Last Updated:
General Knowledge: ಭಾರತದಾದ್ಯಂತ ಶೈಕ್ಷಣಿಕ ಪರೀಕ್ಷೆಗಳಲ್ಲಿ ಉತ್ತೀರ್ಣರಾಗಲು ವಿದ್ಯಾರ್ಥಿಗಳು ಕನಿಷ್ಠ ಶೇಕಡಾ 35 ಅಂಕಗಳನ್ನು (35 points) ಗಳಿಸಬೇಕು. ಆದರೆ, ಈ 35% ಅಂಕಗಳ ಸೂತ್ರ ಎಲ್ಲಿಂದ ಬಂತು? ಇದನ್ನು ಯಾರು ಪ್ರಾರಂಭಿಸಿದರು? ಹಾಗಾಗಿ, ಈ ಸೂತ್ರದ ಇತಿಹಾಸ ಮತ್ತು ಇತರ ದೇಶಗಳ ಶಿಕ್ಷಣ ವ್ಯವಸ್ಥೆಯಲ್ಲಿ ಉತ್ತೀರ್ಣರಾಗಲು ಬೇಕಾದ ಅಂಕಗಳ ಕುರಿತು ವಿವರವನ್ನು ತಿಳಿಯೋಣ:
ಭಾರತದಲ್ಲಿ ಪರೀಕ್ಷೆಯಲ್ಲಿ (extermination) ಉತ್ತೀರ್ಣರಾಗಲು 35 ಪ್ರತಿಶತ ಅಂಕಗಳನ್ನು ಪಡೆಯಬೇಕೆಂಬ ನಿಯಮವನ್ನು ನಾವು ಬಹಳ ಸಮಯದಿಂದ ನೋಡುತ್ತೇವೆ. ಶಾಲೆಗಲ್ಲಿ ಮೇಲ್ದರ್ಜೆಗೆ ಏರಲು ವಾರ್ಷಿಕ ಪರೀಕ್ಷೆಗಳಲ್ಲಿ, ಅಥಾವ 10 ಮತ್ತು 12 ನೇ ತರಗತಿಯಂತಹ ಯಾವುದೇ ಪರೀಕ್ಷೆಗಳಲ್ಲಿ ವಿದ್ಯಾರ್ಥಿಗಳು ಪಾಸಾಗಲು ಕನಿಷ್ಠ 35 ಪ್ರತಿಶತ ಅಂಕಗಳನ್ನು ಪಡೆಯುವುದು ಅಗತ್ಯವೆಂದು ನಿಯಮವಿದೆ. ಆದರೆ ಬಹಳಷ್ಟು ಜನರಿಗೆ ಈ 35 ಪ್ರತಿಶತ ಅಂಕಗಳ ನಿಯಮವನ್ನು ಯಾರು ಪರಿಚಯಿಸಿದರು ಮತ್ತು ಇದರ ಹಿಂದೆ ಇರುವ ಉದ್ದೇಶವೇನು ಎಂಬುದು ಗೊತ್ತಿಲ್ಲ! ಹಾಗಾಗಿ ಅದಕ್ಕೆ ಉತ್ತರ ಇಲ್ಲಿದೆ:
ಭಾರತದಾದ್ಯಂತ ಶೈಕ್ಷಣಿಕ ಪರೀಕ್ಷೆಗಳಲ್ಲಿ ಉತ್ತೀರ್ಣರಾಗಲು ವಿದ್ಯಾರ್ಥಿಗಳು ಕನಿಷ್ಠ ಶೇಕಡಾ 35 ಅಂಕಗಳನ್ನು (35 points) ಗಳಿಸಬೇಕು. ಆದರೆ, ಈ 35% ಅಂಕಗಳ ಸೂತ್ರ ಎಲ್ಲಿಂದ ಬಂತು? ಇದನ್ನು ಯಾರು ಪ್ರಾರಂಭಿಸಿದರು? ಹಾಗಾಗಿ, ಈ ಸೂತ್ರದ ಇತಿಹಾಸ ಮತ್ತು ಇತರ ದೇಶಗಳ ಶಿಕ್ಷಣ ವ್ಯವಸ್ಥೆಯಲ್ಲಿ ಉತ್ತೀರ್ಣರಾಗಲು ಬೇಕಾದ ಅಂಕಗಳ ಕುರಿತು ವಿವರವನ್ನು ತಿಳಿಯೋಣ:
ಭಾರತವು ಬ್ರಿಟಿಷರ ಕಾಲದಲ್ಲಿ ಹಲವು ಶೈಕ್ಷಣಿಕ ಮತ್ತು ಆಡಳಿತಾತ್ಮಕ ಬದಲಾವಣೆಗಳನ್ನು ಪಡೆಯಿತು. ಅದರಂತೆ, 1858ರಲ್ಲಿ ಬ್ರಿಟಿಷರು ಭಾರತದಲ್ಲಿ ಮೆಟ್ರಿಕ್ಯುಲೇಶನ್ ಪರೀಕ್ಷೆಯನ್ನು ಮೊದಲ ಬಾರಿಗೆ ಪ್ರಾರಂಭಿಸಿದರು. ಈ ಪರೀಕ್ಷೆಯಲ್ಲಿ ಪಾಸ್ ಆಗಲು 35 ಪ್ರತಿಶತ ಅಂಕಗಳನ್ನು ಹಾಕಿದವರು ಬ್ರಿಟಿಷ್ ಅಧಿಕಾರಿಗಳು. ಆ ಸಮಯದಲ್ಲಿ ಬ್ರಿಟನ್ ದೇಶದಲ್ಲಿ ವಿದ್ಯಾರ್ಥಿಗಳು ಉತ್ತೀರ್ಣರಾಗಲು ಕನಿಷ್ಠ 65 ಪ್ರತಿಶತ ಅಂಕಗಳನ್ನು ಪಡೆಯಬೇಕಿತ್ತು. ಆದರೆ, ಭಾರತದ ಮಕ್ಕಳಿಗೆ ಮಾತ್ರ 33 ಪ್ರತಿಶತ ಅಂಕಗಳ ನಿಯಮವನ್ನು ಪರಿಚಯಿಸಲಾಯಿತು. ತದ ನಂತರ ಇದನ್ನು 35 ಕ್ಕೆ ಮಾಡಲಾಯಿತು. ಇದಕ್ಕೆ ಪ್ರಮುಖ ಕಾರಣವೆಂದರೆ ಬ್ರಿಟಿಷರು ಭಾರತೀಯರು ತಮ್ಮ ದೇಶದ ಮಕ್ಕಳಿಗಿಂತ ಬುದ್ಧಿಯಲ್ಲಿ ಹಿಂದುಳಿದಿದ್ದಾರೆ ಎಂಬ ತಾರತಮ್ಯಪೂರ್ಣ ಮತ್ತು ತಪ್ಪಾದ ನಂಬಿಕೆಯನ್ನು ಹೊಂದಿದ್ದರು.
