ಇಂದಿನ ಮಾರುಕಟ್ಟೆಯಲ್ಲಿ ಯಾವುದೇ ವಸ್ತುವನ್ನು ಮಾರಾಟ ಮಾಡಬೇಕಾದರೆ ಅದರ ಪ್ಯಾಕಿಂಗ್ ಬಹಳ ಮುಖ್ಯ. ‘ಆಳು ನೋಡಿ ಮಣೆ ಹಾಕು, ವಸ್ತು ನೋಡಿ ಪ್ಯಾಕ್ ಮಾಡು’ ಎಂಬಂತಾಗಿದೆ ಕಾಲ. ಪ್ಯಾಕೇಜಿಂಗ್ ಎಷ್ಟು ಆಕರ್ಷಕವಾಗಿರುತ್ತದೆಯೋ, ಗ್ರಾಹಕರು ಅಷ್ಟು ಬೇಗ ಉತ್ಪನ್ನದತ್ತ ಸೆಳೆಯಲ್ಪಡುತ್ತಾರೆ. ಇದೇ ಕಾರಣಕ್ಕೆ ದೊಡ್ಡ ದೊಡ್ಡ ಕಂಪನಿಗಳು ಪ್ಯಾಕೇಜಿಂಗ್‌ಗೆ ಹೆಚ್ಚು ಪ್ರಾಮುಖ್ಯತೆ ನೀಡುತ್ತವೆ.
ಅನೇಕ ಕಂಪನಿಗಳು ತಮ್ಮ ಉತ್ಪನ್ನಗಳನ್ನು ತಯಾರಿಸಿದ ನಂತರ, ಅವುಗಳನ್ನು ಪ್ಯಾಕ್ ಮಾಡಲು ಹೊರಗುತ್ತಿಗೆ ನೀಡುತ್ತವೆ. ಇಲ್ಲಿಯೇ ನಿಮಗೊಂದು ಸುವರ್ಣಾವಕಾಶವಿದೆ. ನೀವು ಕಂಪನಿಯಿಂದ ಉತ್ಪನ್ನಗಳನ್ನು ಪಡೆದು, ಅಚ್ಚುಕಟ್ಟಾಗಿ ಪ್ಯಾಕ್ ಮಾಡಿ ಹಿಂದಿರುಗಿಸುವ ಕೆಲಸವಿದು. ಈ ಸರಳ ಕೆಲಸವನ್ನು ಮನೆಯ ಮಹಿಳೆಯರು, ಪುರುಷರು, ಯಾರು ಬೇಕಾದರೂ ಬಿಡುವಿನ ವೇಳೆಯಲ್ಲಿ ಮಾಡಬಹುದು.
ಈ ಕೆಲಸವನ್ನು ಎರಡು ಮುಖ್ಯ ವಿಧಾನಗಳಲ್ಲಿ ಆರಂಭಿಸಬಹುದು.
ನಿಮ್ಮ ಸುತ್ತಮುತ್ತ ಇರುವ ಸಣ್ಣ ಅಥವಾ ದೊಡ್ಡ ಫ್ಯಾಕ್ಟರಿಗಳು ಮತ್ತು ಕಂಪನಿಗಳನ್ನು ನೇರವಾಗಿ ಸಂಪರ್ಕಿಸಬಹುದು. ಅಲ್ಲಿನ ಮ್ಯಾನೇಜರ್ ಅಥವಾ ಮಾಲೀಕರ ಬಳಿ ಮಾತನಾಡಿ, ಅವರ ಉತ್ಪನ್ನಗಳನ್ನು ಪ್ಯಾಕ್ ಮಾಡುವ ಗುತ್ತಿಗೆಯನ್ನು ನೀವು ಪಡೆಯಬಹುದು. ಒಂದು ವೇಳೆ ನಿಮ್ಮ ಸಮೀಪದಲ್ಲಿ ಯಾವುದೇ ಕಂಪನಿ ಇಲ್ಲದಿದ್ದರೆ ಚಿಂತಿಸಬೇಕಿಲ್ಲ. ಇಂಟರ್ನೆಟ್‌ನಲ್ಲೇ ನಿಮಗೆ ಆನ್‌ಲೈನ್ ಪ್ಯಾಕಿಂಗ್ ಕೆಲಸ ನೀಡುವ ಅನೇಕ ಅವಕಾಶಗಳಿವೆ. IndiaMart, CareerJet, Naukri.com, Indeed ನಂತಹ ವೆಬ್‌ಸೈಟ್‌ಗಳಲ್ಲಿ ನೀವು ಇಂತಹ ಕೆಲಸಗಳನ್ನು ಹುಡುಕಬಹುದು.
