ಸಾಮಾನ್ಯವಾಗಿ ಯಾವುದೇ ಕೆಲಸವಾದರೂ ಸರಿ ಅದಕ್ಕೊಂದು ಟೈಮಿಂಗ್ಸ್ ಇರಲೇ ಬೇಕು. ಏನಾದರೂ ಇಲ್ಲದೇ ಹೋದರೆ ಉದ್ಯೋಗಿಗಳ ಪಾಡು ಕೇಳೊಕೆ ಸಾಧ್ಯವಿಲ್ಲ; ಅದಕ್ಕೆ ಈ ಯುವತಿ ಪಟ್ಟಿರುವ ಕಷ್ಟವೇ ಸ್ಪಷ್ಟ ಉದಾಹರಣೆಯಾಗಿದೆ.
ಹೌದು, Kad shatakshi ಹೆಸರಿನ ಎಂಬ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಶೇರ್ ಮಾಡಲಾದ ವಿಡಿಯೋದಲ್ಲಿ, ಯುವತಿಯೊಬ್ಬಳು, ತಾನು ಕೆಲಸ ಮಾಡುವ ಕಂಪನಿಯ ಕೆಲಸದ ಸಂಸ್ಕೃತಿ ಬಗ್ಗೆ ಮಾತನಾಡಿದ್ದಾಳೆ. ಅದರಲ್ಲಿ, ಜನರೇಷನ್ ಝೆಡ್ ಅವರು ಎಕ್ಸ್ ಹಾಗೂ ವೈ ಅವರಂತೆ ಎಲ್ಲದನ್ನೂ ಚಾಚು ತಪ್ಪದೇ ಪಾಲಿಸುವುದಿಲ್ಲ ಎನ್ನುವುದು ಸ್ಪಷ್ಟಪಡಿಸಿದ್ದಾಳೆ. ಈ ಮೂಲಕ, ಎಕ್ಸ್ ಹಾಗೂ ವೈ ತಲೆಮಾರಿನವರೇ, ಕಠಿಣ ಪರಿಶ್ರಮದ ಹೆಸರಿನಲ್ಲಿ ಟಾಕ್ಸಿಕ್ ಕೆಲಸದ ಸಂಸ್ಕೃತಿಯನ್ನು ಪಾಲಿಸಬೇಡಿ ಎಂದು ಖಡಕ್ ಆಗಿ ಹೇಳಿದ್ದಾಳೆ. ಮುಂದುವರೆದು, ತನ್ನ ಕಚೇರಿಯಲ್ಲಿ ಆದ ಘಟನೆಯೊಂದನ್ನು ಸಹ ಅದರಲ್ಲಿ ವಿವರಿಸಿದ್ದಾಳೆ.
ಇನ್ನು ತನ್ನ ಟಾಕ್ಸಿಕ್ ವರ್ಕ್ ಕಲ್ಚರ್ ಬಗ್ಗೆ ವಿವರಿಸಿರುವ ಆ ಯುವತಿ, “ನಾನು ಕೆಲಸ ಮುಗಿಸಿ ಮನೆಗೆ ಹೊರಡುತ್ತಿದ್ದೆ. ಆಗ ನನ್ನ ರಿಪೋರ್ಟಿಂಗ್ ಮ್ಯಾನೇಜರ್ ಬಂದು, ‘ಶತಾಕ್ಷಿ, ಸ್ವಲ್ಪ ಹೆಚ್ಚುವರಿ ಕೆಲಸವಿದೆ, ಆ ಕೆಲಸವನ್ನು ನಾನು ನಿನಗೆ ಕೊಡುತ್ತಿದ್ದೇನೆ, ದಯವಿಟ್ಟು ಮುಗಿಸು” ಎಂದು ಹೇಳಿದ್ದಾರೆ, ಆದಕ್ಕೆ ಆಕೆ ನೇರವಾಗಿಯೇ, ‘ಸರ್, ಕ್ಷಮಿಸಿ, ನನ್ನ ಕೆಲಸದ ಅವಧಿ ಮುಗಿದಿದೆ. ಹಾಗಾಗಿ, ನಾನು ಇಂದು ಸಮಯಕ್ಕೆ ಸರಿಯಾಗಿ ಮನೆಗೆ ಹೋಗಬೇಕಿದೆ’ ಎಂದು ಉತ್ತರಿಸಿ, ಹೊರಟೆ ಎಂದಿದ್ದಾಳೆ.
