1.84 ಲಕ್ಷ ಸಂಬಳ, 110 ಹುದ್ದೆಗಳು ಖಾಲಿ! SEBIಯಲ್ಲಿ ಕೆಲಸ ಮಾಡಲು ಇಲ್ಲಿದೆ ಸುವರ್ಣಾವಕಾಶ

SEBI ಭಾರತ ಸರ್ಕಾರದ ನಿಯಮಾನುಸಾರ ಸ್ಥಾಪಿತ statutory regulatory body ಆಗಿದ್ದು, ಮಾರುಕಟ್ಟೆಯ ಪಾರದರ್ಶಕತೆ ಮತ್ತು ಹೂಡಿಕೆದಾರರ ವಿಶ್ವಾಸ ಕಾಪಾಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. Officer Grade A ನೇಮಕಾತಿ ಮುಖ್ಯವಾಗಿ ಈ ಸ್ಟ್ರೀಮ್‌ಗಳಲ್ಲಿ ನಡೆಯಲಿದೆ: ಜನರಲ್, ಲೀಗಲ್, ಇನ್ಫರ್ಮೇಶನ್ ಟೆಕ್ನಾಲಜಿ, ರಿಸರ್ಚ್, ಅಧಿಕೃತ ಭಾಷೆ, ಎಲೆಕ್ಟ್ರಿಕಲ್ ಮತ್ತು ಸಿವಿಲ್ ಎಂಜಿನಿಯರಿಂಗ್.

• ಜನರಲ್ ಸ್ಟ್ರೀಮ್‌ನಲ್ಲಿ 56 ಹುದ್ದೆಗಳಿದ್ದು, ಅಭ್ಯರ್ಥಿಗಳು ಮಾಸ್ಟರ್ಸ್ ಪದವಿ ಅಥವಾ ಪೋಸ್ಟ್ ಗ್ರಾಜ್ಯುಯೇಟ್ ಡಿಪ್ಲೊಮಾ ಅಥವಾ Chartered Accountant, Company Secretary, CFA ಮುಂತಾದ ಪ್ರಮಾಣಪತ್ರಗಳನ್ನು ಹೊಂದಿರಬೇಕು.
• ಲೀಗಲ್ ಸ್ಟ್ರೀಮ್‌ನಲ್ಲಿ 20 ಹುದ್ದೆಗಳಿದ್ದು, Bachelor of Law ಪದವಿ ಮತ್ತು ಕನಿಷ್ಠ ಎರಡು ವರ್ಷಗಳ ಕಾನೂನು ಅನುಭವ ಅಗತ್ಯ.
• ಇನ್ಫರ್ಮೇಶನ್ ಟೆಕ್ನಾಲಜಿ ಸ್ಟ್ರೀಮ್‌ನಲ್ಲಿ 22 ಹುದ್ದೆಗಳಿದ್ದು, ಕಂಪ್ಯೂಟರ್ ಸೈನ್ಸ್ ಅಥವಾ ಐಟಿ ಕ್ಷೇತ್ರದ ಇಂಜಿನಿಯರಿಂಗ್ ಪದವಿ ಅಥವಾ ಪಿಜಿ ಡಿಪ್ಲೊಮಾ ಅಗತ್ಯ.
• ರಿಸರ್ಚ್ ಸ್ಟ್ರೀಮ್‌ನಲ್ಲಿ 4 ಹುದ್ದೆಗಳಿದ್ದು, ಅರ್ಥಶಾಸ್ತ್ರ, ವ್ಯವಹಾರ, ಅಂಕಗಣಿತ, ಡೇಟಾ ಸೈನ್ಸ್ ಅಥವಾ AI ಸೇರಿದಂತೆ ಸಂಬಂಧಿತ ಕ್ಷೇತ್ರಗಳಲ್ಲಿ ಉನ್ನತ ಪದವಿ ಅಗತ್ಯ.
• ಅಧಿಕೃತ ಭಾಷೆ ವಿಭಾಗದಲ್ಲಿ 3 ಹುದ್ದೆಗಳಿದ್ದು, ಹಿಂದಿ ಮತ್ತು ಇಂಗ್ಲಿಷ್ ಅಥವಾ ಸಂಸ್ಕೃತ ವಿಷಯಗಳಲ್ಲಿ ಮಾಸ್ಟರ್ಸ್ ಪದವಿ ಅಗತ್ಯ.
• ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ ವಿಭಾಗದಲ್ಲಿ 2 ಹುದ್ದೆಗಳಿದ್ದು, ಎಲೆಕ್ಟ್ರಿಕಲ್ ಇಂಜಿನಿಯರಿಂಗ್ ಪದವಿ ಮತ್ತು ತಾಂತ್ರಿಕ ಅನುಭವ ಅಗತ್ಯ.
• ಸಿವಿಲ್ ಎಂಜಿನಿಯರಿಂಗ್ ವಿಭಾಗದಲ್ಲಿ 3 ಹುದ್ದೆಗಳಿದ್ದು, ಸಿವಿಲ್ ಇಂಜಿನಿಯರಿಂಗ್ ಪದವಿ ಮತ್ತು ಪ್ರಾಜೆಕ್ಟ್ ನಿರ್ವಹಣಾ ಸಾಮರ್ಥ್ಯ ಅಗತ್ಯ.

