Last Updated:
ಚಿಕ್ಕಾಟಿ ಗ್ರಾಮದಲ್ಲಿ ಪಂಚಾಯತ್ಶಿಕ್ಷಣ ಫೌಂಡೇಶನ್ ಬೇಸಿಗೆ ಶಿಬಿರ, 30 ಮಕ್ಕಳು ಕಂಪ್ಯೂಟರ್, ಸಂಗೀತ, ನೃತ್ಯ, ಪೇಪರ್ ಕ್ರಾಫ್ಟ್, ಪರ್ಸನಾಲಿಟಿ ಡೆವಲಪ್ಮೆಂಟ್ ತರಬೇತಿ ಪಡೆಯುತ್ತಿದ್ದಾರೆ.
ಮೈಸೂರು: ಬೇಸಿಗೆ (Summer) ರಜೆ ಬಂತೆಂದರೆ ಸಾಕು, ಮಕ್ಕಳೆಲ್ಲಾ ಮೊಬೈಲ್ (Mobile) ಅಥವಾ ಟಿವಿ (Tv) ಮುಂದೆ ಕುಳಿತು ಸಮಯ ವ್ಯರ್ಥ ಮಾಡುವುದು ಸಾಮಾನ್ಯ. ಆದರೆ ಚಾಮರಾಜನಗರ (Chamarajanagara) ಜಿಲ್ಲೆಯ ಗುಂಡ್ಲುಪೇಟೆ ತಾಲೂಕಿನ ಚಿಕ್ಕಾಟಿ (Chikkati) ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ದೃಶ್ಯವೇ ಬದಲಾಗಿದೆ. ಇಲ್ಲಿನ ಮಕ್ಕಳು ಈಗ ಪೇಪರ್ ಕ್ರಾಫ್ಟ್ ಮಾಡುತ್ತಿದ್ದಾರೆ, ಸಂಗೀತಕ್ಕೆ ಹೆಜ್ಜೆ ಹಾಕುತ್ತಿದ್ದಾರೆ ಮತ್ತು ಕಂಪ್ಯೂಟರ್ (Computer) ಕೀಬೋರ್ಡ್ ಮೇಲೆ ಬೆರಳು ಆಡಿಸುತ್ತಿದ್ದಾರೆ.
ಜಿಲ್ಲೆಯ 10 ಅದೃಷ್ಟವಂತ ಪಂಚಾಯತ್
ಶಿಕ್ಷಣ ಫೌಂಡೇಶನ್ ವತಿಯಿಂದ ಜಿಲ್ಲೆಯ ಆಯ್ದ 10 ಗ್ರಾಮ ಪಂಚಾಯತ್ಗಳಲ್ಲಿ ಮಾತ್ರ ಇಂತಹದೊಂದು ವಿಶೇಷ ಬೇಸಿಗೆ ಶಿಬಿರಕ್ಕೆ ಅವಕಾಶ ನೀಡಲಾಗಿದ್ದು, ಅದರಲ್ಲಿ ಚಿಕ್ಕಾಟಿ ಆಯ್ಕೆಯಾಗಿರುವುದು ಗ್ರಾಮಸ್ಥರ ಹೆಮ್ಮೆಗೆ ಕಾರಣವಾಗಿದೆ. ಇಲ್ಲಿ ಕೇವಲ ಆಟಪಾಟವಷ್ಟೇ ಅಲ್ಲ, ಮಕ್ಕಳ ಭವಿಷ್ಯಕ್ಕೆ ಬೇಕಾದ ಡಿಜಿಟಲ್ ಜ್ಞಾನವನ್ನೂ ನೀಡಲಾಗುತ್ತಿದೆ.
ಏನೆಲ್ಲಾ ವಿಶೇಷತೆಗಳಿವೆ ಈ ಶಿಬಿರದಲ್ಲಿ?
ಕಂಪ್ಯೂಟರ್ ತರಬೇತಿ-ಗ್ರಾಮೀಣ ಮಕ್ಕಳಿಗೆ ತಂತ್ರಜ್ಞಾನದ ಅರಿವು ಮೂಡಿಸಲು ಡಿಜಿಟಲ್ ಶಿಕ್ಷಣದ ಒತ್ತು ನೀಡಲಾಗುತ್ತಿದೆ.
ಕಲೆ ಮತ್ತು ಸಂಸ್ಕೃತಿ-ಸಂಗೀತ, ನೃತ್ಯ ಮತ್ತು ಚಿತ್ರಕಲೆಯ ಮೂಲಕ ಮಕ್ಕಳಲ್ಲಿ ಅಡಗಿರುವ ಸೃಜನಶೀಲತೆಯನ್ನು ಹೊರಹಾಕಲಾಗುತ್ತಿದೆ.
ಪೇಪರ್ ಕ್ರಾಫ್ಟ್- ವೇಸ್ಟ್ ಪೇಪರ್ ಗಳಿಂದ ಸುಂದರ ಕಲಾಕೃತಿಗಳನ್ನು ತಯಾರಿಸುವ ಜಾಣ್ಮೆಯನ್ನು ಮಕ್ಕಳು ಕಲಿಯುತ್ತಿದ್ದಾರೆ.
ಪರ್ಸನಾಲಿಟಿ ಡೆವಲಪ್ಮೆಂಟ್-ವೇದಿಕೆ ಭಯ ಹೋಗಲಾಡಿಸಿ, ನಾಯಕತ್ವದ ಗುಣಗಳನ್ನು ಬೆಳೆಸಲಾಗುತ್ತಿದೆ.
Location :
Chamarajanagar,Karnataka
