Last Updated:
Gen Z: ಒಂದು ಕಾಲದಲ್ಲಿ ಕಾಲೇಜು ಪದವಿ ಅಥವಾ ಡಿಗ್ರಿ ಅಂದರೆ ಅದು ಉದ್ಯೋಗದ ಪಕ್ಕಾ ಗ್ಯಾರಂಟಿ ಕಾರ್ಡ್ ಇದ್ದಂತೆ ಇತ್ತು. ಆದರೆ ಇಂದಿನ 2026ರ ಉದ್ಯೋಗ ಮಾರುಕಟ್ಟೆಯಲ್ಲಿ ಪರಿಸ್ಥಿತಿ ಪೂರ್ತಿ ಬದಲಾಗಿದೆ. ಆದರೆ, ಇಂದು ಕಂಪನಿಗಳು ನಿಮ್ಮ ಕೈಯಲ್ಲಿರುವ ಮಾರ್ಕ್ಸ್ ಕಾರ್ಡ್ ನೋಡುವುದಕ್ಕಿಂತ ಹೆಚ್ಚಾಗಿ, ನಿಮ್ಮ ತಲೆಯಲ್ಲಿರುವ ಜ್ಞಾನ ಮತ್ತು ಕೈಯಲ್ಲಿರುವ ಕೌಶಲಕ್ಕೆ ಹೆಚ್ಚು ಬೆಲೆ ನೀಡುತ್ತಿವೆ.
Gen Z: ಈಗಿನ ಕಾಲದಲ್ಲಿ ಕೇವಲ ಕೈಯಲ್ಲೊಂದು ಪದವಿ ಸರ್ಟಿಫಿಕೆಟ್ (Graduation Certificate) ಇದ್ದರೆ ಕೆಲಸ ಸಿಗುತ್ತದೆ ಎಂಬ ನಂಬಿಕೆ ಸುಳ್ಳಾಗುತ್ತಿದೆ. ಇತ್ತೀಚೆಗೆ ಹೊರಬಂದಿರುವ ಆತಂಕಕಾರಿ ವರದಿಯೊಂದು ಇಂದಿನ ‘ಜೆನ್-ಝಡ್’ (Gen-Z) ಉದ್ಯೋಗಾಕಾಂಕ್ಷಿಗಳ ಬಗ್ಗೆ ಕಳವಳಕಾರಿ ಸತ್ಯಗಳನ್ನು ಬಿಚ್ಚಿಟ್ಟಿದೆ. ಅನೇಕ ಕಂಪನಿಗಳು ಜೆನ್-ಝಡ್ ಅಭ್ಯರ್ಥಿಗಳನ್ನು ಕೆಲಸಕ್ಕೆ ತೆಗೆದುಕೊಳ್ಳಲು ಹಿಂದೇಟು ಹಾಕುತ್ತಿವೆ ಎಂಬ ಶಾಕಿಂಗ್ ಅಂಶ ಈ ವರದಿಯಲ್ಲಿದೆ. ಸಂವಹನ ಕಲೆ, ವೃತ್ತಿಪರತೆ ಮತ್ತು ಕೆಲಸದ ಮೇಲಿನ ಶ್ರದ್ಧೆಯ ಕೊರತೆಯೇ ಇದಕ್ಕೆ ಮುಖ್ಯ ಕಾರಣ ಎನ್ನಲಾಗುತ್ತಿದೆ. ಲಕ್ಷಾಂತರ ರೂಪಾಯಿ ಖರ್ಚು ಮಾಡಿ ಪದವಿ (Graduation) ಪಡೆದರೂ, ಕಂಪನಿಗಳು ಬಯಸುವ ‘ರಿಯಲ್ ವರ್ಲ್ಡ್ ಸ್ಕಿಲ್ಸ್’ ಇಲ್ಲದಿದ್ದರೆ ಭವಿಷ್ಯದಲ್ಲಿ ನಿರುದ್ಯೋಗದ ಭೀತಿ ಎದುರಾಗುವುದು ಗ್ಯಾರಂಟಿ. ಈ ವರದಿಯಲ್ಲಡಗಿರುವ ಪೂರ್ಣ ವಿವರಗಳು ಮತ್ತು ಇಂದಿನ ಯುವಜನತೆ ಎಚ್ಚೆತ್ತುಕೊಳ್ಳಬೇಕಾದ ವಿಷಯಗಳು ಇಲ್ಲಿವೆ:
ಇಂದಿನ ನೇಮಕಾತಿ ಪ್ರಕ್ರಿಯೆಯಲ್ಲಿ ‘ಸ್ಕಿಲ್ ಬೇಸ್ಡ್ ಹೈರಿಂಗ್’ ಎಂಬ ಹೊಸ ಟ್ರೆಂಡ್ ಶುರುವಾಗಿದೆ. ದೊಡ್ಡ ದೊಡ್ಡ ಕಂಪನಿಗಳು ಈಗ ಅಭ್ಯರ್ಥಿಗಳ ಪದವಿಗಿಂತ ಅವರು ಕೆಲಸವನ್ನು ಎಷ್ಟು ಬೇಗ ಕಲಿತು ಜಾರಿಗೆ ತರುತ್ತಾರೆ ಎಂಬುದನ್ನು ಗಮನಿಸುತ್ತಿವೆ. “ಮೊದಲ ದಿನದಿಂದಲೇ ನೀವು ಕಂಪನಿಗೆ ಏನು ಕೊಡುಗೆ ನೀಡಬಲ್ಲಿರಿ?” ಎಂಬ ಸಣ್ಣ ಪ್ರಶ್ನೆಗೆ ಉತ್ತರ ಹುಡುಕುತ್ತಿವೆ. ವಿಶೇಷವಾಗಿ ಕೃತಕ ಬುದ್ಧಿಮತ್ತೆ, ಡೇಟಾ ಅನಾಲಿಟಿಕ್ಸ್ ಮತ್ತು ಡಿಜಿಟಲ್ ತಂತ್ರಜ್ಞಾನದ ಜ್ಞಾನ ಹೊಂದಿರುವವರಿಗೆ ಈಗ ಭಾರಿ ಬೇಡಿಕೆ ಇದೆ. ನೀವು ಎಷ್ಟೇ ಪ್ರತಿಷ್ಠಿತ ಕಾಲೇಜಿನಲ್ಲಿ ಓದಿದ್ದರೂ, ಪ್ರಾಯೋಗಿಕ ಜ್ಞಾನ ಇಲ್ಲದಿದ್ದರೆ ಕೆಲಸ ಸಿಗುವುದು ಕಷ್ಟ ಎಂದು ಉದ್ಯಮ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಇತ್ತೀಚಿನ ‘ಇಂಡಿಯಾ ಸ್ಕಿಲ್ಸ್ ರಿಪೋರ್ಟ್’ ಪ್ರಕಾರ, ಭಾರತದ ಬಹುತೇಕ ಪದವೀಧರರಲ್ಲಿ ತಕ್ಷಣ ಕೆಲಸಕ್ಕೆ ಸೇರುವಂತಹ ಅರ್ಹತೆ ಇಲ್ಲ ಎಂಬುದು ಸಾಬೀತಾಗಿದೆ. ಇದಕ್ಕೆ ಮುಖ್ಯ ಕಾರಣ ನಮ್ಮ ಶಿಕ್ಷಣ ವ್ಯವಸ್ಥೆ ಇಂದಿಗೂ ಕೇವಲ ಥಿಯರಿ ಅಥವಾ ಪರೀಕ್ಷೆಗಳಲ್ಲಿ ಅಂಕ ಪಡೆಯುವುದಕ್ಕೆ ಮಾತ್ರ ಸೀಮಿತವಾಗಿದೆ.
