Last Updated:
Bangalore Job: ಬೆಂಗಳೂರು ವಿಶ್ವವಿದ್ಯಾಲಯವು 2025-26ನೇ ಶೈಕ್ಷಣಿಕ ಸಾಲಿನಲ್ಲಿ ಸಂಪೂರ್ಣಕಾಲಿಕ ಮತ್ತು ಭಾಗಕಾಲಿಕ ಅತಿಥಿ ಉಪನ್ಯಾಸಕರ ಹುದ್ದೆಗಳಿಗೆ ಅರ್ಜಿಗಳನ್ನು ಆಹ್ವಾನಿಸಿದೆ. ಈ ಹುದ್ದೆಗಳು ಜ್ಞಾನಭಾರತಿ ಕ್ಯಾಂಪಸ್ ಮತ್ತು ರಾಮನಗರ ಪಿಜಿ ಸೆಂಟರ್‌ನ ಪಿಜಿ ವಿಭಾಗಗಳಲ್ಲಿ ಲಭ್ಯವಿದ್ದು, ಆಸಕ್ತರು ಅರ್ಜಿ ಸಲ್ಲಿಸಬಹುದಾಗಿ; ಆ ಕರಿತ ಸಂಪೂರ್ಣ ವಿವರ ಇಲ್ಲಿದೆ:
ಬೆಂಗಳೂರು: ಬೆಂಗಳೂರು ವಿಶ್ವವಿದ್ಯಾಲಯವು 2025-26ನೇ ಶೈಕ್ಷಣಿಕ ಸಾಲಿನಲ್ಲಿ ಸಂಪೂರ್ಣಕಾಲಿಕ ಮತ್ತು ಭಾಗಕಾಲಿಕ ಅತಿಥಿ ಉಪನ್ಯಾಸಕರ ಹುದ್ದೆಗಳಿಗೆ ಅರ್ಜಿಗಳನ್ನು ಆಹ್ವಾನಿಸಿದೆ. ಈ ಹುದ್ದೆಗಳು ಜ್ಞಾನಭಾರತಿ ಕ್ಯಾಂಪಸ್ ಮತ್ತು ರಾಮನಗರ ಪಿಜಿ ಸೆಂಟರ್‌ನ ಪಿಜಿ ವಿಭಾಗಗಳಲ್ಲಿ ಲಭ್ಯವಿದ್ದು, ಪ್ರತಿ ವಿಭಾಗದ ಹಾಲಿ ಕಾರ್ಯಭಾರವನ್ನು ಆಧರಿಸಿ ನೇಮಕಾತಿ ಪ್ರಕ್ರಿಯೆ ನಡೆಯಲಿದೆ. ಅರ್ಜಿ ಸಲ್ಲಿಸುವ ಪ್ರಕ್ರಿಯೆ, ಅರ್ಹತೆ, ಹುದ್ದೆಗಳ ಪಟ್ಟಿ ಹಾಗೂ ಪ್ರಮುಖ ದಿನಾಂಕಗಳ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಆನ್‌ಲೈನ್ ಅರ್ಜಿ ಪ್ರಕ್ರಿಯೆ 06 ಸೆಪ್ಟೆಂಬರ್ 2025 ಬೆಳಿಗ್ಗೆ 10:00 ಗಂಟೆಗೆ ಆರಂಭವಾಗುತ್ತದೆ ಮತ್ತು 14 ಸೆಪ್ಟೆಂಬರ್ 2025 ಸಂಜೆ 5:00 ಗಂಟೆಯವರೆಗೆ ಲಭ್ಯವಿರುತ್ತದೆ. ಅರ್ಜಿದಾರರು ಆನ್‌ಲೈನ್ ಅರ್ಜಿ ಸಲ್ಲಿಸಿದ ನಂತರ ಅದರ ಮುದ್ರಿತ ಪ್ರತಿಯನ್ನು ಸಂಬಂಧಿತ ವಿಭಾಗಕ್ಕೆ 17 ಸೆಪ್ಟೆಂಬರ್ 2025 ಸಂಜೆ 5:00 ಗಂಟೆಯೊಳಗೆ ಸಲ್ಲಿಸಬೇಕು.
