6,565 ಟೆಕ್ನಿಷಿಯನ್ ಹುದ್ದೆಗಳಿಗೆ ಮತ್ತೊಂದು ಹೊಸ ನೇಮಕಾತಿ ನಡೆಸಲು ರೈಲ್ವೆ ಇಲಾಖೆ ಅನುಮೋದನೆ ನೀಡಿದೆ. ಈ ನೇಮಕಾತಿಗಾಗಿ ರೈಲ್ವೆ ಸಚಿವಾಲಯವು ರೈಲ್ವೆ ನೇಮಕಾತಿ ಮಂಡಳಿಯನ್ನು ಅನುಮೋದಿಸಿದೆ. ಶೀಘ್ರದಲ್ಲೇ ನೇಮಕಾತಿ ಜಾಹೀರಾತು ಬಿಡುಗಡೆಯಾಗಲಿದ್ದು, ಅರ್ಜಿ ಪ್ರಕ್ರಿಯೆ ಶೀಘ್ರ ಆರಂಭವಾಗಲಿದೆ.
News18
ರೈಲ್ವೆಯಲ್ಲಿ (Railway) ಸರ್ಕಾರಿ ಉದ್ಯೋಗಗಳಿಗೆ (Government Employee) ತಯಾರಿ ನಡೆಸುತ್ತಿರುವ ಅಭ್ಯರ್ಥಿಗಳಿಗೆ ಇಲ್ಲೊಂದು ಸುವರ್ಣಾವಕಾಶ ಬಾಗಿಲು ತೆರೆದಿದೆ. ರೈಲ್ವೆ ಸಚಿವಾಲಯವು (Railway Department) 2026 ರಲ್ಲಿ 6,565 ಟೆಕ್ನಿಷಿಯನ್ ಹುದ್ದೆಗಳಿಗೆ ಮತ್ತೊಂದು ಹೊಸ ನೇಮಕಾತಿ ನಡೆಸಲು ಅನುಮೋದನೆ ನೀಡಿದೆ. ಈ ನೇಮಕಾತಿಗಾಗಿ ರೈಲ್ವೆ ಸಚಿವಾಲಯವು Ministry Of Railway) ರೈಲ್ವೆ ನೇಮಕಾತಿ ಮಂಡಳಿಯನ್ನು ಅನುಮೋದಿಸಿದೆ. ಶೀಘ್ರದಲ್ಲೇ ನೇಮಕಾತಿ ಜಾಹೀರಾತು ಬಿಡುಗಡೆಯಾಗಲಿದ್ದು, ಅರ್ಜಿ ಪ್ರಕ್ರಿಯೆ ಶೀಘ್ರ ಆರಂಭವಾಗಲಿದೆ.
ಒಂದು ವಾರದಲ್ಲಿ ಬರಲಿದೆ ಪ್ರಕಟಣೆ!
ದೇಶಾದ್ಯಂತ ಖಾಲಿ ಇರುವ ರೈಲ್ವೆ ಹುದ್ದೆಗಳ ಭರ್ತಿಗೆ ಕೇಂದ್ರ ಸರ್ಕಾರ ಸಜ್ಜಾಗಿದೆ. ಈ ನಿಟ್ಟಿನಲ್ಲಿ, ಎಲ್ಲಾ ವಲಯ ರೈಲ್ವೆ ಘಟಕಗಳು ತಮ್ಮಲ್ಲಿ ಖಾಲಿ ಇರುವ ಅನುಮೋದಿತ ಹುದ್ದೆಗಳ ನಿಖರ ವಿವರಗಳನ್ನು ಒಂದು ವಾರದೊಳಗೆ OIRMS ಆನ್ಲೈನ್ ಪೋರ್ಟಲ್ನಲ್ಲಿ ಸಲ್ಲಿಸುವಂತೆ ರೈಲ್ವೆ ಮಂಡಳಿ ಆದೇಶಿಸಿದೆ. ಈ ಮಾಹಿತಿ ಲಭ್ಯವಾದ ತಕ್ಷಣ, ಅಧಿಕೃತ ಉದ್ಯೋಗ ಅಧಿಸೂಚನೆ ಹೊರಬೀಳಲಿದ್ದು, ನೇಮಕಾತಿ ಪ್ರಕ್ರಿಯೆ ಅಧಿಕೃತವಾಗಿ ಆರಂಭವಾಗಲಿದೆ. ಇದು ಉದ್ಯೋಗಾಕಾಂಕ್ಷಿಗಳಿಗೆ ಅತಿ ಶೀಘ್ರದಲ್ಲಿ ಸಿಗಲಿರುವ ಶುಭ ಸುದ್ದಿಯಾಗಿದೆ.
