ಅಲ್ಲದೆ ಇವುಗಳನ್ನು ಬಳಸಿಕೊಂಡು ಕಡಿಮೆ ಸಮಯದಲ್ಲಿ ಹೆಚ್ಚು ಹಣವನ್ನು ಗಳಿಸುತ್ತಿದ್ದಾರೆ ಅಂತ ಹೇಳಬಹುದು. ಆದರೆ ಈ ಬದಲಾವಣೆಯನ್ನು ಕುಟುಂಬಗಳಲ್ಲಿರುವ ಹಿರಿಯರು ಅರ್ಥ ಮಾಡಿಕೊಳ್ಳುವಲ್ಲಿ ಸ್ವಲ್ಪ ಕಷ್ಟ ಪಡುತ್ತಿದ್ದಾರೆ ಅಂತ ಹೇಳಬಹುದು. ಇದಕ್ಕೆ ಉದಾಹರಣೆ ಎಂಬಂತೆ ಒಂದು ಘಟನೆ ದೂರದ ದೆಹಲಿಯಲ್ಲಿ ನಡೆದಿದೆ ನೋಡಿ. ದೆಹಲಿ ಮೂಲದ ಉದ್ಯಮಿ ರೋಹನ್ ಧವನ್ ಅವರ ಇತ್ತೀಚಿನ ಪೋಸ್ಟ್ ಈ ಅಂತರವನ್ನು ಗಮನಕ್ಕೆ ತಂದಿದೆ. ಅವರು ವಾರ್ಷಿಕವಾಗಿ 40 ಲಕ್ಷ ರೂಪಾಯಿ ಹಣವನ್ನು ಸಂಪಾದಿಸುತ್ತಿದ್ದಾರೆ, ಆದರೆ ಇವರು ದಿನಕ್ಕೆ ಕೆಲವೇ ಕೆಲವು ಗಂಟೆಗಳು ಮಾತ್ರವೇ ಕೆಲಸ ಮಾಡುತ್ತಿದ್ದಾರಂತೆ.
ಲಿಂಕ್ಡ್ಇನ್ ನಲ್ಲಿ ತಮ್ಮ ಪೋಸ್ಟ್ನಲ್ಲಿ, ರೋಹನ್ ಧವನ್ ತಮ್ಮ ಸೋದರಳಿಯನನ್ನು ಭೇಟಿಯಾದ ಬಗ್ಗೆ ವಿವರಿಸಿದ್ದಾರೆ, ಅವರು ವೈಸಿ ಬೆಂಬಲಿತ ಎಐ ಸ್ಟಾರ್ಟ್ಅಪ್ನಲ್ಲಿ ಡೆವಲಪರ್ ಆಗಿ ರಿಮೋಟ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಯುವ ವೃತ್ತಿಪರರು ಆರ್ಥಿಕವಾಗಿ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದ್ದರೂ, ಅವರ ಪೋಷಕರು ನಿರಾಳರಾಗುವ ಬದಲು ಮತ್ತಷ್ಟು ಚಿಂತಿತರಾಗಿದ್ದರು.
ಆಗ ಧವನ್ ‘ಸೀಮಿತ ಕೆಲಸದ ಸಮಯವು ಆದಾಯದ ಮಟ್ಟಕ್ಕೆ ಹೊಂದಿಕೆಯಾಗುವುದಿಲ್ಲ ಎಂಬ ಗ್ರಹಿಕೆಯಿಂದ ಈ ಕಳವಳ ಬಂದಿದೆ. ಅದೇ ವ್ಯಕ್ತಿ ಕಡಿಮೆ ಸಂಬಳಕ್ಕಾಗಿ ಐಟಿ ಉದ್ಯೋಗದಲ್ಲಿ ದೀರ್ಘಕಾಲದವರೆಗೆ ಕೆಲಸ ಮಾಡುತ್ತಿದ್ದರೆ, ಅದು ಕುಟುಂಬಕ್ಕೆ ಧೈರ್ಯ ತುಂಬುತ್ತಿತ್ತು,’ ಅಂತ ಅವರು ಹೇಳಿದರು.
