ಬೆಂಗಳೂರಿನ ಜೆ.ಪಿ.ನಗರದಲ್ಲಿರುವ ಏಕ್ಯ ಶಾಲೆಯು ಕಿಂಡರ್ಗಾರ್ಟನ್ನಿಂದ ಪ್ರಾಥಮಿಕ, ಪ್ರೌಢ ಶಿಕ್ಷಣವನ್ನು ನೀಡುತ್ತದೆ. ವಿದ್ಯಾರ್ಥಿಗಳಲ್ಲಿ ಹೊಸ ವಿಷಯಗಳ ಬಗ್ಗೆ ಶಿಕ್ಷಣ ನೀಡುವುದರಲ್ಲಿ, ನಾವಿನ್ಯತೆಯಲ್ಲಿ ಗಮನಾರ್ಹ ಸಾಧನೆ ಮಾಡಿದೆ.
ಏಕ್ಯ ಶಾಲೆಯ ಸಂಸ್ಥಾಪಕಿ ಡಾ. ತ್ರಿಷ್ಠ ರಾಮಮೂರ್ತಿ ಅವರು ಈ ಸಾಧನೆಯ ಬಗ್ಗೆ ಮಾತನಾಡುತ್ತಾ, “ಈ ಜಾಗತಿಕ ಗೌರವವನ್ನು ಪಡೆದಿರುವುದು ನಮಗೆ ಅತ್ಯಂತ ಸಂತಸದ ವಿಷಯ. ನಮ್ಮ ಗುರಿಯು ಯಾವಾಗಲೂ ವಿದ್ಯಾರ್ಥಿಗಳಿಗೆ ನಾವೀನ್ಯತೆ ಮತ್ತು ಅರ್ಥಪೂರ್ಣ ಪರಿಣಾಮವನ್ನು ಸೃಷ್ಟಿಸುವ ಮನಸ್ಥಿತಿ ಮತ್ತು ಕೌಶಲ್ಯಗಳನ್ನು ಒದಗಿಸುವುದಾಗಿದೆ,” ಎಂದು ಹೇಳಿದ್ದಾರೆ. 2011ರಲ್ಲಿ ಸ್ಥಾಪನೆಯಾದ ಏಕ್ಯ ಶಾಲೆಯು ಸಾಂಪ್ರದಾಯಿಕ ಕಲಿಕೆಯನ್ನು ಮೀರಿ, ಶೈಕ್ಷಣಿಕ ಕಠಿಣತೆಯನ್ನು ವಾಸ್ತವ-ಜಗತ್ತಿನ ಸಂಬಂಧದೊಂದಿಗೆ ಸಂಯೋಜಿಸುವ ವಿಶಿಷ್ಟ ಪಠ್ಯಕ್ರಮವನ್ನು ರೂಪಿಸಿದೆ.
ಏಕ್ಯ ಶಾಲೆಯ ಜೊತೆಗೆ, ಭಾರತದ ಮೂರು ಇತರ ಶಾಲೆಗಳು ಕೂಡ ವಿವಿಧ ವಿಭಾಗಗಳಲ್ಲಿ ಫೈನಲಿಸ್ಟ್ಗಳಾಗಿವೆ:
ಗವರ್ನಮೆಂಟ್ ಗರ್ಲ್ಸ್ ಸೀನಿಯರ್ ಸೆಕೆಂಡರಿ ಶಾಲೆ, NIT 5, ಫರೀದಾಬಾದ್, ಹರಿಯಾಣ: ಆರೋಗ್ಯವನ್ನು ಬೆಂಬಲಿಸುವ (Supporting Healthy Lives) ವಿಭಾಗದಲ್ಲಿ ಫೈನಲಿಸ್ಟ್. ಈ ಶಾಲೆಯು ಪೌಷ್ಟಿಕ ಆಹಾರ ಕಾರ್ಯಕ್ರಮಗಳು, ದೈಹಿಕ ಯೋಗಕ್ಷೇಮ ಮತ್ತು ಮಾನಸಿಕ ಆರೋಗ್ಯವನ್ನು ಶಿಕ್ಷಣದೊಂದಿಗೆ ಸುಧಾರಿಸಿದೆ.