ರೈಲ್ವೆ ತಂತ್ರಜ್ಞ ಹುದ್ದೆ 2026: ವಲಯವಾರು ಹುದ್ದೆಗಳು
ಕೇಂದ್ರ ವಲಯ- 870
ಪೂರ್ವ ಕರಾವಳಿ ವಲಯ- 169
ಪೂರ್ವ ಮಧ್ಯ ರೈಲ್ವೆ ವಲಯ- 291
ಇಂಟಿಗ್ರಲ್ ಕೋಚ್ ಫ್ಯಾಕ್ಟರಿ- 236
ಉತ್ತರ ಮಧ್ಯ ರೈಲ್ವೆ- 268
ಈಶಾನ್ಯ ರೈಲ್ವೆ- 169
ಈಶಾನ್ಯ ಗಡಿನಾಡು ರೈಲ್ವೆ- 701
ಉತ್ತರ ರೈಲ್ವೆ- 548
ವಾಯುವ್ಯ ರೈಲ್ವೆ- 199
ದಕ್ಷಿಣ ಮಧ್ಯ ರೈಲ್ವೆ- 368
ಆಗ್ನೇಯ ರೈಲ್ವೆ- 576
ಇನ್ನು ಹಲವು ವಲಯಗಳು ಖಾಲಿ ಹುದ್ದೆಗಳಿವೆ!
ಅರ್ಹತೆ ಏನು?
ಅರ್ಜಿ ಸಲ್ಲಿಸುವ ಅರ್ಹ ಅಭ್ಯರ್ಥಿಗಳು ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಬಿ.ಇ./ಬಿ.ಟೆಕ್., ಎಂಜಿನಿಯರಿಂಗ್ ಡಿಪ್ಲೊಮಾ ಅಥವಾ ಬಿ.ಎಸ್ಸಿ. ಪದವಿ ಹೊಂದಿರಬೇಕು. ಟೆಕ್ನಿಷಿಯನ್ ಗ್ರೇಡ್-III ಓಪನ್ ಲೈನ್, ವರ್ಕ್ಶಾಪ್ ಮತ್ತು ಪಿಯುಸಿ ಹುದ್ದೆಗಳಿಗೆ, ಅವರು ಸಂಬಂಧಿತ ಟ್ರೇಡ್ನಲ್ಲಿ ಐಟಿಐ ಪ್ರಮಾಣಪತ್ರದೊಂದಿಗೆ 10 ನೇ ತರಗತಿಯಲ್ಲಿ ಉತ್ತೀರ್ಣರಾಗಿರಬೇಕು. ಅಥವಾ, ಅವರು ಪಿಸಿಎಂ ವಿಷಯಗಳಲ್ಲಿ 12 ನೇ ತರಗತಿಯಲ್ಲಿ ಉತ್ತೀರ್ಣರಾಗಿರಬೇಕು.
ವಯೋಮಿತಿ ಎಷ್ಟು?
ಟೆಕ್ನಿಷಿಯನ್ ಗ್ರೇಡ್ I ಸಿಗ್ನಲ್ ಹುದ್ದೆಗೆ 18-33 ವರ್ಷ ಮತ್ತು ಟೆಕ್ನಿಷಿಯನ್ ಗ್ರೇಡ್ III ಹುದ್ದೆಗೆ 18-30 ವರ್ಷ ವಯಸ್ಸಿನವರು ಅರ್ಜಿ ಸಲ್ಲಿಸಬಹುದು. ಮೀಸಲು ವರ್ಗಗಳಿಗೆ ನೇಮಕಾತಿ ಮಂಡಳಿ ನಿಯಮಾನುಸಾರ ಗರಿಷ್ಠ ವಯೋಮಿತಿಯಲ್ಲಿ ಸಡಿಲಿಕೆ ಇರುತ್ತದೆ.
RRB ALP ನೇಮಕಾತಿ 2026: 11,000 ಹುದ್ದೆಗಳಿಗೆ ಅರ್ಜಿಗಳು!
ರೈಲ್ವೆ ಇಲಾಖೆ 11,127 ಸಹಾಯಕ ಲೋಕೋ ಪೈಲಟ್ ಹುದ್ದೆಗಳಿಗೆ ನೇಮಕಾತಿ ಘೋಷಣೆ ಮಾಡಿದೆ. ಆನ್ಲೈನ್ ಅರ್ಜಿ ಪ್ರಕ್ರಿಯೆಯು ಮೇ 15, 2026 ರಂದು RRB ಯ ಅಧಿಕೃತ ವೆಬ್ಸೈಟ್ನಲ್ಲಿ ಪ್ರಾರಂಭವಾಗಲಿದ್ದು, ಜೂನ್ 14ರ ವರೆಗೆ ಮುಂದುವರೆಯಲಿದೆ. ಅಭ್ಯರ್ಥಿಗಳಿಗೆ ಈ ಎರಡು ಮಹತ್ವದ ಅವಕಾಶಗಳು ಸರ್ಕಾರಿ ಕೆಲಸದ ಕನಸುಗಳನ್ನು ನನಸಾಗಿಸಬಹುದು. ಕೈ ಚೆಲ್ಲದಿರಿ ಈ ಅವಕಾಶವನ್ನು.