ಲಭ್ಯವಿರುವ ಹುದ್ದೆಗಳ ಪಟ್ಟಿ
1. ಜೆ.ಬಿ. ಕ್ಯಾಂಪಸ್ (Jnana Bharathi Campus)
- ಕಲಾ ವಿಭಾಗ (Faculty of Arts): ಹಿಂದಿ, ಉರ್ದು, ಸಂಸ್ಕೃತ, ತೆಲುಗು, ಸಾಮಾಜಿಕ ಕಾರ್ಯ, ಇತಿಹಾಸ, ದೃಶ್ಯಕಲೆ, ರಾಜಕೀಯ ವಿಜ್ಞಾನ, ಸಂವಹನ, ಮಹಿಳಾ ಅಧ್ಯಯನ, ತತ್ವಶಾಸ್ತ್ರ, ಪ್ರದರ್ಶನ ಕಲೆ, ಡಾ. ಬಿ.ಆರ್. ಅಂಬೇಡ್ಕರ್ ಅಧ್ಯಯನ, ಗ್ರಾಮೀಣಾಭಿವೃದ್ಧಿ ಕೇಂದ್ರ.
- ವಿಜ್ಞಾನ ವಿಭಾಗ (Faculty of Science): ರಸಾಯನಶಾಸ್ತ್ರ, ಜೈವ ರಸಾಯನಶಾಸ್ತ್ರ, ಸಸ್ಯಶಾಸ್ತ್ರ, ಸಾಂಖ್ಯಿಕಶಾಸ್ತ್ರ, ಎಲೆಕ್ಟ್ರಾನಿಕ್ ಸೈನ್ಸ್, ಪ್ರಾಣಿಶಾಸ್ತ್ರ, ಅನ್ವಯಿಕ ಜಿನೆಟಿಕ್ಸ್ ಮತ್ತು ಫೊರೆನ್ಸಿಕ್ ಸೈನ್ಸ್, ಪರಿಸರಶಾಸ್ತ್ರ, ಜೀವಶಾಸ್ತ್ರ, ಭೂವಿಜ್ಞಾನ, ಭೂಗೋಳಶಾಸ್ತ್ರ, ಎಟಿಎಂ, ಎಲೆಕ್ಟ್ರಾನಿಕ್ ಮೀಡಿಯಾ (ಚಿತ್ರ ನಿರ್ಮಾಣ, ಗ್ರಾಫಿಕ್ ಮತ್ತು ಆನಿಮೇಶನ್), ಮನೋವಿಜ್ಞಾನ, ಯೋಗ ವಿಜ್ಞಾನ, ಭೌತಶಾಸ್ತ್ರ, ಗ್ರಂಥಾಲಯ ಹಾಗೂ ಮಾಹಿತಿ ವಿಜ್ಞಾನ, ಎಂಸಿಎ, ಸೂಕ್ಷ್ಮಜೀವಶಾಸ್ತ್ರ, ಜೈವ ತಂತ್ರಜ್ಞಾನ ಮತ್ತು ಆಹಾರ ತಂತ್ರಜ್ಞಾನ.
- ವಾಣಿಜ್ಯ ವಿಭಾಗ (Faculty of Commerce): ವಾಣಿಜ್ಯ, ನಿರ್ವಹಣಾ ಅಧ್ಯಯನಗಳು (CBSMS).
- ಶಿಕ್ಷಣ ವಿಭಾಗ (Faculty of Education): ಶಿಕ್ಷಣ, ದೈಹಿಕ ಶಿಕ್ಷಣ.
ಕನ್ನಡ, ಸಾಮಾಜಿಕ ಕಾರ್ಯ, ಸಮಾಜಶಾಸ್ತ್ರ, ಇತಿಹಾಸ, ಅರ್ಥಶಾಸ್ತ್ರ, ಗ್ರಾಮೀಣಾಭಿವೃದ್ಧಿ ಅಧ್ಯಯನ, ರಾಜಕೀಯ ವಿಜ್ಞಾನ, ಗಣಿತ, ವಾಣಿಜ್ಯ.
