ಓದೋಕೆ ಕಾಶ್ಮೀರದವರು ಇರಾನ್​ಗೆ ಹೋಗೋದ್ಯಾಕೆ? ಇಲ್ಲಿದೆ ಅಸಲಿ ಕಾರಣ!

ಭಾರತೀಯ ವಿದ್ಯಾರ್ಥಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಇರಾನ್‌ಗೆ ವೈದ್ಯಕೀಯ ಶಿಕ್ಷಣ ಪಡೆಯಲು ಹೋಗುತ್ತಾರೆ. ಕೆಲ ಅಂದಾಜಿನ ಪ್ರಕಾರ, 2022ರಲ್ಲಿ, ಸುಮಾರು 2,050 ವಿದ್ಯಾರ್ಥಿಗಳು ಇರಾನ್‌ನ ಟೆಹ್ರಾನ್ ವೈದ್ಯಕೀಯ ವಿಜ್ಞಾನ ವಿಶ್ವವಿದ್ಯಾಲಯ, ಶಾಹಿದ್ ಬೆಹೆಶ್ತಿ ವಿಶ್ವವಿದ್ಯಾಲಯ ಮತ್ತು ಇಸ್ಲಾಮಿಕ್ ಆಜಾದ್ ವಿಶ್ವವಿದ್ಯಾಲಯದಂತಹ ಸಂಸ್ಥೆಗಳಲ್ಲಿ ದಾಖಲಾಗಿದ್ದರು. ಅದರಲ್ಲೂ ಕಾಶ್ಮೀರದವರು ಇಲ್ಲಿಗೆ ಹೆಚ್ಚಾಗಿ ಓದೋಕೆ ಬರುತ್ತಾರೆ ಎಂದು ವರದಿಗಳು ಹೇಳಿವೆ.

ಭಾರತದಲ್ಲಿ ವೈದ್ಯಕೀಯ ಸೀಟುಗಳಲ್ಲಿ ಏರಿಕೆ ಇದ್ದರೂ ಕೂಡ, ವೈದ್ಯಕೀಯ ಶಿಕ್ಷಣವನ್ನು ಪಡೆಯಲು ವಿದೇಶಕ್ಕೆ ಭಾರತೀಯರು ಹಾರುತ್ತಿದ್ದಾರೆ. ವಿದೇಶದಲ್ಲಿ ಅಧ್ಯಯನ ಮಾಡಿದ ನಂತರ ಭಾರತದಲ್ಲಿ ವೈದ್ಯಕೀಯ ಅಭ್ಯಾಸ ಮಾಡಲು ಕಡ್ಡಾಯವಾಗಿರುವ ವಿದೇಶಿ ವೈದ್ಯಕೀಯ ಪದವಿ ಪರೀಕ್ಷೆ (FMGE)ಗೆ ಹಾಜರಾಗುವ ಅಭ್ಯರ್ಥಿಗಳ ಸಂಖ್ಯೆಯಲ್ಲಿ ಏರಿಕೆಯನ್ನು ನೋಡಬಹುದಾಗಿದೆ. ಅದರಂತೆ, 2024ರಲ್ಲಿ ಸುಮಾರು 79,000 ವಿದ್ಯಾರ್ಥಿಗಳು ವಿದೇಶಿ ವೈದ್ಯಕೀಯ ಪದವಿ ಪರೀಕ್ಷೆಗೆ ಮತ್ತು 2023ರಲ್ಲಿ 61,616 ಮತ್ತು 2022ರಲ್ಲಿ 52,000 ವಿದ್ಯಾರ್ಥಿಗಳು ಹಾಜರಾಗಿದ್ದರು.

ಭಾರತೀಯ ವಿದ್ಯಾರ್ಥಿಗಳಲ್ಲಿ ವಿಶೇಷವಾಗಿ ಕಾಶ್ಮೀರದ ವಿದ್ಯಾರ್ಥಿಗಳು ಇರಾನ್‌ಗೆ ಹೆಚ್ಚಿನ ಸಂಖ್ಯೆಯಲ್ಲಿ ಅಧ್ಯಯನಕ್ಕಾಗಿ ತೆರಳುತ್ತಾರೆ ಎಂದು ಅಂಕಿಅಂಶಗಳು ಹೇಳಿವೆ. ವಿದ್ಯಾರ್ಥಿಗಳು ವೈದ್ಯಕೀಯ ಮತ್ತು ಎಂಜಿನಿಯರಿಂಗ್ ಅಧ್ಯಯನ ಮಾಡಲು ಈ ದೇಶಕ್ಕೆ ಹೋಗುತ್ತಾರೆ. ಯಾವಾಗಲೂ ಗಲಾಟೆ, ದೊಂಬಿ ನಡೆಯುವ ಈ ದೇಶಕ್ಕೆ ಹೋಗಲು ವಿದ್ಯಾರ್ಥಿಗಳು ಹಾತೊರೆಯುವುದೇಕೆ ಅನ್ನೋದೇ ಪ್ರಶ್ನೆಯಾಗಿದೆ.