ಕೆಲಸ ಹೇಗೆ ನಡೆಯುತ್ತಿದೆ ಎಂಬುದರಲ್ಲಿ ವ್ಯಾಪಕ ಬದಲಾವಣೆಯನ್ನು ಧವನ್ ಅವರ ಪೋಸ್ಟ್ ತೋರಿಸಿದೆ. ಕೃತಕ ಬುದ್ಧಿಮತ್ತೆಯಿಂದ ನಡೆಸಲ್ಪಡುವ ಉಪಕರಣಗಳು ವೃತ್ತಿಪರರಿಗೆ ಮೊದಲಿಗಿಂತ ಹೆಚ್ಚು ವೇಗವಾಗಿ ಕೆಲಸಗಳನ್ನು ಮಾಡಿ ಮುಗಿಸಲು ಅನುವು ಮಾಡಿಕೊಡುತ್ತಿವೆ ಎಂದು ಅವರು ಗಮನಿಸಿದರು.
ಅವರ ಪ್ರಕಾರ, ಕೆಲವು ಗಂಟೆಗಳ ಕಾಲ ಕೇಂದ್ರೀಕರಿಸಿದ ಕೆಲಸವು ಈಗ ಹಳೆಯ ಸೆಟಪ್ಗಳಲ್ಲಿ ದೀರ್ಘ ಕೆಲಸದ ದಿನಗಳ ಔಟ್ಪುಟ್ಗೆ ಹೊಂದಿಕೆಯಾಗಬಹುದು ಅಥವಾ ಮೀರಬಹುದು.
ದೀರ್ಘಾವಧಿಯ ಸಮಯವನ್ನು ಇನ್ನೂ ಪ್ರಯತ್ನದ ಸಂಕೇತವೆಂದು ನೋಡಲಾಗುತ್ತಿರುವುದರಿಂದ, ಇಂದಿನ ಅನೇಕ ಯುವ ವೃತ್ತಿಪರರು ತಮ್ಮ ಕೆಲಸ ಪೂರ್ಣಗೊಂಡಾಗಲೂ ಕಾರ್ಯನಿರತರಾಗಿ ಕಾಣಿಸಿಕೊಳ್ಳುವ ಅಗತ್ಯವನ್ನು ಅನುಭವಿಸುತ್ತಾರೆ ಎಂದು ಅವರು ಬರೆದಿದ್ದಾರೆ.
ಈ ಪೋಸ್ಟ್ಗೆ ಸಾಮಾಜಿಕ ಮಾಧ್ಯಮ ಬಳಕೆದಾರರು ಸಮ್ಮತಿ ಮತ್ತು ಸಂದೇಹ ಎರಡನ್ನೂ ಪ್ರತಿಬಿಂಬಿಸುವ ಹಲವಾರು ಪ್ರತಿಕ್ರಿಯೆಗಳನ್ನು ನೀಡಿದ್ದಾರೆ. ಒಬ್ಬ ವ್ಯಕ್ತಿ ‘ನೀವು ಎಂಟು ಗಂಟೆಗಳ ಕಾಲ ಕುಳಿತು ಮಾಡುವ ಕೆಲಸವನ್ನು ಇದೀಗ ಎಐ ಕಡಿಮೆ ಸಮಯಕ್ಕೆ ಕುಗ್ಗಿಸಿದೆ,’ ಅಂತ ಹೇಳಿದರು.
ಮತ್ತೊಬ್ಬರು ‘24ನೇ ವರ್ಷ ವಯಸ್ಸಿನ ವ್ಯಕ್ತಿಯು ಕೇವಲ 3-4 ಗಂಟೆಗಳ ಕಾಲ ಕೆಲಸ ಮಾಡುವುದು ಸೋಮಾರಿತನ ಅಂತ ಸಹ ಕೆಲವರು ನೋಡಬಹುದು, ಆದರೆ ಇದು ಎಐನ ಯಶಸ್ಸು ಅಂತ ಸಹ ನೋಡಬಹುದು,’ ಅಂತ ಕಾಮೆಂಟ್ ಮಾಡಿದ್ದಾರೆ.