ಬರೀ ಡಿಗ್ರಿ ನಂಬುವ ಬದಲು ಈಗ ಯುವಜನತೆ ‘ಮೈಕ್ರೋ-ಕ್ರೆಡೆನ್ಶಿಯಲ್ಸ್’ ಕಡೆಗೆ ಗಮನ ಹರಿಸುತ್ತಿದ್ದಾರೆ. ಇವು ಸಣ್ಣ ಅವಧಿಯ ವಿಶೇಷ ಕೋರ್ಸ್ಗಳಾಗಿದ್ದು, ನಿಮಗೆ ಒಂದು ನಿರ್ದಿಷ್ಟ ಕೆಲಸದ ಬಗ್ಗೆ ಪೂರ್ಣ ತರಬೇತಿ ನೀಡುತ್ತವೆ. ಉದಾಹರಣೆಗೆ, ಎಐ ಟೂಲ್ಸ್ ಬಳಸುವ ಬಗ್ಗೆ ಅಥವಾ ಕಮ್ಯುನಿಕೇಶನ್ ಸ್ಕಿಲ್ಸ್ ಬಗ್ಗೆ ಈ ಸರ್ಟಿಫಿಕೇಟ್ಗಳು ನಿಮಗೆ ನೆರವಾಗುತ್ತವೆ. ಇವು ಡಿಗ್ರಿಯನ್ನು ಬದಲಿಸುವುದಿಲ್ಲ, ಬದಲಾಗಿ ನಿಮ್ಮ ಡಿಗ್ರಿಗೆ ಒಂದು ಹೊಸ ಶಕ್ತಿ ನೀಡುತ್ತವೆ. ಸರ್ಕಾರ ಕೂಡ ಈಗ ‘ನ್ಯಾಷನಲ್ ಕ್ರೆಡಿಟ್ ಫ್ರೇಮ್ವರ್ಕ್’ ಅಡಿಯಲ್ಲಿ ಇಂತಹ ಕೌಶಲ ಆಧಾರಿತ ಕೋರ್ಸ್ಗಳಿಗೆ ಹೆಚ್ಚಿನ ಮಾನ್ಯತೆ ನೀಡುತ್ತಿದೆ.
ಕೆಲಸದಲ್ಲಿ ಯಶಸ್ವಿಯಾಗಲು ಬರೀ ಕಂಪ್ಯೂಟರ್ ಜ್ಞಾನವಿದ್ದರೆ ಸಾಲದು. ಅದರ ಜೊತೆಗೆ ಜನರೊಂದಿಗೆ ಬೆರೆಯುವ ಕಲೆ ಅಂದರೆ ಸಂವಹನ ಕಲೆ, ತಂಡದೊಂದಿಗೆ ಕೆಲಸ ಮಾಡುವ ರೀತಿ, ಮತ್ತು ಸಮಯಕ್ಕೆ ತಕ್ಕಂತೆ ಬದಲಾಗುವ ಗುಣ ಅತಿ ಮುಖ್ಯ. ಕಂಪನಿಗಳು ಆರಂಭದಲ್ಲಿ ನಿಮ್ಮ ಟೆಕ್ನಿಕಲ್ ಸ್ಕಿಲ್ಸ್ ನೋಡಿದರೂ, ದೀರ್ಘಕಾಲದ ಯಶಸ್ಸಿಗೆ ಈ ‘ಸಾಫ್ಟ್ ಸ್ಕಿಲ್ಸ್’ಗಳನ್ನೇ ಮಾನದಂಡವಾಗಿ ಬಳಸುತ್ತವೆ. ಸಂಕೀರ್ಣವಾದ ಸಮಸ್ಯೆಗಳನ್ನು ಹೇಗೆ ಸರಳವಾಗಿ ಬಗೆಹರಿಸುತ್ತೀರಿ ಎಂಬುದನ್ನು ಕಂಪನಿಗಳು ಸೂಕ್ಷ್ಮವಾಗಿ ಗಮನಿಸುತ್ತಿವೆ.
Gen Z: ಬರೀ ಡಿಗ್ರಿ ಸರ್ಟಿಫಿಕೇಟ್ ಇದ್ರೆ ಕೆಲಸ ಸಿಗಲ್ವಾ? ಜೆನ್-ಝಡ್ ಉದ್ಯೋಗಿಗಳ ಬಗ್ಗೆ ಹೊರಬಿತ್ತು ಆತಂಕಕಾರಿ ವರದಿ