ಅರ್ಜಿ ಸಲ್ಲಿಕೆ ಸಂಪೂರ್ಣವಾಗಿ ಆನ್ಲೈನ್ ಪ್ರಕ್ರಿಯೆಯಲ್ಲಿಯೇ ಮಾಡಬೇಕಾಗಿದೆ. ಅಭ್ಯರ್ಥಿಗಳು SEBI ಅಧಿಕೃತ ವೆಬ್‌ಸೈಟ್‌ನಲ್ಲಿ ಅರ್ಜಿ ಸಲ್ಲಿಸಬಹುದು. ಅರ್ಜಿ ಸಲ್ಲಿಕೆ 2025 ಅಕ್ಟೋಬರ್ 30ರಿಂದ ಆರಂಭವಾಗುತ್ತಿದ್ದು, ನಿಗದಿತ ದಿನಾಂಕದೊಳಗೆ ಅರ್ಜಿ ಪೂರ್ಣಗೊಳಿಸಬೇಕು. ಯಾವುದೇ ಆಫ್‌ಲೈನ್ ಅರ್ಜಿಗಳನ್ನು ಸ್ವೀಕರಿಸಲಾಗುವುದಿಲ್ಲ. ಅರ್ಜಿ ಶುಲ್ಕ ವರ್ಗ ಪ್ರಕಾರ ಬದಲಾಗುತ್ತದೆ ಮತ್ತು ಅದು ಕಡ್ಡಾಯವಾಗಿದೆ.

ಅರ್ಜಿ ಸಲ್ಲಿಸುವ ಅಭ್ಯರ್ಥಿಯ ವಯಸ್ಸು ಸೆಪ್ಟೆಂಬರ್ 30, 2025ರಂದು 30 ವರ್ಷಕ್ಕಿಂತ ಕಡಿಮೆ ಇರಬೇಕು. ಸರ್ಕಾರದ ನಿಯಮಾನುಸಾರ SC, ST, OBC, EWS ಮತ್ತು PwBD ವರ್ಗಗಳಿಗೆ ವಯೋವಿಸ್ತರಣೆ ಮತ್ತು ಮೀಸಲಾತಿ ಸೌಲಭ್ಯ ಲಭ್ಯವಿದೆ.

SEBI Officer Grade A ನೇಮಕಾತಿಯ ಆಯ್ಕೆ ಪ್ರಕ್ರಿಯೆ ಮೂರು ಹಂತಗಳಲ್ಲಿ ನಡೆಯಲಿದೆ. ಮೊದಲ ಹಂತದಲ್ಲಿ ಎರಡು ಆನ್ಲೈನ್ ಪರೀಕ್ಷೆಗಳು ನಡೆಯುತ್ತವೆ. ಈ ಹಂತದಲ್ಲಿ ಆಯ್ಕೆಯಾದ ಅಭ್ಯರ್ಥಿಗಳು ಎರಡನೇ ಹಂತದ ಪರೀಕ್ಷೆಗೆ ಅರ್ಹರಾಗುತ್ತಾರೆ. ಎರಡನೇ ಹಂತದ ನಂತರ ಅಂತಿಮ ಹಂತವಾಗಿ ಸಂದರ್ಶನ ನಡೆಯುತ್ತದೆ. SEBI ಪರೀಕ್ಷಾ ವಿನ್ಯಾಸ ಮತ್ತು ಅಂಕದ ವ್ಯವಸ್ಥೆಯನ್ನು ಬದಲಾಯಿಸುವ ಹಕ್ಕನ್ನು ಹೊಂದಿದೆ.

Officer Grade A ಹುದ್ದೆಗಳಿಗೆ ನೇಮಕವಾದ ಅಭ್ಯರ್ಥಿಗಳಿಗೆ ಉತ್ತಮ ವೇತನ ಮತ್ತು ಸೌಲಭ್ಯ ದೊರೆಯುತ್ತದೆ. ಅದ್ರಂತೆ, ಪ್ರಾರಂಭಿಕ ಹಂತದಲ್ಲಿ ಸುಮಾರು 1,84,000 ರೂಪಾಯಿಗಳ ಪ್ರಾಥಮಿಕ ಸಂಬಳ ದೊರೆಯುತ್ತದೆ. ವೇತನದಲ್ಲಿ ಮನೆ ಬಾಡಿಗೆ ಭತ್ಯೆ, ವೈದ್ಯಕೀಯ ಸೌಲಭ್ಯ, ನಿವೃತ್ತಿ ಯೋಜನೆಗಳು ಮತ್ತು ಇತರ ಆರ್ಥಿಕ ಸೌಲಭ್ಯಗಳು ಒಳಗೊಂಡಿರುತ್ತವೆ. ಪ್ರಾರಂಭದಲ್ಲಿ ಅಭ್ಯರ್ಥಿಗಳು ಒಂದು ವರ್ಷದ ಪ್ರಾಬೇಶನ್ ಅವಧಿ ಪೂರೈಸಬೇಕು, ಬಳಿಕ ಶಾಶ್ವತ ಹುದ್ದೆಗೆ ನೇಮಕವಾಗುತ್ತಾರೆ.

ಭಾರತದ ಆರ್ಥಿಕ ಸ್ಥಿರತೆ ಮತ್ತು ಹೂಡಿಕೆದಾರರ ವಿಶ್ವಾಸ ಕಾಪಾಡುವಲ್ಲಿ SEBI ನ ಪ್ರಮುಖ ಪಾತ್ರವಿದೆ. ಹಾಗಾಗಿ, Officer Grade A ಹುದ್ದೆಗಳು ಕೇವಲ ಸರ್ಕಾರಿ ಉದ್ಯೋಗವಲ್ಲ, ಭಾರತದ ಹಣಕಾಸು ಮಾರುಕಟ್ಟೆಯ ಬೆಳವಣಿಗೆಗೆ ಸಹಕಾರ ನೀಡುವ ಅತ್ಯಂತ ಗೌರವಾನ್ವಿತ ಹುದ್ದೆಗಳಾಗಿವೆ.