ಹೊಸ ತರಗತಿ, ಹೊಸ ಶಿಕ್ಷಕರು, ಹೊಸ ಹೊಸ ಸ್ನೇಹಿತರು, ಓದಿನಲ್ಲಿ ಪೋಷಕರಿಂದ ಹೆಚ್ಚುತ್ತಿರುವ ನಿರೀಕ್ಷೆಗಳು ಹೀಗೆ ಅನೇಕ ರೀತಿಯ ವಿಷಯಗಳು ಮನಸ್ಸಿನಲ್ಲಿ ಮಕ್ಕಳಿಗೆ ಕಾಡಲು ಶುರುವಾಗುತ್ತವೆ.
ಹೊಸ ತರಗತಿಗಳಿಗೆ ಕಾಲಿಡುತ್ತಿರುವ ವಿದ್ಯಾರ್ಥಿಗಳಿಗೆ, ಹೊಸ ಶೈಕ್ಷಣಿಕ ವರ್ಷದ ಆರಂಭವು ಕೇವಲ ಒಂದು ಹೊಸ ಆರಂಭವಷ್ಟೇ ಆಗಿರುವುದಿಲ್ಲ, ಬದಲಾಗಿ ಅದೊಂದು ಭಾವನಾತ್ಮಕ ಮರು ಹೊಂದಿಕೆಯೂ ಸಹ ಆಗಿರುತ್ತದೆ ಮತ್ತು ಅದು ಅಗಾಧವಾಗಿ ಅವರ ಮೇಲೆ ಪ್ರಭಾವ ಬೀರುವಂತದ್ದು ಸಹ ಆಗಿರುತ್ತದೆ. ಗುರುಗ್ರಾಮ್ನ ಹದಿನಾಲ್ಕು ವರ್ಷದ ಆಲಯಾ ಭಾಟಿಯಾ ಇದನ್ನು ಸರಳವಾಗಿ ವಿವರಿಸುತ್ತಾರೆ ನೋಡಿ. ‘ಶಾಲೆಗೆ ಹೋಗುವ ಹಿಂದಿನ ರಾತ್ರಿ ಯಾವಾಗಲೂ ನಾನು ನನ್ನ ಎಲ್ಲಾ ಹೋಂವರ್ಕ್ ಪೂರ್ಣಗೊಳಿಸಿದ್ದೇನೆಯೇ ಅಂತ ಚೆಕ್ ಮಾಡಿಕೊಳ್ಳುತ್ತಿದ್ದೆ, ಪೂರ್ತಿಯಾಗಿ ಮಾಡದೇ ಇದ್ದರೆ, ಅದನ್ನು ಒಂದು ದಿನ ರಜೆ ತೆಗೆದುಕೊಂಡು ಮಾಡಿ ಮುಗಿಸುತ್ತಿದ್ದೆ,’ ಅಂತ ಅವರು ಹೇಳಿದರು.
ಏಪ್ರಿಲ್ ತಿಂಗಳ ಆತಂಕ ಎಂಬುದು ಯಾವುದೇ ರೀತಿಯ ವೈದ್ಯಕೀಯ ಪದವಲ್ಲ, ಆದರೆ ಇದು ನಿಜವಾದ ಅನುಭವವನ್ನು ಸೆರೆ ಹಿಡಿಯುತ್ತದೆ. ಇದು ಹೊಸ ಶಾಲಾ ವರ್ಷದ ಆರಂಭದೊಂದಿಗೆ ಬರುವ ಅನಿಶ್ಚಿತತೆ, ಒತ್ತಡ ಮತ್ತು ಸಾಮಾಜಿಕ ಬದಲಾವಣೆಗಳ ಮಿಶ್ರಣವಾಗಿದೆ.
ಕೆಲವರಿಗೆ, ಇದು ಖುಷಿ ನೀಡುವ ವಿಚಾರವಾಗಿ ಪರಿಣಮಿಸಿದರೆ, ಇನ್ನೂ ಕೆಲವರಿಗೆ ಇದು ಅತಿಯಾಗಿ ಯೋಚಿಸುವಂತೆ ಮಾಡುತ್ತದೆ. ನೋಯ್ಡಾದ ಹದಿನಾರು ವರ್ಷದ ಆರ್ಯನ್ ತುಲಿ, ತನ್ನ ಬೋರ್ಡ್ ಪರೀಕ್ಷೆಗಳನ್ನು ಮುಗಿಸಿ 11ನೇ ತರಗತಿಗೆ ಕಾಲಿಡುತ್ತಿದ್ದಾನೆ, ಆದರೆ ಅವನು ಇದನ್ನು ವಿಭಿನ್ನವಾಗಿ ನೋಡುತ್ತಾನೆ.