ಮುಂದುವರೆದು, ನಾನು ಸಮಯಕ್ಕಿಂತ ಬೇಗನೇ ಕಚೇರಿಯಿಂದ ಹೊರಟಿಲ್ಲ. ಕಚೇರಿಯ ಅವಧಿಯಲ್ಲಿ ನನ್ನ ಎಲ್ಲಾ ಜವಾಬ್ದಾರಿ ಪೂರೈಸಿದ್ದೇನೆ. ಜೊತೆಗೆ ನಾನು ಇಂದು ಉಪವಾಸದಲ್ಲಿದ್ದೇನೆ, ಇದರೊಂದಿಗೆ, ನಿನ್ನೆ ರಾತ್ರಿ ಬೇರೆ ನಾನು ರೈಲಿನಲ್ಲಿ ಪ್ರಯಾಣ ಮಾಡಿದ್ದು, ಬೆಳಗ್ಗೆ 7 ಗಂಟೆಗೆ ತಲುಪಿದ್ದೆ. ಆದರೂ, ನಾನು ಸರಿಯಾಗಿ 7:30 ಕ್ಕೆ ಕಚೇರಿಗೆ ಹಾಜರಾಗಿದ್ದೆ, ಅದರಂತೆ, ಸಂಜೆ 6:30 ರವರೆಗೆ ಕೆಲಸ ಮಾಡಿದ್ದೇನೆ ಎಂದಿದ್ದಾರೆ.
ಅದರಂತೆ, ಓರ್ವ ಸಾಮಾಜಿಕ ಜಾಲತಾಣದ ಬಳಕೆದಾರರೂ, “ಅತಿಯಾಗಿ ಕೆಲಸಮಾಡೋದು ಹೆಮ್ಮೆಪಡುವ ವಿಷಯವಲ್ಲ; ಅದೊಂತರ ಶೋಷಣೆಯೇ! ಹಾಗಾಗಿ, ಈ ಮಾತನ್ನು ಧೈರ್ಯವಾಗಿ ಹೇಳಿದ ನಿಮ್ಮನ್ನ ಗೌರವಿಸುತ್ತೇನೆ❤️🙌” ಎಂದು ಬರೆದಿದ್ದಾರೆ. ಮತ್ತೊಬ್ಬರು, “ಪ್ರಾಮಾಣಿಕವಾಗಿ ಹೇಳಬೇಕೆಂದರೆ, ನಿಮಗೆ ಹೆಚ್ಚುವರಿ ಸಮಯಕ್ಕೆ ಯಾವುದೇ ಸಂಬಳ ಸಿಗುವುದಿಲ್ಲ” ಎಂದು ಬರೆದಿದ್ದಾರೆ.
ಇನ್ನೊಂದೆಡೆ, ರುಚಿಬೋಹ್ರ ಎನ್ನುವವರು ಪ್ರತಿಕ್ರಿಯಿಸಿ, ನನ್ನದು ಇದೇ ತರಹದ ಕಥೆಯಿದೆ! ಅದು, ಸುಮಾರು ರಾತ್ರಿ 8 ಗಂಟೆ ಆಗಿತ್ತು, ನನಗೆ ಗೊತ್ತಿತ್ತು ಆಪ್ಲಿಕೇಶನ್ ಇವತ್ತು ಫೈಲ್ ಆಗೋಲ್ಲ ಅಂತ. ಹೀಗಾಗಿ ನಾನು ನಾಟಕವಾಡಿ, ಸರ್ಗೆ, “ಅಮ್ಮಾ ಫೋನ್ ಮಾಡ್ತಿದ್ದಾರೆ, ಇಷ್ಟು ಲೇಟ್ ಆಗಿದೆ, ನಾನು ಹೋಗಬೇಕು ಸರ್.” ಎಂದು ಹೇಳಿದೆ.
ಆಗ ಆ ಸರ್ ಗಡಿಯಾರ ನೋಡ್ತಾರೆ! ನಾನು ಭಾವಿಸಿದ್ದೆ, “ಹಾ ಬೆಟ್ಟಾ, ಹೋಗು ಮನೆಗೆ” ಅನ್ನೋತ್ತಾರೆ ಅಂದುಕೊಂಡೆ. ಆದರೆ, ಅವರು ಹೇಳಿದ್ದು? ಏನು ಗೊತ್ತಾ..? “ನನ್ನ ಮನೆಯಿಂದ ಯಾರೂ ಫೋನ್ ಮಾಡ್ಲಿಲ್ಲವಲ್ಲ!” ಎಂದಿದ್ದಾರೆ. ಆದ್ರೆ, ನಾನು ಅಲ್ಲಿ ಆತನಿಗೆ ಹೇಳಬೇಕಿತ್ತು, ಬಹುಶಃ ನಿಮ್ಮ ಮನೆಯಲ್ಲಿ ನಿಮ್ಮ ಕಂಡ್ರೆ ಯಾರಿಗೂ ಇಷ್ಟವಿರಲಿಕ್ಕಿಲ್ಲ ಎಂದು. ಆದ್ರೆ, ಹೀಗೆ ಹೇಳಿದ್ದರೆ, ವಿಷಯ ಮುಂದುವರೆಯುತ್ತಿತ್ತು. ಹಾಗಾಗಿ, ನಾನು ಹೇಳಲಿಲ್ಲ ಎಂದು ಬರೆದಿದ್ದಾರೆ.
Bangalore,Karnataka
August 10, 2025 11:27 PM IST