ಇದು ಮತ್ತೊಂದು ಸುಲಭ ವಿಧಾನ. ನಿಮ್ಮೂರಿನ ಸಗಟು (wholesale) ಅಥವಾ ಚಿಲ್ಲರೆ ವ್ಯಾಪಾರಿಗಳು ದೊಡ್ಡ ಕಂಪನಿಗಳಿಂದ ಕಚ್ಚಾ ವಸ್ತುಗಳನ್ನು ಕಡಿಮೆ ಬೆಲೆಗೆ ಖರೀದಿಸಿ, ತಮ್ಮದೇ ಬ್ರ್ಯಾಂಡ್‌ನಲ್ಲಿ ಪ್ಯಾಕ್ ಮಾಡಿ ಮಾರಾಟ ಮಾಡುತ್ತಾರೆ. ಉದಾಹರಣೆಗೆ, ಮಸಾಲೆ ಪದಾರ್ಥಗಳು, ಡ್ರೈ ಫ್ರೂಟ್ಸ್, ಹಪ್ಪಳ, ಸಂಡಿಗೆ, ಹಿಟ್ಟು, ಕಾಳುಗಳು, ಮಕ್ಕಳ ಆಟಿಕೆಗಳು ಇತ್ಯಾದಿ. ನೀವು ಇಂತಹ ವ್ಯಾಪಾರಿಗಳನ್ನು ಸಂಪರ್ಕಿಸಿ ಅವರಿಂದ ಪ್ಯಾಕಿಂಗ್ ಕೆಲಸವನ್ನು ಪಡೆಯಬಹುದು.
ಇನ್ನೊಂದು ಹೆಜ್ಜೆ ಮುಂದೆ ಹೋಗಿ, ನೀವೇ ನಿಮ್ಮ ಸ್ವಂತ ಪ್ಯಾಕಿಂಗ್ ಉದ್ಯಮವನ್ನು ಆರಂಭಿಸಬಹುದು. ಮಾರುಕಟ್ಟೆಯಿಂದ ಸಗಟು ದರದಲ್ಲಿ ಕಚ್ಚಾ ವಸ್ತುಗಳನ್ನು (ಉದಾ: ಉತ್ತಮ ಗುಣಮಟ್ಟದ ಅರಿಶಿಣ, ಮೆಣಸಿನ ಪುಡಿ) ಖರೀದಿಸಿ, ಅವುಗಳನ್ನು ಆಕರ್ಷಕವಾಗಿ ಪ್ಯಾಕ್ ಮಾಡಿ ನಿಮ್ಮದೇ ಬ್ರ್ಯಾಂಡ್ ಹೆಸರಿನಲ್ಲಿ ಸ್ಥಳೀಯ ಅಂಗಡಿಗಳಿಗೆ ಮಾರಾಟ ಮಾಡಬಹುದು. ಆರಂಭದಲ್ಲಿ ಕೈಯಿಂದಲೇ ಪ್ಯಾಕ್ ಮಾಡಿ, ವ್ಯಾಪಾರ ವೃದ್ಧಿಯಾದಂತೆ ಸಣ್ಣ ಪ್ಯಾಕಿಂಗ್ ಯಂತ್ರವನ್ನು ಖರೀದಿಸಬಹುದು.
ಈ ಉದ್ಯಮದ ಮುಖ್ಯ ಪ್ರೀತಿ ಕಡಿಮೆ ಹೂಡಿಕೆಯಾಗಿದೆ. ಕೇವಲ ₹5,000-₹6,000 ರೂಪಾಯಿಗಳ ಆರಂಭಿಕ ಹೂಡಿಕೆಯಲ್ಲಿ ಈ ಕೆಲಸವನ್ನು ಶುರು ಮಾಡಬಹುದು. ನಿಮ್ಮ ಶ್ರಮ ಮತ್ತು ಸಮಯವನ್ನು ಸರಿಯಾಗಿ ಬಳಸಿದರೆ, ಮನೆಯಲ್ಲಿಯೇ ಕುಳಿತು ತಿಂಗಳಿಗೆ ₹20,000-₹25,000 ರೂಪಾಯಿವರೆಗೆ ಸಂಪಾದಿಸಬಹುದು.
September 10, 2025 9:51 AM IST