‘ನಾನು ಅದನ್ನು ಭಾನುವಾರ ರಾತ್ರಿಯ ಅನುಭವ ಎಂದು ಕರೆಯುವುದಿಲ್ಲ, ನಾನು ಎದುರಿಸಲಿರುವ ಹೊಸ ಅನುಭವ ಅಂತ ಅಂದುಕೊಳ್ಳುತ್ತೇನೆ. ಖಂಡಿತ, ನನ್ನ ಹೊಟ್ಟೆಯಲ್ಲಿ ಕೆಲವು ಚಿಟ್ಟೆಗಳಿರುವಂತೆ ಭಾಸವಾಗುತ್ತಿದೆ. ಆದರೆ ನಾನು ನಿಜವಾಗಿಯೂ ಹೊಸ ತರಗತಿ ಶುರು ಮಾಡುವುದರ ಬಗ್ಗೆ ಉತ್ಸುಕನಾಗಿದ್ದೇನೆ,’ ಅಂತ ಅವರು ಹೇಳಿಕೊಂಡರು. ಆ ವ್ಯತಿರಿಕ್ತತೆಯು ತುಂಬಾನೇ ಮುಖ್ಯವಾಗುತ್ತದೆ, ಏಪ್ರಿಲ್ ತಿಂಗಳ ಆತಂಕ ಎಲ್ಲರಿಗೂ ಒಂದೇ ರೀತಿಯಾಗಿ ಕಾಣಿಸುವುದಿಲ್ಲ ಮತ್ತು ಅದು ಸರಿ ಕೂಡ ಆಗಿರುತ್ತದೆ.
ಈಗ 8ನೇ ತರಗತಿಗೆ ಕಾಲಿಡುತ್ತಿರುವ ಆಲಯಾ ಅವರಿಗೆ, ಆತಂಕವು ಹೆಚ್ಚಾಗಿ ಅನಿರೀಕ್ಷಿತತೆಯಿಂದ ಬರುತ್ತದೆ – ವಿಶೇಷವಾಗಿ ಹೊಸ ತರಗತಿಯಲ್ಲಿ ಅಂತ ಹೇಳುತ್ತಾರೆ.
‘ಹಿಂದಿ ಮತ್ತು ವಿಜ್ಞಾನದಲ್ಲಿ, ಮೇಡಂ ಓದಲು ಅಥವಾ ಅನಿರೀಕ್ಷಿತ ಪರೀಕ್ಷೆಗಳನ್ನು ತೆಗೆದುಕೊಳ್ಳಬಹುದು ಮತ್ತು ಅದು ನನ್ನನ್ನು ತುಂಬಾನೆ ನರಳುವಂತೆ ಮಾಡುತ್ತದೆ,’ ಅಂತ ಅವರು ಹೇಳುತ್ತಾರೆ.
ಈ ಭಯವು ಯಾವಾಗಲೂ ಹೊಸ ತರಗತಿಗೆ ಕಾಲಿಡುತ್ತಿರುವುದರ ಬಗ್ಗೆ ಆಗಿರುವುದಿಲ್ಲ, ಬದಲಾಗಿ ಆ ಕ್ಷಣದಲ್ಲಿ ಸಿದ್ಧವಿಲ್ಲದಿರುವುದರ ಬಗ್ಗೆ ಸಹ ಆಗಿರುತ್ತದೆ. ಹೊಸ ಶಿಕ್ಷಕರು ಅನಿಶ್ಚಿತತೆಯ ಮತ್ತೊಂದು ಪದರವನ್ನು ತರುತ್ತಾರೆ. ತರಗತಿಗಳು ಮತ್ತು ಬದಲಾಗುತ್ತಿರುವ ಶಿಕ್ಷಕರ ನಡುವಿನ ಪರಿವರ್ತನೆಯು ಅಶಾಂತಿಯನ್ನುಂಟು ಮಾಡುತ್ತದೆ ಎಂದು ಆಲಯಾ ಒಪ್ಪಿಕೊಳ್ಳುತ್ತಾರೆ.
ವಿದ್ಯಾರ್ಥಿಗಳು ಸಾಮಾನ್ಯವಾಗಿ ಅತಿಯಾಗಿ ಯೋಚಿಸುವುದು ಸಾಮಾನ್ಯ – ಹೊರಗಿನಿಂದ ಚಿಕ್ಕದಾಗಿ ಕಾಣುವ ಆದರೆ ಆ ಕ್ಷಣದಲ್ಲಿ ಮಹತ್ವದ್ದಾಗಿ ಕಾಣುವ ವಿಷಯಗಳ ಬಗ್ಗೆ. ಫಲಿತಾಂಶಗಳು, ಹೊಸ ಆರಂಭಗಳು ಮತ್ತು ಹೊಂದಿಕೊಳ್ಳುವಿಕೆಯ ಬಗ್ಗೆ ಆಲೋಚನೆಗಳು ಬೇಗನೆ ಹೆಚ್ಚಾಗಬಹುದು. ‘ನಾನು ಅತಿಯಾಗಿ ಯೋಚಿಸುತ್ತೇನೆ, ಇತರರು ನನ್ನ ಅಂಕಗಳು ಮತ್ತು ಇನ್ನೂ ಹೆಚ್ಚಿನವುಗಳ ಬಗ್ಗೆ ನನ್ನನ್ನು ನಿರ್ಣಯಿಸಿದರೆ ಏನು?,’ ಅಂತ ಆಲಯಾ ಅವರು ಹೇಳುತ್ತಾರೆ.