ಅರ್ಜಿ ಸಲ್ಲಿಸುವ ವಿಧಾನ
- ಅಭ್ಯರ್ಥಿಗಳು ಬೆಂಗಳೂರು ವಿಶ್ವವಿದ್ಯಾಲಯದ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ: https://bangaloreuniversity.karnataka.gov.in/
- ಆನ್‌ಲೈನ್ ಅರ್ಜಿಯನ್ನು 06.09.2025 ರಿಂದ 14.09.2025ರ ಒಳಗೆ ಸಲ್ಲಿಸಬೇಕು.
- ಅರ್ಜಿ ಸಲ್ಲಿಸುವಾಗ ಪ್ರಕ್ರಿಯಾ ಶುಲ್ಕವನ್ನು ಪಾವತಿಸಬೇಕು: ಸಾಮಾನ್ಯ ಅಭ್ಯರ್ಥಿಗಳಿಗೆ ರೂ. 200/-, ಎಸ್‌ಸಿ/ಎಸ್‌ಟಿ/ಕ್ಯಾಟ್-1 ಅಭ್ಯರ್ಥಿಗಳಿಗೆ ರೂ. 100/-
- ಆನ್‌ಲೈನ್ ಅರ್ಜಿ ಸಲ್ಲಿಸಿದ ನಂತರ ಅದರ ಮುದ್ರಿತ ಪ್ರತಿಯನ್ನು ಸಂಬಂಧಿತ ಪಿಜಿ ವಿಭಾಗಕ್ಕೆ 17.09.2025ರೊಳಗೆ ಸಲ್ಲಿಸುವುದು ಕಡ್ಡಾಯ.
ಅಭ್ಯರ್ಥಿಗಳು ಕನಿಷ್ಠ NET/SLET/PhD ಪಾಸಾಗಿರಬೇಕು.
ಅಭ್ಯರ್ಥಿಗಳ ಶಿಕ್ಷಣ ಕ್ರಮ 10+2+3+2 ಮಾದರಿಯಲ್ಲಿರಬೇಕು.
ಯುಜಿಸಿ 2018ರ ನಿಯಮಾವಳಿಗಳು ಹಾಗೂ 30.06.2023ರ ತಿದ್ದುಪಡಿ ಅಧಿಸೂಚನೆಯ ಪ್ರಕಾರ ಅರ್ಹತೆಗಳನ್ನು ಪರಿಶೀಲಿಸಲಾಗುತ್ತದೆ.
ಲಭ್ಯವಿರುವ ಕಾರ್ಯಭಾರವನ್ನು ಆಧರಿಸಿ ಸಂಬಂಧಿತ ವಿಭಾಗಗಳು ಅತಿಥಿ ಉಪನ್ಯಾಸಕರನ್ನು ಆಯ್ಕೆ ಮಾಡುತ್ತವೆ.
ವಿಶ್ವವಿದ್ಯಾಲಯವು ಯಾವುದೇ ಅಭ್ಯರ್ಥಿಯನ್ನು ಆಯ್ಕೆ ಮಾಡುವ ಅಥವಾ ನಿರಾಕರಿಸುವ ಹಕ್ಕನ್ನು ಹೊಂದಿದೆ.
ಆನ್‌ಲೈನ್ ಅರ್ಜಿ ಪ್ರಾರಂಭ: 06 ಸೆಪ್ಟೆಂಬರ್ 2025, ಬೆಳಿಗ್ಗೆ 10:00 ಗಂಟೆ
ಆನ್‌ಲೈನ್ ಅರ್ಜಿ ಕೊನೆಯ ದಿನಾಂಕ: 14 ಸೆಪ್ಟೆಂಬರ್ 2025, ಸಂಜೆ 5:00 ಗಂಟೆ
ಅರ್ಜಿಯ ಮುದ್ರಿತ ಪ್ರತಿಯನ್ನು ಸಲ್ಲಿಸುವ ಕೊನೆಯ ದಿನಾಂಕ: 17 ಸೆಪ್ಟೆಂಬರ್ 2025, ಸಂಜೆ 5:00 ಗಂಟೆ
Bangalore,Karnataka
September 10, 2025 7:51 PM IST
