Last Updated:
2nd PUC Result: ಯಾರೋ ಒಬ್ಬರು ಒಂದು ಬಾರಿ ಗೆದ್ದರೆ (Win) ಅದು ಅದೃಷ್ಟ ಎನ್ನಬಹುದು. ಆದರೆ ಹತ್ತು ವರ್ಷಗಳಿಂದ (10 Years) ಗೆಲ್ಲುತ್ತಲೇ ಇದ್ದರೆ? ಅದು ರಾಜ್ಯವೇ ಬೆರಗುಗಣ್ಣಿನಿಂದ ನೋಡುವಂತಹ ಸಾಧನೆಯನ್ನು ಪ್ರತಿ ವರ್ಷವೂ ಮರುಕಳಿಸುತ್ತಿದ್ದರೆ? ಅಂಥ ಅಜೇಯ ಸಾಧನೆ ಮಾಡಿದ ಕಾಲೇಜು ಯಾವುದು ಗೊತ್ತಾ? ಆ ಕಾಲೇಜು (College) ಹಾಗೂ ಅದರ ಸಾಧನೆ ಕುರಿತು ಸಂಪೂರ್ಣ ಮಾಹಿತಿ ಇಲ್ಲಿದೆ.
ಯಾರೋ ಒಬ್ಬರು ಒಂದು ಬಾರಿ ಗೆದ್ದರೆ (Win) ಅದು ಅದೃಷ್ಟ ಎನ್ನಬಹುದು. ಆದರೆ ಹತ್ತು ವರ್ಷಗಳಿಂದ (10 Years) ಗೆಲ್ಲುತ್ತಲೇ ಇದ್ದರೆ? ಅದು ರಾಜ್ಯವೇ ಬೆರಗುಗಣ್ಣಿನಿಂದ ನೋಡುವಂತಹ ಸಾಧನೆಯನ್ನು ಪ್ರತಿ ವರ್ಷವೂ ಮರುಕಳಿಸುತ್ತಿದ್ದರೆ? ಅಂಥ ಅಜೇಯ ಸಾಧನೆ ಮಾಡಿದ ಕಾಲೇಜು ಯಾವುದು ಗೊತ್ತಾ? ಆ ಕಾಲೇಜು (College) ಹಾಗೂ ಅದರ ಸಾಧನೆ ಕುರಿತು ಸಂಪೂರ್ಣ ಮಾಹಿತಿ ಇಲ್ಲಿದೆ.
ಯಶಸ್ಸು ಎಂಬುದು ಕಾಕತಾಳೀಯವಲ್ಲ, ಅದು ನಿರಂತರ ಶ್ರಮದ ಫಲ ಎಂಬುದನ್ನು ವಿಜಯನಗರ ಜಿಲ್ಲೆಯ ಕೊಟ್ಟೂರು ಪಟ್ಟಣದ ಇಂದು ಪಿಯು ಕಾಲೇಜು ಮತ್ತೊಮ್ಮೆ ಸಾಬೀತು ಪಡಿಸಿದೆ. ರಾಜ್ಯದ ಶೈಕ್ಷಣಿಕ ಭೂಪಟದಲ್ಲಿ ತನ್ನದೇ ಆದ ವಿಶಿಷ್ಟ ಛಾಪು ಮೂಡಿಸಿದ ಈ ಕಾಲೇಜು ರ್ಯಾಂಕ್ ಪಟ್ಟವನ್ನು ತನ್ನಲ್ಲೇ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಕಳೆದ ಹತ್ತು ವರ್ಷಗಳಿಂದ ಅವಿರತವಾಗಿ ಸಾಗಿ ಬಂದಿರುವ ಈ ವಿಜಯಯಾತ್ರೆ ಈ ವರ್ಷವೂ ಹೊಸ ಮೈಲಿಗಲ್ಲನ್ನು ಸ್ಥಾಪಿಸಿದೆ.
ಬೆರಗುಗೊಳಿಸಿದ ಅಂಕಗಳು!
ಈ ಬಾರಿ ಕಾಲೇಜಿನ ಇಬ್ಬರು ವಿದ್ಯಾರ್ಥಿಗಳು ಬರೋಬ್ಬರಿ 598 ಅಂಕಗಳನ್ನು ಪಡೆಯುವ ಮೂಲಕ ಇಡೀ ರಾಜ್ಯದ ಗಮನ ಸೆಳೆದಿದ್ದಾರೆ. ಕಲಾ ವಿಭಾಗದಲ್ಲಿ ಈ ಸಾಧನೆ ಮಾಡಿರುವ ಈ ವಿದ್ಯಾರ್ಥಿಗಳು ರಾಜ್ಯಕ್ಕೆ ಮೊದಲ ಸಾಲಿನ ರ್ಯಾಂಕ್ ಪಡೆಯುವುದು ಬಹುತೇಕ ಖಚಿತವಾಗಿದೆ. ಕೇವಲ ಇಬ್ಬರಷ್ಟೇ ಅಲ್ಲದೆ, ಕಾಲೇಜಿನ ಹಲವಾರು ವಿದ್ಯಾರ್ಥಿಗಳು 580ಕ್ಕೂ ಹೆಚ್ಚು ಅಂಕಗಳನ್ನು ಗಳಿಸಿ ‘ಟಾಪ್ ಲಿಸ್ಟ್’ನಲ್ಲಿ ಸ್ಥಾನ ಪಡೆದಿದ್ದಾರೆ. ಈ ಸಾಧನೆಯು ಕೊಟ್ಟೂರು ಪಟ್ಟಣದಲ್ಲಿ ಹಬ್ಬದ ವಾತಾವರಣವನ್ನು ನಿರ್ಮಿಸಿದೆ.
