ಭಾರತದಲ್ಲಿದ್ದಾಗ 16 ಲಕ್ಷ ಸಂಬಳ, ಕೆನಡಾಕ್ಕೆ ಹೋದ ಈ ಮಹಿಳೆ ಕೆಲಸ ಬೇಡ ಅಂತಿರೋದ್ಯಾಕೆ?

ಈ ಪೋಸ್ಟ್‌ನಲ್ಲಿ, ಕೆನಡಾ ನೀಡಿರುವ ಅವಕಾಶ ಮತ್ತು ಜೀವನಶೈಲಿಗೆ ತಾನು ತುಂಬಾನೇ ಕೃತಜ್ಞಳಾಗಿದ್ದೇನೆ ಎಂದು ಅವರು ಹೇಳುತ್ತಾರೆ. ಆದರೆ ಸದಾ ಕಾಲ ರಿಮೋಟ್ ಕೆಲಸದಲ್ಲಿದ್ದರೆ ವೃತ್ತಿಯ ಬಗ್ಗೆ ಕಾಳಜಿ ಮತ್ತು ಸಂಬಳದ ಬಗ್ಗೆಯೂ ಸಹ ಕಾಳಜಿ ಶುರುವಾಗುತ್ತದೆ ಅಂತ ಇವರು ಹೇಳುತ್ತಾರೆ.

ಪ್ರಸ್ತುತ ವಾರ್ಷಿಕ 82,000 ಕೆನಡಿಯನ್ ಡಾಲರ್ ಗಳಿಸುತ್ತಿರುವ ಅವರು, ತಮ್ಮ ಕ್ಷೇತ್ರದಲ್ಲಿ ವೇತನ ಮತ್ತು ವೃತ್ತಿ ಪ್ರಗತಿಯ ಅವಕಾಶಗಳ ಕೊರತೆಯ ಬಗ್ಗೆ ಇದೀಗ ತುಂಬಾನೇ ನಿರಾಶೆಯನ್ನು ವ್ಯಕ್ತ ಪಡಿಸಿದ್ದಾರೆ.

‘ಈ ಎರಡು ವರ್ಷಗಳಲ್ಲಿ ನಾನು ಬೆರಳೆಣಿಕೆಯಷ್ಟು ಮಾತ್ರವೇ ಅವಕಾಶಗಳನ್ನು ನೋಡಿದ್ದೇನೆ. ಅಲ್ಲದೆ, ಅವುಗಳಲ್ಲಿ ಯಾವುದೂ ಸಹ ನನಗೆ ಸಿಕ್ಕಿಲ್ಲ’ ಅಂತ ಅವರು ಹೇಳುತ್ತಾರೆ.

ಅವರ ವಲಯದಲ್ಲಿನ ನಿಧಾನಗತಿಯ ಉದ್ಯೋಗ ಮಾರುಕಟ್ಟೆಯು ಅವರು ಒಮ್ಮೆ ತೃಪ್ತಿಕರವೆಂದು ಕಂಡುಕೊಂಡ ವೃತ್ತಿಜೀವನದ ಬಗ್ಗೆ ಭ್ರಮನಿರಸನಗೊಳ್ಳುವಂತೆ ಮಾಡಿದೆ.

ಒಟ್ಟಿನಲ್ಲಿ ಹೇಳುವುದಾದರೆ, ಈ ದಂಪತಿಗಳು ಕೆಲಸದ ಬಗ್ಗೆ ತುಂಬಾನೇ ಕಠಿಣ ಸಮಯವನ್ನು ಎದುರಿಸುತ್ತಿದ್ದಾರೆ ಅಂತ ಹೇಳಬಹುದು. ಅವರು ತಮ್ಮ ದೀರ್ಘಾವಧಿಯ ಆರ್ಥಿಕ ಸುಸ್ಥಿರತೆಯ ಬಗ್ಗೆ ತುಂಬಾನೇ ಚಿಂತಿತರಾಗಿದ್ದಾರೆ ಅಂತ ಹೇಳಬಹುದು.

