ಕೆಲಸಕ್ಕೆ ರಿಸೈನ್ ಮಾಡಿದ್ದೀರಾ? ಹಾಗಾದ್ರೆ ಕಂಪನಿ ಬಿಡೋ ಮುನ್ನ ಈ ದಾಖಲೆ ಮರೆಯದೆ ಪಡೆಯಿರಿ

1. ಅನುಭವ ಪತ್ರ (Experience Letter): ನೀವು ಕಂಪನಿಯಲ್ಲಿ ಕೆಲಸ ಮಾಡಿದ ಅವಧಿಯ ಅಧಿಕೃತ ಪ್ರಮಾಣ ಪತ್ರ ಅನುಭವ ಪತ್ರ. ಇದು ನಿಮ್ಮ ಭವಿಷ್ಯದ ಉದ್ಯೋಗಗಳಿಗೆ ಬಹಳ ಮುಖ್ಯವಾಗುತ್ತದೆ. ಹೊಸ ಕಂಪನಿಯಲ್ಲಿ ಸೇರುವಾಗ ನಿಮ್ಮ ಹಿಂದಿನ ಅನುಭವವನ್ನು ಸಾಬೀತುಪಡಿಸಲು ಇದು ಅವಶ್ಯಕ. ಅದ್ರಂತೆ ಇದರಲ್ಲಿ, ನಿಮ್ಮ ಕೆಲಸದ ಅವಧಿ, ಹುದ್ದೆ, ಮತ್ತು ಕಂಪನಿಯಲ್ಲಿ ನೀವು ನಿರ್ವಹಿಸಿದ ಜವಾಬ್ದಾರಿಗಳನ್ನು ದೃಢೀಕರಿಸುತ್ತದೆ.

2. ರಿಲೀವಿಂಗ್ ಲೆಟರ್ (Relieving Letter): ರಾಜೀನಾಮೆ ಸಲ್ಲಿಸಿದ ನಂತರ, ಕಂಪನಿಯಿಂದ ರಾಜೀನಾಮೆಯನ್ನು ಒಪ್ಪಿಕೊಂಡಿರುವ ರಿಲೀವಿಂಗ್ ಲೆಟರ್ ಅನ್ನು ಪಡೆಯಿರಿ. ಈ ದಾಖಲೆಯು ನಿಮ್ಮ ರಾಜೀನಾಮೆಯನ್ನು ಔಪಚಾರಿಕವಾಗಿ ದೃಢೀಕರಿಸುತ್ತದೆ ಮತ್ತು ಕೆಲಸದಿಂದ ನಿರ್ಗಮನದ ದಿನಾಂಕವನ್ನು ಸ್ಪಷ್ಟಪಡಿಸುತ್ತದೆ. ಜೊತೆಗೆ ನೀವು ಕಂಪನಿಯ ಎಲ್ಲಾ ಹೊಣೆಗಾರಿಕೆಗಳಿಂದ ಮುಕ್ತರಾಗಿದ್ದೀರಿ ಎಂಬ ದೃಢೀಕರಣ. ಯಾಕಂದ್ರೆ ಹೊಸ ಸಂಸ್ಥೆಯಲ್ಲಿ ಸೇರುವ ಮೊದಲು HR ಇದನ್ನು ಕೇಳುವುದು ಸಾಮಾನ್ಯ.

3. ಕೊನೆಯ ಸಂಬಳ ಸ್ಲಿಪ್‌ಗಳು (Last 6 Salary Slips): ರಾಜೀನಾಮೆಯ ಮೊದಲು ಕನಿಷ್ಠ ಕೊನೆಯ ಆರು ತಿಂಗಳ ಸಂಬಳ ಸ್ಲಿಪ್‌ಗಳನ್ನು ಕಡ್ಡಾಯವಾಗಿ ಪಡೆಯಿರಿ. ಭವಿಷ್ಯದಲ್ಲಿ ಲೋನ್, ಕ್ರೆಡಿಟ್ ಕಾರ್ಡ್, ಅಥವಾ ಹೊಸ ಉದ್ಯೋಗಕ್ಕಾಗಿ HR ದಾಖಲೆಗಳಿಗೆ ಇದು ಉಪಯುಕ್ತವಾಗುತ್ತದೆ.