ಜೆಡ್.ಪಿ. ಶಾಲೆ ಜಾಲಿಂದರ್ ನಗರ, ಖೇಡ್ ತಾಲೂಕ, ಪುಣೆ, ಮಹಾರಾಷ್ಟ್ರ: ಸಮುದಾಯ ಸಹಕಾರ (Community Collaboration) ವಿಭಾಗದಲ್ಲಿ ಫೈನಲಿಸ್ಟ್. ಈ ಸಾರ್ವಜನಿಕ ಪ್ರಾಥಮಿಕ ಶಾಲೆಯು ಸಬ್ಜೆಕ್ಟ್ ಫ್ರೆಂಡ್ ಎಂಬ ವಿದ್ಯಾರ್ಥಿಗಳ-ನೇತೃತ್ವದ ಕಲಿಕಾ ಮಾದರಿಯ ಮೂಲಕ ಸಾರ್ವಜನಿಕ ಶಿಕ್ಷಣವನ್ನು ಕ್ರಾಂತಿಕಾರಿಯಾಗಿ ಮಾರ್ಪಡಿಸಿದೆ, ಇದರಲ್ಲಿ ವಿವಿಧ ವಯಸ್ಸಿನ ವಿದ್ಯಾರ್ಥಿಗಳು ಒಬ್ಬರಿಗೊಬ್ಬರು ಕಲಿಸುತ್ತಾರೆ ಮತ್ತು ಕಲಿಯುತ್ತಾರೆ.
ದೆಹಲಿ ಪಬ್ಲಿಕ್ ಸ್ಕೂಲ್, ವಾರಾಣಸಿ, ಉತ್ತರ ಪ್ರದೇಶ: ಪರಿಸರ ಕಾರ್ಯಾಚರಣೆ (Environmental Action) ವಿಭಾಗದಲ್ಲಿ ಫೈನಲಿಸ್ಟ್. ಈ ಶಾಲೆಯು ವಿದ್ಯಾರ್ಥಿಗಳಿಗೆ ಪರಿಸರ ಸಂರಕ್ಷಣೆ ಮತ್ತು ಸಾಮಾಜಿಕ ಜವಾಬ್ದಾರಿಯನ್ನು ಕಲಿಕೆಯ ಭಾಗವಾಗಿ ಸಂಯೋಜಿಸುವ ಮೂಲಕ ಶೋಧಕ, ಸಂವೇದನಾಶೀಲ ಮತ್ತು ನಾಯಕತ್ವದ ಗುಣಗಳನ್ನು ಬೆಳೆಸುತ್ತಿದೆ.
ವಿಶ್ವದ ಶ್ರೇಷ್ಠ ಶಾಲೆ ಪ್ರಶಸ್ತಿಯನ್ನು ಟಿ4 ಎಜುಕೇಶನ್ ಸಂಸ್ಥೆಯು ಕೋವಿಡ್ ಸಾಂಕ್ರಾಮಿಕದ ನಂತರ ಆರಂಭಿಸಿತು, ಇದರ ಉದ್ದೇಶ ಶಾಲೆಗಳು ತಮ್ಮ ತರಗತಿಗಳಲ್ಲಿ ಮತ್ತು ಅದರಾಚೆಗೆ ಜೀವನವನ್ನು ಬದಲಾಯಿಸುವ ಕೆಲಸವನ್ನು ಗುರುತಿಸುವುದು.
ವಿಜೇತ ಶಾಲೆಗಳನ್ನು ಅಕ್ಟೋಬರ್ 2025 ರಲ್ಲಿ ಘೋಷಿಸಲಾಗುವುದು ಮತ್ತು ಫೈನಲಿಸ್ಟ್ಗಳು ಮತ್ತು ವಿಜೇತರು ನವೆಂಬರ್ 15-16, 2025 ರಂದು ಅಬುಧಾಬಿಯಲ್ಲಿ ನಡೆಯುವ ವಿಶ್ವ ಶಾಲೆಗಳ ಶೃಂಗಸಭೆ (World Schools Summit) ಗೆ ಆಹ್ವಾನಿತರಾಗುತ್ತಾರೆ. ಈ ಶೃಂಗಸಭೆಯಲ್ಲಿ, ಶಾಲೆಗಳು ತಮ್ಮ ನಾವೀನ್ಯತೆಯನ್ನು ಜಾಗತಿಕ ಶಿಕ್ಷಣ ಸಮುದಾಯದೊಂದಿಗೆ ಹಂಚಿಕೊಳ್ಳುವ ಅವಕಾಶವನ್ನು ಪಡೆಯುತ್ತವೆ.
June 19, 2025 6:10 PM IST
