ ನಡೆಸುತ್ತಿವೆ. ಇದರಿಂದ ಆರಂಭಿಕ ಹಂತದ ಉದ್ಯೋಗಿಗಳ ಬೇಡಿಕೆ ಕುಸಿಯುತ್ತಿದೆ.
ಮಾಧ್ಯಮ ಮತ್ತು ಬರವಣಿಗೆ ಕ್ಷೇತ್ರದಲ್ಲಿಯೂ AI ಪ್ರಭಾವ ಸ್ಪಷ್ಟವಾಗಿದೆ. ವ್ಯಾಕರಣ ತಿದ್ದುಪಡಿ ಸಾಧನಗಳು, ಸ್ವಯಂ ಅನುವಾದ ವ್ಯವಸ್ಥೆಗಳು ಮತ್ತು ಲೇಖನ ರಚನೆ ಮಾಡುವ ಚಾಟ್ಬಾಟ್ಗಳು ಮೂಲ ವಿಷಯ ಬರವಣಿಗೆಯನ್ನು ಸುಲಭಗೊಳಿಸಿವೆ. ಕಿರಿಯ ಕಾನೂನು ಸಂಶೋಧಕರು ಮತ್ತು ಪ್ಯಾರಾಲೀಗಲ್ಗಳ ಕೆಲಸಗಳನ್ನು ಕೂಡ AI ವೇಗವಾಗಿ ನಿರ್ವಹಿಸುತ್ತಿದೆ. ಕೆಲವೇ ಕ್ಷಣಗಳಲ್ಲಿ ಸಾವಿರಾರು ದಾಖಲೆಗಳನ್ನು ಪರಿಶೀಲಿಸುವ ಸಾಮರ್ಥ್ಯ AI ಗೆ ಇದೆ. ತಾಂತ್ರಿಕ ಮತ್ತು ಸೃಜನಶೀಲ ಕ್ಷೇತ್ರಗಳೂ ಇದರಿಂದ ಮುಕ್ತವಾಗಿಲ್ಲ. ಸಾಫ್ಟ್ವೇರ್ ಪರೀಕ್ಷೆ ಈಗ automation ಮೂಲಕ ನಡೆಯುತ್ತಿದೆ. ಮೂಲ ಮಟ್ಟದ ಗ್ರಾಫಿಕ್ ವಿನ್ಯಾಸ ಕಾರ್ಯಗಳಿಗೆ AI ಇಮೇಜ್ ಜನರೇಟರ್ಗಳು ಸವಾಲು ಎಸೆದಿವೆ. ಡೇಟಾ ವಿಶ್ಲೇಷಣೆಯ ಆರಂಭಿಕ ಹಂತದಲ್ಲಿ ಮಾನವೀಯ ಪರಿಶ್ರಮದ ಅಗತ್ಯ ಕಡಿಮೆಯಾಗುತ್ತಿದೆ.
ಲಾಜಿಸ್ಟಿಕ್ಸ್ ಮತ್ತು ಉತ್ಪಾದನೆ ಕ್ಷೇತ್ರದಲ್ಲಿ ರೋಬೋಟಿಕ್ ಅಟೋಮೇಷನ್ ವೇಗವಾಗಿ ವಿಸ್ತರಿಸುತ್ತಿದೆ. ಗೋದಾಮುಗಳಲ್ಲಿ AI ಸ್ಟಾಕ್ ನಿರ್ವಹಿಸುತ್ತಿದೆ. ಮಾರ್ಗ ಆಪ್ಟಿಮೈಸೇಶನ್ ಮತ್ತು ವಿಮಾ ಕ್ಲೈಮ್ ಪ್ರೊಸೆಸಿಂಗ್ ಕೂಡ ಈಗ ಅಲ್ಗಾರಿದಮ್ಗಳ ಮೂಲಕ ನಡೆಯುತ್ತಿದೆ. ಆದರೆ ಇದು ಸಂಪೂರ್ಣವಾಗಿ ನಕಾರಾತ್ಮಕ ಚಿತ್ರವಲ್ಲ. ತಜ್ಞರ ಅಭಿಪ್ರಾಯದಲ್ಲಿ, AI ಯನ್ನು ಶತ್ರುವಾಗಿ ನೋಡದೇ ಸಹೋದ್ಯೋಗಿಯಾಗಿ ಸ್ವೀಕರಿಸುವವರು ಮುಂದಿನ ದಿನಗಳಲ್ಲಿ ಯಶಸ್ವಿಯಾಗುತ್ತಾರೆ. “AI-ಸ್ಥಳೀಯ”ರಾಗುವುದು ಈಗ ಆಯ್ಕೆ ಅಲ್ಲ, ಅವಶ್ಯಕತೆ.
ಮೃದು ಕೌಶಲ್ಯಗಳು, ವಿಮರ್ಶಾತ್ಮಕ ಚಿಂತನೆ, ಸೃಜನಶೀಲತೆ ಮತ್ತು ಭಾವನಾತ್ಮಕ ಬುದ್ಧಿವಂತಿಕೆ ಇವುಗಳಲ್ಲಿ ಮಾನವನಿಗೆ ಇನ್ನೂ ಮೇಲುಗೈ ಇದೆ. AI ಉದ್ಯೋಗಗಳನ್ನು ಸಂಪೂರ್ಣವಾಗಿ ಕಸಿದುಕೊಳ್ಳುತ್ತದೆಯೇ? ಬಹುಶಃ ಇಲ್ಲ. ಆದರೆ ಅದು ಉದ್ಯೋಗಗಳ ಸ್ವರೂಪವನ್ನು ಖಂಡಿತವಾಗಿ ಬದಲಾಯಿಸುತ್ತದೆ. ಹೊಸ ಕೌಶಲ್ಯಗಳನ್ನು ಕಲಿಯಲು ಸಿದ್ಧರಾದವರು ಈ ಡಿಜಿಟಲ್ ಸುನಾಮಿಯನ್ನು ಅವಕಾಶವನ್ನಾಗಿ ಪರಿವರ್ತಿಸಬಹುದು.