ಏತನ್ಮಧ್ಯೆ, ವಿವಿಧ ದೇಶಗಳಲ್ಲಿ ಫಲಿತಾಂಶ ಪದ್ದತಿಗಳು ವಿಭಿನ್ನವಾಗಿವೆ. ಉದಾಹರಣೆಗೆ, ಜರ್ಮನಿಯ ಶ್ರೇಣೀಕರಣ ವ್ಯವಸ್ಥೆಯಲ್ಲಿ 1 ರಿಂದ 6 ಅಥವಾ 5 ಅಂಕಗಳ ಶ್ರೇಣಿಯಲ್ಲಿ ಗ್ರೇಡ್ ನೀಡಲಾಗುತ್ತದೆ. ಇಲ್ಲಿ 4.0 ಅಥವಾ ಅದರ ಮೇಲಿನ ಶ್ರೇಣಿಯವರೆಗೆ ವಿದ್ಯಾರ್ಥಿಗಳು ಪಾಸಾಗುತ್ತಾರೆ. ಚೀನಾದಲ್ಲಿ 5 ಅಥವಾ 4 ಸ್ಕೇಲ್ ಶ್ರೇಣೀಕರಣ ವಿಧಾನವನ್ನು ಅನುಸರಿಸುತ್ತಾರೆ. 5 ಸ್ಕೇಲ್ ಶ್ರೇಣೀಕರಣದಲ್ಲಿ 60 ಪ್ರತಿಶತಕ್ಕಿಂತ ಕಡಿಮೆ ಅಂಕಗಳಿದ್ದರೆ ವಿದ್ಯಾರ್ಥಿ ವಿಫಲನೆ ಎಂದು ಪರಿಗಣಿಸಲಾಗುತ್ತದೆ. ಅಮೆರಿಕದಲ್ಲಿ ಸಾಮಾನ್ಯವಾಗಿ 4 ಪಾಯಿಂಟ್ GPA ಪದ್ದತಿ ಬಳಸಲಾಗುತ್ತದೆ ಮತ್ತು 60 ಪ್ರತಿಶತಕ್ಕಿಂತ ಮೇಲಿದೆಂದರೆ ಪಾಸಾಗಿದ್ದಾರೆ ಎನ್ನಲಾಗುತ್ತದೆ.
ಈ ರೀತಿಯಾಗಿ, ಭಾರತದ 33 ಪ್ರತಿಶತ ಅಂಕಗಳ ನಿಯಮ ಬ್ರಿಟಿಷರ ಕಾಲದಿಂದಲೂ ಆರಂಭವಾದದ್ದು, ಆದರೆ ಇಂದಿಗೂ ಕೆಲವು ಮಂಡಳಿಗಳು ಇದನ್ನು ಪಾಲಿಸುತ್ತಿವೆ. ಆದರೆ, ಇಂದಿನ ದಿನಗಳಲ್ಲಿ ವಿದ್ಯಾರ್ಥಿಗಳ ಸಾಮರ್ಥ್ಯವನ್ನು ಹೆಚ್ಚಿಸಲು ಮತ್ತು ಗುಣಮಟ್ಟದ ಶಿಕ್ಷಣವನ್ನು ಒದಗಿಸಲು ಹೊಸ ಶೈಕ್ಷಣಿಕ ನೀತಿಗಳೊಂದಿಗೆ ವಿವಿಧ ಬದಲಾವಣೆಗಳು ಜಾರಿಗೆ ಬರುತ್ತಿವೆ. ವಿದ್ಯಾಭ್ಯಾಸವನ್ನು ಹೆಚ್ಚು ಸಮಗ್ರವಾಗಿ ಮತ್ತು ಸಮಾನವಾಗಿ ಮಾಡುವ ನಿಟ್ಟಿನಲ್ಲಿ ದೇಶ ಮುಂದುವರೆದಿದೆ.
July 15, 2025 10:51 PM IST
