ರೈಲ್ವೆ ಇಲಾಖೆಯಲ್ಲಿ ಕೆಲಸ, 35 ಸಾವಿರ ಸಂಬಳ! 8850 ಹುದ್ದೆಗಳಿಗೆ ಅಧಿಸೂಚನೆ ಪ್ರಕಟ

ಈ ನೇಮಕಾತಿಯಲ್ಲಿ ಒಟ್ಟು 8850 ಹುದ್ದೆಗಳ ಭರ್ತಿ ನಡೆಯಲಿದೆ. ಅದರಲ್ಲಿ ಪದವೀಧರ ವರ್ಗಕ್ಕೆ 5817 ಹುದ್ದೆಗಳು ಮತ್ತು ಪದವಿಪೂರ್ವ ವರ್ಗಕ್ಕೆ 3058 ಹುದ್ದೆಗಳು ಮೀಸಲಾಗಿವೆ.

• ಪದವೀಧರ ವರ್ಗದ ಹುದ್ದೆಗಳು: Chief Commercial cum Ticket Supervisor, Station Master, Goods Train Manager, Junior Account Assistant cum Typist, Senior Clerk cum Typist, Traffic Assistant ಮುಂತಾದ ಹುದ್ದೆಗಳು.
• ಪದವಿಪೂರ್ವ ವರ್ಗದ ಹುದ್ದೆಗಳು: Commercial cum Ticket Clerk, Accounts Clerk cum Typist, Junior Clerk cum Typist ಮತ್ತು Trains Clerk.

ಈ ಹುದ್ದೆಗಳ ಸಂಬಳ ಶ್ರೇಣಿಯು 7ನೇ ವೇತನ ಆಯೋಗದ ಪ್ರಕಾರ ನಿಗದಿಪಡಿಸಲಾಗಿದೆ. Station Master ಮತ್ತು Chief Commercial Supervisor ಹುದ್ದೆಗಳಿಗೆ ಆರಂಭಿಕ ವೇತನ 35,400 ರೂ. Senior Clerk cum Typist ಹುದ್ದೆಗೆ 29,200 ರೂ., Traffic Assistant ಹುದ್ದೆಗೆ 25,500 ರೂ., Commercial cum Ticket Clerk ಹುದ್ದೆಗೆ 21,700 ರೂ. ಹಾಗೂ Junior Clerk cum Typist ಹುದ್ದೆಗೆ 19,900 ರೂ. ಪ್ರಾರಂಭಿಕ ಸಂಬಳ ನಿಗದಿಯಾಗಿದೆ.

ಸಾಮಾನ್ಯ, ಓಬಿಸಿ ಮತ್ತು ಇಡಬ್ಲ್ಯೂಎಸ್ ಅಭ್ಯರ್ಥಿಗಳು 500 ರೂ. ಪಾವತಿಸಬೇಕು. ಎಸ್‌ಸಿ, ಎಸ್‌ಟಿ, ಮಹಿಳಾ, ದಿವ್ಯಾಂಗ ಹಾಗೂ ಮಾಜಿ ಸೈನಿಕರಿಗೆ 250 ರೂ. ಶುಲ್ಕ ನಿಗದಿಯಾಗಿದೆ. ಪರೀಕ್ಷೆಗೆ ಹಾಜರಾದ ಅಭ್ಯರ್ಥಿಗಳಿಗೆ ಪಾವತಿಸಿದ ಶುಲ್ಕದ ಒಂದು ಭಾಗವನ್ನು ಮರುಪಾವತಿಸಲಾಗುತ್ತದೆ.

ಆಯ್ಕೆ ಪ್ರಕ್ರಿಯೆ ಹಂತ ಹಂತವಾಗಿ ನಡೆಯಲಿದೆ. ಮೊದಲಿಗೆ ಕಂಪ್ಯೂಟರ್ ಆಧಾರಿತ ಪರೀಕ್ಷೆ CBT-1 ನಡೆಯಲಿದೆ. ನಂತರ ಮುಖ್ಯ ಪರೀಕ್ಷೆ CBT-2 ನಡೆಯುತ್ತದೆ. ಅದರ ನಂತರ ಟೈಪಿಂಗ್ ಅಥವಾ ಕೌಶಲ್ಯ ಪರೀಕ್ಷೆ (ಅಗತ್ಯವಿದ್ದಲ್ಲಿ) ನಡೆಯುತ್ತದೆ. ಕೊನೆಯಲ್ಲಿ ದಾಖಲೆ ಪರಿಶೀಲನೆ ಮತ್ತು ವೈದ್ಯಕೀಯ ಪರೀಕ್ಷೆ ನಡೆಸಲಾಗುತ್ತದೆ.

ಅರ್ಜಿ ಸಲ್ಲಿಸುವ ಅಭ್ಯರ್ಥಿಯು ತನ್ನ ಆಧಾರ್ ಸಂಖ್ಯೆ ಮೂಲಕ ವಿವರಗಳನ್ನು ದೃಢೀಕರಿಸಬೇಕಾಗಿದೆ. ಆಧಾರ್‌ನಲ್ಲಿ ಹೆಸರು ಮತ್ತು ಜನ್ಮದಿನಾಂಕ SSC ಪ್ರಮಾಣಪತ್ರದಲ್ಲಿನಂತೆ ಸರಿಯಾಗಿ ಹೊಂದಿರಬೇಕು. ಆಧಾರ್‌ನಲ್ಲಿ ಹೊಸ ಫೋಟೋ ಮತ್ತು ಬಯೋಮೆಟ್ರಿಕ್ ಮಾಹಿತಿ ನವೀಕರಿಸಿರಬೇಕು.

ರೈಲ್ವೆ ನೇಮಕಾತಿ ಮಂಡಳಿಯು ಅಭ್ಯರ್ಥಿಗಳಿಗೆ ಯಾವುದೇ ಮಧ್ಯವರ್ತಿ ಅಥವಾ ಬ್ರೋಕರ್‌ಗಳ ಸಹಾಯ ಪಡೆಯಬಾರದು ಎಂದು ಎಚ್ಚರಿಸಿದೆ. ಎಲ್ಲಾ ಪ್ರಕ್ರಿಯೆಯೂ ಪಾರದರ್ಶಕ ಮತ್ತು ಆನ್‌ಲೈನ್ ಆಗಿರುತ್ತದೆ. ಅಧಿಕೃತ ಅಧಿಸೂಚನೆಯಲ್ಲಿ ಸ್ಪಷ್ಟವಾಗಿ Be aware of touts, brokers and job racketeers ಎಂದು ಉಲ್ಲೇಖಿಸಲಾಗಿದೆ.