ಈಗ ಆ ಮಹಿಳೆ ಭಾರತಕ್ಕೆ ಮರಳಿದರೆ ಹೇಗೆ ಅನ್ನೋ ಯೋಚನೆಗೆ ಬಂದಿದ್ದಾರೆ, ಇಲ್ಲಿ ಅನಿಮೇಷನ್ ಉದ್ಯೋಗಗಳು ಇನ್ನೂ ವಿರಳವಾಗಿವೆ. ‘ನಾನು ಕೆಲವೊಮ್ಮೆ ಭಾರತಕ್ಕೆ ಹಿಂತಿರುಗುವ ಬಗ್ಗೆ ಯೋಚಿಸುತ್ತೇನೆ, ಆದರೆ ನನ್ನ ಈ ಸಂಬಳದಲ್ಲಿಯೇ ನಾವು ನಿವೃತ್ತರಾಗಬಹುದೇ ಎಂದು ನನಗೆ ಖಚಿತವಿಲ್ಲ’ ಎಂದು ಅವರು ಹೇಳುತ್ತಾರೆ, ಈ ಆಲೋಚನೆ ಅಕಾಲಿಕವಾಗಿರಬಹುದು ಆದರೆ ಭವಿಷ್ಯದ ಯೋಜನೆಗೆ ಇನ್ನೂ ಮಾನ್ಯವಾಗಿದೆ ಎಂದು ಅವರು ಹೇಳುತ್ತಾರೆ.

ಆದರೆ ಐಟಿ ಕ್ಷೇತ್ರದಲ್ಲಿ ಮತ್ತು ಕೆಲವು ವರ್ಷಗಳಿಂದ ಒಟ್ಟಾರೆ ನಿಧಾನಗತಿಯ ಆರ್ಥಿಕತೆಯಲ್ಲಿ ಪ್ರಮುಖ ಉದ್ಯೋಗ ಕಡಿತಗಳು ನಡೆಯುತ್ತಿವೆ. ನಾನು ಹೇಳುವುದೇನೆಂದರೆ ಎಐ ಕ್ಷೇತ್ರದಲ್ಲಿ ಕೌಶಲ್ಯವನ್ನು ಹೆಚ್ಚಿಸಿಕೊಳ್ಳಲು ಪ್ರಯತ್ನಿಸಿ.

ಏಕೆಂದರೆ ಅದು ಬೇಗ ಅಥವಾ ನಂತರ ಭಾರತದ ಮೇಲೂ ಸಹ ಪರಿಣಾಮ ಬೀರುತ್ತದೆ ಎಂದು ನನಗೆ ಅನಿಸುತ್ತದೆ.. ಶುಭವಾಗಲಿ,’ ಅಂತ ಪ್ರತಿಕ್ರಿಯೆ ನೀಡಿದ್ದಾರೆ.

ಮತ್ತೊಬ್ಬರು ‘ಕೆನಡಾ ಇನ್ನು ಮುಂದೆ ಆರ್ಥಿಕವಾಗಿ ಅಷ್ಟೊಂದು ಲಾಭದಾಯಕವಾಗಿಲ್ಲ ಮತ್ತು ಮುಂದಿನ 2-4 ವರ್ಷಗಳವರೆಗೆ ಹಾಗೆಯೇ ಇರುತ್ತದೆ. ಸಾಧ್ಯವಾದರೆ, ನೀವು ಹಿಂತಿರುಗಲು ನಾನು ಸೂಚಿಸುತ್ತೇನೆ’ ಅಂತ ಕಾಮೆಂಟ್ ಮಾಡಿದ್ದಾರೆ.

‘ಕೆನಡಾದಲ್ಲಿ ಹೊಸ ಕೌಶಲ್ಯಗಳನ್ನು ಬೆಳೆಸಿಕೊಳ್ಳಿ ಮತ್ತು ಹೆಚ್ಚಿನ ಸಂಬಳ ನೀಡುವ ಉದ್ಯೋಗವನ್ನು ಹುಡುಕಿಕೊಳ್ಳಿ. ಉದ್ಯೋಗ ಮಾರುಕಟ್ಟೆ ಇದೀಗ ಕ್ರಿಯಾತ್ಮಕವಾಗಿದೆ. ಇದು ಎಲ್ಲೆಡೆ ಬದಲಾಗುತ್ತದೆ. ಭಾರತಕ್ಕೆ ಬರುವುದರಿಂದ ನಿಮ್ಮ ಸಮಸ್ಯೆ ಬಗೆ ಹರಿಯುವುದಿಲ್ಲ’ ಅಂತ ಇನ್ನೊಬ್ಬರು ಹೇಳಿದ್ದಾರೆ.