4. ಫಾರ್ಮ್ 16 (Form 16): ನೀವು ಪಾವತಿಸಿರುವ ಆದಾಯ ತೆರಿಗೆಯ ವಿವರವನ್ನು ಫಾರ್ಮ್ 16 ಮೂಲಕ ಪಡೆಯಬಹುದು. ಹೊಸ ಕಂಪನಿಯಲ್ಲಿ ತೆರಿಗೆ ಲೆಕ್ಕಾಚಾರ ಮಾಡಲು ಮತ್ತು ಐಟಿಆರ್ ಸಲ್ಲಿಸಲು ಇದು ಬಹಳ ಮುಖ್ಯ.

5. ಪಿಎಫ್ ಮತ್ತು ಇಪಿಎಫ್ ವಿವರಗಳು (PF/EPF Details): ನಿಮ್ಮ ಪ್ರಾವಿಡೆಂಟ್ ಫಂಡ್ ಮತ್ತು ಇಪಿಎಫ್ ಸಂಬಂಧಿತ ಎಲ್ಲಾ ವಿವರಗಳನ್ನು ಪಡೆಯಿರಿ. UAN ಸಂಖ್ಯೆ, ಪಾಸ್‌ಬುಕ್ ಮತ್ತು ಪಿಎಫ್ ಖಾತೆ ಲಿಂಕ್ ವಿವರಗಳು ಭವಿಷ್ಯದಲ್ಲಿ ಲಾಭಕರವಾಗುತ್ತದೆ.

6. ಗ್ರ್ಯಾಚ್ಯುಟಿ ವಿವರಗಳು (Gratuity Details): ನೀವು ಐದು ವರ್ಷಕ್ಕಿಂತ ಹೆಚ್ಚು ಕಾಲ ಒಂದೇ ಕಂಪನಿಯಲ್ಲಿ ಕೆಲಸ ಮಾಡಿದರೆ ಗ್ರ್ಯಾಚ್ಯುಟಿ ಪಡೆಯುವ ಹಕ್ಕು ಹೊಂದಿದ್ದೀರಿ. ರಾಜೀನಾಮೆಯ ನಂತರ ಈ ಹಣವನ್ನು ಪಡೆಯಲು HR ನಿಂದ ಪೂರ್ಣ ವಿವರಗಳನ್ನು ಪಡೆಯಿರಿ.

7. ವೈದ್ಯಕೀಯ ವಿಮೆ ಸಂಬಂಧಿತ ದಾಖಲೆಗಳು (Medical Insurance Documents): ಬಹುಸಂಖ್ಯಾತ ಕಂಪನಿಗಳು ಉದ್ಯೋಗಿಗಳಿಗೆ ಆರೋಗ್ಯ ವಿಮೆ ಸೌಲಭ್ಯ ನೀಡುತ್ತವೆ. ಉದ್ಯೋಗ ಬದಲಾಯಿಸುವ ಮೊದಲು ವೈದ್ಯಕೀಯ ವಿಮೆ ಕಾರ್ಡ್, ಪಾಲಿಸಿ ಸಂಖ್ಯೆ ಹಾಗೂ ಕವರ್ ವಿವರಗಳನ್ನು ಪಡೆದುಕೊಳ್ಳುವುದು ಅತ್ಯಗತ್ಯ.

8. ಬೋನಸ್ ಮತ್ತು ಇನ್‌ಸೆಂಟಿವ್ ವಿವರಗಳು (Bonus & Incentive Details): ಉದ್ಯೋಗ ತೊರೆಯುವ ಮೊದಲು ಬಾಕಿ ಇರುವ ಬೋನಸ್, ಇನ್‌ಸೆಂಟಿವ್ ಅಥವಾ ಟಾರ್ಗೆಟ್ ಆಧಾರಿತ ಪಾವತಿಗಳ ಬಗ್ಗೆ HR ನಿಂದ ಪೂರ್ಣ ವಿವರ ಪಡೆದುಕೊಳ್ಳಿ.

