HEC ಪ್ಯಾರಿಸ್ನಿಂದ ಎಂಬಿಎ ಪದವಿ ಮತ್ತು ಒಂದು ದಶಕದ ಜಾಗತಿಕ ಅನುಭವ ಹೊಂದಿರುವ ಭಾರತೀಯ ವೃತ್ತಿಪರರು ಭಾರತಕ್ಕೆ ಮರಳಲು ಪ್ರಯತ್ನಿಸುತ್ತಿದ್ದು, ತಮ್ಮ ನಿರಾಶಾದಾಯಕ ಮತ್ತು ಬೇಸರದ ಉದ್ಯೋಗ ಹುಡುಕಾಟ ಪ್ರಯಾಣವನ್ನು ರೆಡ್ಡಿಟ್ನಲ್ಲಿ ಹಂಚಿಕೊಂಡಿದ್ದಾರೆ. ಜರ್ಮನಿಯ ಕೈಗಾರಿಕಾ ಕಂಪನಿಯೊಂದರಲ್ಲಿ AI ಮತ್ತು ಡಿಜಿಟಲ್ ತಂತ್ರದಲ್ಲಿ ಹಿರಿಯ ವ್ಯವಸ್ಥಾಪಕ ಪಾತ್ರವನ್ನು ನಿರ್ವಹಿಸುತ್ತಿರುವ ಈ ವ್ಯಕ್ತಿಗೆ ಭಾರತದಲ್ಲಿ ಎಷ್ಟೇ ಪ್ರಯತ್ನಿಸಿದ್ರೂ ಕೆಲಸ ಸಿಗುತ್ತಿಲ್ಲವಂತೆ.
ಒಳ್ಳೆಯ ಪದವಿ, ಉತ್ತಮ ಕೆಲಸದ ಅನುಭವದ ಹೊರತಾಗಿಯೂ ಭಾರತದಲ್ಲಿ ಕೆಲಸ ಸಿಗುತ್ತಿಲ್ಲ, ಇದರಿಂದ ಸ್ವದೇಶಕ್ಕೆ ಮರುಳುವ ಅದೃಷ್ಟವೂ ನನ್ನದಾಗುತ್ತಿಲ್ಲ ಎಂದು ವ್ಯಕ್ತಿ ಬೇಸರದ ಪೋಸ್ಟ್ ಮಾಡಿದ್ದರೆ.
ತಮಿಳುನಾಡಿನ PSG ಟೆಕ್ನಿಂದ ಎಂಜಿನಿಯರಿಂಗ್ ಪದವಿ ಪಡೆದಿರುವ ವ್ಯಕ್ತಿ, ಕಳೆದ ಎರಡು ವರ್ಷಗಳಲ್ಲಿ ಕೈಗಾರಿಕಾ, ತಂತ್ರಜ್ಞಾನ ಮತ್ತು ಆರಂಭಿಕ ವಲಯಗಳಲ್ಲಿ ವ್ಯವಸ್ಥಾಪಕ ಮತ್ತು ಹಿರಿಯ ಹುದ್ದೆಗಳು ಸೇರಿದಂತೆ ನೂರಾರು ಹುದ್ದೆಗಳಿಗೆ ಅರ್ಜಿ ಸಲ್ಲಿಸಿದ್ದೇನೆ ಎಂದು ರೆಡಿಟ್ಟ್ನಲ್ಲಿ ಬರೆದುಕೊಂಡಿದ್ದಾರೆ.
ಲಿಂಕ್ಡ್ಇನ್, ಮೈಕೆಲ್ ಪೇಜ್ನಂತಹ ಸಿಬ್ಬಂದಿ ಸಂಸ್ಥೆಗಳ ಮೂಲಕ ಮತ್ತು ನೇರವಾಗಿ ಕಂಪನಿಯ ವೆಬ್ಸೈಟ್ಗಳಲ್ಲಿ ಕವರ್ ಲೆಟರ್ಗಳೊಂದಿಗೆ ಅರ್ಜಿಗಳನ್ನು ಸಲ್ಲಿಸಿದ್ದೇನೆ, ಆದ್ರೂ ಕೂಡ ಒಂದೇ ಒಂದು ಕಾಲ್ ಬರುತ್ತಿಲ್ಲ, ಯಾವ ಉದ್ಯೋಗದ ಅವಕಾಶವೂ ಲಭಿಸುತ್ತಿಲ್ಲ ಎಂದು ಬರೆದುಕೊಂಡಿದ್ದಾರೆ.