ಕಳೆದ ಒಂದು ದಶಕದಿಂದ ಇಂದು ಪಿಯು ಕಾಲೇಜು ಫಲಿತಾಂಶದ ವಿಷಯದಲ್ಲಿ ಹಿಂದೆ ಬಿದ್ದಿಲ್ಲ. ವಿಶೇಷವಾಗಿ ಕಲಾ ವಿಭಾಗದಲ್ಲಿ (Arts) ಈ ಕಾಲೇಜು ಸೃಷ್ಟಿಸುತ್ತಿರುವ ದಾಖಲೆಗಳು ಅಚ್ಚರಿ ಮೂಡಿಸುವಂತಿವೆ. “ಕಲೆ ಎಂದರೆ ಕೇವಲ ಸಮಾಜ ವಿಜ್ಞಾನವಲ್ಲ, ಅದೂ ಒಂದು ಸಾಧನೆಯ ಹಾದಿ” ಎಂದು ತೋರಿಸಿಕೊಟ್ಟಿರುವ ಇಲ್ಲಿನ ವಿದ್ಯಾರ್ಥಿಗಳು ಮತ್ತು ಶಿಕ್ಷಕ ವರ್ಗದ ಪರಿಶ್ರಮ ಅನನ್ಯವಾದದ್ದು. ಪ್ರತಿ ವರ್ಷವೂ ರ್ಯಾಂಕ್ ಪಟ್ಟಿಯಲ್ಲಿ ಈ ಕಾಲೇಜಿನ ಹೆಸರಿಲ್ಲದಿದ್ದರೆ ಅದುವೇ ಆಶ್ಚರ್ಯ ಎಂಬ ಮಟ್ಟಕ್ಕೆ ಇಲ್ಲಿನ ಗುಣಮಟ್ಟ ಬೆಳೆದಿದೆ.
ಗೆಲುವಿನ ಗುಟ್ಟೇನು?
ಗ್ರಾಮೀಣ ಭಾಗದ ವಿದ್ಯಾರ್ಥಿಗಳೇ ಹೆಚ್ಚಾಗಿರುವ ಈ ಕಾಲೇಜಿನಲ್ಲಿ ಶಿಸ್ತು ಮತ್ತು ಸಮಯಪಾಲನೆಗೆ ಹೆಚ್ಚಿನ ಆದ್ಯತೆ ನೀಡಲಾಗುತ್ತದೆ. ಉಪನ್ಯಾಸಕರ ನಿರಂತರ ಮಾರ್ಗದರ್ಶನ, ಹಳೆಯ ಪ್ರಶ್ನೆ ಪತ್ರಿಕೆಗಳ ವಿಶ್ಲೇಷಣೆ ಹಾಗೂ ವಿದ್ಯಾರ್ಥಿಗಳಲ್ಲಿನ ಆತ್ಮವಿಶ್ವಾಸವೇ ಈ ನಿರಂತರ ರ್ಯಾಂಕ್ ಗಳಿಕೆಗೆ ಮೂಲ ಕಾರಣ ಎನ್ನಲಾಗಿದೆ. ಬಡತನದ ಹಿನ್ನೆಲೆಯಿದ್ದರೂ ಸಾಧಿಸುವ ಛಲವೊಂದಿದ್ದರೆ ಸಾಕು ಎಂಬುದಕ್ಕೆ ಇಲ್ಲಿನ ವಿದ್ಯಾರ್ಥಿಗಳೇ ಜೀವಂತ ಉದಾಹರಣೆ.
ಫಲಿತಾಂಶ ಹೊರಬರುತ್ತಿದ್ದಂತೆ ಕಾಲೇಜು ಆವರಣದಲ್ಲಿ ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಿಸಲಾಯಿತು. “ನಮ್ಮ ಕಾಲೇಜಿನ ಪರಂಪರೆಯನ್ನು ಈ ಬಾರಿಯ ವಿದ್ಯಾರ್ಥಿಗಳು ಎತ್ತಿ ಹಿಡಿದಿದ್ದಾರೆ. 598 ಅಂಕ ಪಡೆಯುವುದು ಸಾಮಾನ್ಯ ಮಾತಲ್ಲ. ಇದು ಇಡೀ ಜಿಲ್ಲೆಗೆ ಹೆಮ್ಮೆಯ ವಿಷಯ,” ಎಂದು ಕಾಲೇಜಿನ ಆಡಳಿತ ಮಂಡಳಿ ಹರ್ಷ ವ್ಯಕ್ತಪಡಿಸಿದೆ.
Bangalore [Bangalore],Bangalore,Karnataka