9. ಕಂಪನಿ ಆಸ್ತಿ ಹಸ್ತಾಂತರದ ದಾಖಲೆಗಳು (Company Asset Handover Documents): ಕಂಪನಿಯಿಂದ ಪಡೆದ ಲ್ಯಾಪ್‌ಟಾಪ್, ಐಡಿ ಕಾರ್ಡ್, ಸಿಮ್ ಕಾರ್ಡ್, ಅಥವಾ ಇತರ ಉಪಕರಣಗಳನ್ನು ಹಸ್ತಾಂತರಿಸಿದ ದೃಢೀಕರಣ ಪತ್ರವನ್ನು ಪಡೆಯುವುದು ಕಡ್ಡಾಯ. ಮುಂದಿನ ತೊಂದರೆ ತಪ್ಪಿಸಲು ಇದು ಉಪಯುಕ್ತ.

10. ಶಿಫಾರಸು ಪತ್ರ (Recommendation Letter): ನೀವು ಉತ್ತಮ ಕೆಲಸ ನಿರ್ವಹಿಸಿದ್ದರೆ, HR ಅಥವಾ Reporting Manager ನಿಂದ ಶಿಫಾರಸು ಪತ್ರವನ್ನು ಪಡೆಯಿರಿ. ಇದು ನಿಮ್ಮ ಭವಿಷ್ಯದ ಉದ್ಯೋಗ ಮತ್ತು ವೃತ್ತಿ ಬೆಳವಣಿಗೆಗೆ ಸಹಕಾರಿಯಾಗಿರುತ್ತದೆ.

11. ಬಾಕಿ ರಜೆಗಳ ವಿವರಗಳು: ಉಳಿದಿರುವ ರಜೆಗಳಿಗೆ ಸಂಬಂಧಿಸಿದ ಪಾವತಿಗಳು ಅಥವಾ ವರ್ಗಾವಣೆಯ ವಿವರಗಳನ್ನು ಪಡೆಯಿರಿ. ಕೆಲವು ಕಂಪನಿಗಳು ರಜೆಗಳನ್ನು ಹಣವಾಗಿ ಪರಿವರ್ತಿಸುತ್ತವೆ, ಆದ್ದರಿಂದ ಈ ದಾಖಲೆ ಮುಖ್ಯವಾಗಿದೆ.

12. ಕಂಪನಿಯ ಗುರುತಿನ ಚೀಟಿ ಮತ್ತು ಇತರ ಸಂಪನ್ಮೂಲಗಳ ವಾಪಸಾತಿ: ಕಂಪನಿಯ ಗುರುತಿನ ಚೀಟಿ, ಲ್ಯಾಪ್‌ಟಾಪ್, ಅಥವಾ ಇತರ ಸಂಪನ್ಮೂಲಗಳನ್ನು ವಾಪಸು ನೀಡಿದ ಬಗ್ಗೆ ದೃಢೀಕರಣ ಪತ್ರವನ್ನು ಪಡೆಯಿರಿ. ಇದು ಯಾವುದೇ ಭವಿಷ್ಯದ ಗೊಂದಲವನ್ನು ತಪ್ಪಿಸುತ್ತದೆ.

ಪ್ರಮುಖ ಸಲಹೆಗಳು (Tips Before Resigning)

ಹಾಗಾಗಿ, ಕೆಲಸ ತೊರೆಯುವ ಮೊದಲು, ಕಂಪನಿಯ ಎಚ್‌ಆರ್ ನೀತಿಗಳನ್ನು ಚೆನ್ನಾಗಿ ತಿಳಿದುಕೊಳ್ಳಿ. ಒಂದು ವೇಳೆ ಯಾವುದೇ ದಾಖಲೆಯನ್ನು ಪಡೆಯಲು ತೊಂದರೆಯಾದರೆ, ಕಾನೂನು ಸಲಹೆ ಪಡೆಯಿರಿ. ಈ ದಾಖಲೆಗಳು ನಿಮ್ಮ ಹಕ್ಕುಗಳನ್ನು ರಕ್ಷಿಸುವುದರ ಜೊತೆಗೆ, ಭವಿಷ್ಯದ ಉದ್ಯೋಗದ ಅವಕಾಶಗಳನ್ನು ಸುಗಮಗೊಳಿಸುತ್ತವೆ.