ಎಷ್ಟೇ ಪ್ರಯತ್ನಿಸಿದ್ರೂ ಉದ್ಯೋಗ ಸಿಗದ ಕಾರಣ, ನನ್ನ ಪ್ರಸ್ತುತ ಹುದ್ದೆಗಿಂತ ಕೆಳಗಿನ ಹುದ್ದೆಗಳಿಗೆ ಹಾಗೂ ಹಿರಿಯ ವ್ಯವಸ್ಥಾಪಕ ಹುದ್ದೆಗಳು ಮತ್ತು ಅದಕ್ಕಿಂತ ಹೆಚ್ಚಿನ ಹುದ್ದೆಗಳಿಗೆ ನಾನು ಅರ್ಜಿ ಸಲ್ಲಿಸುತ್ತಿದ್ದೇನೆ ಎಂದು ಈ ವ್ಯಕ್ತಿ ಹೇಳಿದ್ದಾರೆ.
ನಮ್ಮ ದೇಶ ಬಿಟ್ಟು ಬೇರೆ ಕಡೆಯಿಂದ ನನಗೆ ಆಫರ್ ಸಿಗುತ್ತಿದೆ. EU ನಲ್ಲಿನ ನೇಮಕಾತಿದಾರರು ಮತ್ತು ಕಂಪನಿಗಳಿಂದ ಸಾಂದರ್ಭಿಕವಾಗಿ ಕೆಲಸದ ಆಫರ್ ಬರುತ್ತಿವೆ. ಆದರೆ ಭಾರತೀಯ ಉದ್ಯೋಗದಾತರಿಂದ ಯಾವುದೇ ಪ್ರತಿಕ್ರಿಯೆಗಳು ಬಂದಿಲ್ಲ ಎಂದು ಅವರು ಬೇಸರ ವ್ಯಕ್ತಪಡಿಸಿದ್ದಾರೆ.
ತಮ್ಮ ಉದ್ಯೋಗ ಹುಡುಕಾಟದ ಪ್ರಯಾಣವನ್ನು ಹಂಚಿಕೊಂಡ ನಂತರ, ಸಾಂಸ್ಕೃತಿಕ ಫಿಟ್ ಕಾಳಜಿಗಳು, ಅತಿಯಾದ ಅರ್ಹತೆ, ಸ್ಥಳೀಯ ನೆಟ್ವರ್ಕಿಂಗ್ ಕೊರತೆ ಮತ್ತು ನೇಮಕಾತಿ ಪದ್ಧತಿಗಳಲ್ಲಿನ ವ್ಯತ್ಯಾಸಗಳು ಸೇರಿದಂತೆ ಹಿಂದಿರುಗುವ ಅನಿವಾಸಿ ಭಾರತೀಯರು ಎದುರಿಸುತ್ತಿರುವ ಸವಾಲುಗಳ ಕುರಿತು ರೆಡ್ಡಿಟ್ ಪೋಸ್ಟ್ ಚರ್ಚೆಗಳನ್ನು ಹುಟ್ಟುಹಾಕಿದೆ.
ಆಟೋಮೋಟಿವ್ ಮತ್ತು ಕೈಗಾರಿಕಾ ವಲಯಗಳೆರಡರಲ್ಲೂ ಅನುಭವ ಮತ್ತು ಬಲವಾದ ಶೈಕ್ಷಣಿಕ ಹಿನ್ನೆಲೆ ಎರಡೂ ಇದ್ರೂ ಉದ್ಯೋಗ ಸಿಗದಿದ್ದಕ್ಕೆ ಅನಿವಾಸಿ ಭಾರತೀಯರು ಆತಂಕಕ್ಕೊಳಗಾಗಿದ್ದಾರೆ.
ಭಾರತದ ತಂತ್ರಜ್ಞಾನ ಮತ್ತು ಕೈಗಾರಿಕಾ ವಲಯಗಳು ಪ್ರವರ್ಧಮಾನಕ್ಕೆ ಬರುತ್ತಿದ್ದರೂ, ವಿದೇಶಗಳಲ್ಲಿನ ಅರ್ಹ ವೃತ್ತಿಪರರು ಭಾರತೀಯ ಉದ್ಯೋಗ ಮಾರುಕಟ್ಟೆಯಲ್ಲಿ ಸಮಸ್ಯೆ ಎದುರಿಸುತ್ತಿರುವುದು ನಿಜಕ್ಕೂ ಕಳವಳಕಾರಿಯಾಗಿದೆ.
July 07, 2025 8:41 PM IST
Jobs: ಪ್ಯಾರೀಸ್ನಲ್ಲಿ ಪದವಿ, ವಿದೇಶದಲ್ಲಿ ಕೆಲಸದ ಅನುಭವ! ಆದ್ರೂ ಈತನಿಗೆ ಸಿಗ್ತಿಲ್ವಂತೆ ಭಾರತದಲ್ಲಿ ಒಂದೊಳ್ಳೆ ಜಾಬ್!