ಕಾಶ್ಮೀರಿ ವಿದ್ಯಾರ್ಥಿಗಳನ್ನು ಸೇರಿ ಭಾರತೀಯ ವಿದ್ಯಾರ್ಥಿಗಳು ಹಲವು ಕಾರಣಗಳಿಗಾಗಿ ಇರಾನ್‌ನಲ್ಲಿ ಅಧ್ಯಯನ ಮಾಡಲು ಹೋಗುತ್ತಾರೆ. ಅವುಗಳಲ್ಲಿ ಪ್ರಮುಖವಾದವು ಕೈಗೆಟುಕುವ ಶಿಕ್ಷಣ ವೆಚ್ಚ ಎನ್ನಬಹುದು. ಭಾರತ ಮತ್ತು ಇರಾನ್‌ನ ಶಿಕ್ಷಣ ಸಂಸ್ಥೆಗಳ ನಡುವೆ ಮೇಲ್ನೋಟಕ್ಕೆ ಹೋಲಿಕೆ ಮಾಡಿದರೂ, ಭಾರತದ ಶಿಕ್ಷಣದ ಗುಣಮಟ್ಟವು ಎಲ್ಲಾ ಕ್ಷೇತ್ರಗಳಲ್ಲಿ ಇರಾನ್‌ಗಿಂತ ಬಹಳ ಹೆಚ್ಚಾಗಿದೆ. ಈ ಒಂದು ಕಾರಣ ವಿದ್ಯಾರ್ಥಿಗಳು ಅಲ್ಲಿಗೆ ಹೋಗಲು ಪ್ರಮುಖ ಅಂಶವಾಗಿದೆ.

ಕೈಗೆಟುಕುವ ಶಿಕ್ಷಣ ಪ್ರಮುಖ ಕಾರಣವಾದರೂ, ಕಾಶ್ಮೀರ ಕಣಿವೆಯವರಿಗೆ ಇರಾನ್ ವಿಶಿಷ್ಟ ಆಕರ್ಷಣೆಯನ್ನು ಹೊಂದಿದೆ. ಕೇವಲ ಹಣ ಒಂದೇ ಅಲ್ಲದೇ ಇವರಿಗೆ, ಸಾಂಸ್ಕೃತಿಕ ಮತ್ತು ಐತಿಹಾಸಿಕ ಸಂಬಂಧಗಳು ಕೂಡ ಕಾರಣವಾಗಿವೆ. “ಕಾಶ್ಮೀರವನ್ನು ಬಹಳ ಹಿಂದಿನಿಂದಲೂ ಇರಾನ್-ಎ-ಸಘೀರ್ ಅಥವಾ ಇರಾನ್ ಮಿನರ್ ಎಂದು ಕರೆಯಲಾಗುತ್ತಿದೆ. ಕಾಶ್ಮೀರದ ಸ್ಥಳಾಕೃತಿ ಮತ್ತು ಕಾಶ್ಮೀರದ ಸಂಸ್ಕೃತಿಯು ಇರಾನ್‌ನಂತೆಯೇ ಇದೆ.

ಧಾರ್ಮಿಕ ಬಾಂಧವ್ಯವು ಮತ್ತೊಂದು ಕಾರಣವಾಗಿದೆ. “ಕಾಶ್ಮೀರದಲ್ಲಿ ಶಿಯಾ ಅಂಶವಿರುವುದರಿಂದ ಮತ್ತು ಇರಾನ್‌ನಲ್ಲಿ ಶಿಯಾ ಉಪಸ್ಥಿತಿ ಇರುವುದರಿಂದ, ಈ ಬಾಂಧವ್ಯ ಕೂಡ ಕಾರಣ ಎನ್ನಲಾಗಿದೆ. ಹೆಚ್ಚಿನ ಕಾಶ್ಮೀರಿ ವಿದ್ಯಾರ್ಥಿಗಳು ಟೆಹ್ರಾನ್‌ನಲ್ಲಿ ವೈದ್ಯಕೀಯ ಶಿಕ್ಷಣವನ್ನು ಪಡೆಯುತ್ತಾರೆ, ಇತರರು ಪವಿತ್ರ ನಗರಗಳಾದ ಕೋಮ್ ಮತ್ತು ಮಶಾದ್‌ನಲ್ಲಿ ಇಸ್ಲಾಮಿಕ್ ದೇವತಾಶಾಸ್ತ್ರವನ್ನು ಅಧ್ಯಯನ ಮಾಡುತ್ತಾರೆ.